IBRANI 4:13 - KITAB NU TUMPU ALLA LELE MA'IMAI'

¹³ Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

IBRANI 4:13 ပူးပေါင်းရင်းမြစ်များ

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

2 TAWARIKH 6:30

de timbali da belento i uno nu kajojoongan nu Belento i suluga' mohongo mae ka' mongampuniakon mae aha. Ola belento na monsumbu' isi nu kinyonyoa nu manusia. Kalana aitu pokonai hukuman na mian sitimbang tiba apa na anu binaunyomo,

AYUB 26:6

I ahop nu Tumpu Allah, dunia nu mian anu sinilakamo tuhe-tuhea' hi Tumpu Allah, madi' tinumban sahingga kantoan hi Ia.

AYUB 34:21

Kantumuu'an nu manusia ia na monjagai Nutoa iwi-iwi' na kolangka-langkas nu manusia.

AYUB 38:17

Pa' toho'mo mian nompotoa hi beleyum sabatan daka' i ahop nu dunia nu mian anu sinilakamo anu pikat hondo?

MAZMUR 139:4

Aitu pe'e ma'isa aku motatae, Belento nonsumbu'mo apaa na anu kahanda' ku taloakon.

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

MAZMUR 7:9

Belentomo na momputusi manusia; bee'i mae na aku ka'adilan, o Tumpu kalana aku madi' ko kasala'an.

MAZMUR 90:8

Belento nompo'una'mo kasala'an mami i ahop nu Belento, dosa' mami anu sulu-suluk kinantoaanmo hi Belento.

AMSAL 15:11

Nu sumbu' nu Tumpu na dunia nu mian anu sinilakamo ka' apa-apaa na anu jadi ikiijo'; madi' opoko ala oposuluk na pikilan nu mian hi Ia!

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

AMSAL 5:21

Tumpu montoa apa-apaa na anu binau mo nu manusia. Maumo mamba moya na manusia, Tumpu mompopiakon.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YEREMIA 16:17

Aku montoamo sinin na anu nu bau nu aha. Madi'mo daagi' ko anu naninsuluk da madi' Ku toa; dosa' nu aha mule' tinoang-Kumo.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

YEREMIA 29:23

Sumo aijo'mo na uki' nu aha kalana nombaumo dosa' toto daka-daka' hi aha Israel: aha nasala'mo, ka' nompakemo sanggo nu Tumpu na monsisik hahan anu madi' totu'u. Han aijo' madi' sosok tiba tanga'an nu Tumpu. Nu sumbu' apaa na anu nu bau nu aha, ka' posi iamo ahi' na jadi sakisi mongewa aha. Tumpu notataemo.”

DANIEL 2:22

Iamo na mompotuka'lahasia anu talalo o pohowini. Lamo ia na momposumbu' apa-apaa anu jinadimo i uno nu pikat. Ia nu salingkukubi nu jingka anu taha-tahahumo.

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

YOHANES 2:24

Panyo i Yesus madi' mompalesaya aha, kalana Nusumbu' na mian iwi-iwi'.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 4:16

“Lako', laga mae na langkai'um, lantas pinsusule' mae aiya,” na koonyo i Yesus.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 2:16

Sumo aijo'mo na anu saidi' mae timbali i sinaa anu tinantukanmo aijo'. I sinaa aijo' – koonyo nu Lele Ma'ima' anu kupo-kupolele – Tumpu hi Yesus Kristus na momputusi iwi-iwi' na lahasia nu kinyonyoa ka' pikilan nu mian iwi-iwi'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”