IBRANI 4:12 - KITAB NU TUMPU ALLA LELE MA'IMAI'

¹² Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

IBRANI 4:12 ပူးပေါင်းရင်းမြစ်များ

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

MAZMUR 139:2

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

MAZMUR 149:6

Bakas da aha mompuji' Tumpu, otaloakon linsi-linsingan, ka' montoongi bajak anu binoitmo

MAZMUR 45:3

Belento na anu talalo ahi' handa nu hungku'i na manusia, potatae nu Belento saja' kaho ka'ima'an, mokonyo aijo' Belento nu balakati nu Tumpu, sampe toka sidu-sidutu.

AMSAL 5:4

panyo de bisuannyo iwi-iwi' moko lapasmo, saba anu daagi me ahi' kasusa'an ka' kasansala'an.

ANU MOMPOLELE POTATAE NU TUMPU 12:11

Potatae nu mian anu ko ilimu' aijo' sumomo tokon anu matajom, anu nu toong nu samian na polaya' potuu'on, tokon anu nu pake monjagai dombanyo. Ibalat tiba pokinde' pinosa'angu'; sumomo paku' anu pinaku'akonmo hoso-hoson. Iwi-iwi' aijo' suele anu binee'mo nu Tumpu; polaya'to anu sa'a-sa'angu'nyomo aijo'.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 49:2

Ia nompotajomo potataengku susumo bajak, Ia nonjagaimo aku nu posi lima-Nyo. Ia nompotimbalimo aku susumo hihis nu pana' anu binoitmo, ka' pino isimo i uno nu bulu'nyo da me bapake-pake.

YESAYA 55:11

sumo atina'mo suele na potatae anu tinaeakon-Kumo mai' mobalik mae hi beleng-Ku ola palasuma panyo ko hasinnyo mombau apaa na anu Ku kahanda'i, ka' montokai iwi-iwi' na anu Ku kahanda'i.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 23:29

Potataeng-Ku sumo apu, ka' mule' sumo pombaan anu mohansuni batu!

LUKAS 8:11

“Aiya na alati'nyo nu kantuangan aijo': Bine' aijo', aijo'mo potatae nu Tumpu.

YOHANES 12:48

Mian anu madi' montalima Aku ka' madi' mohongo potataeng-Ku, daagi'mo ko anu momputusi palakalanyo. Potatae anu Ku potokakon, aijo'mo na anu momputusi palakala i Sinaa Kakiamatan.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

SISIKON NU TO RASUL-RASUL 2:37

Salatan to mia-mian aijo' nohongo han aijo', kinyonyoa nu aha madi'mo talalo sinanang. Lantas aha nompokilawamo hi Petrus ka' hi to rasul-rasul sangga'atannyo, “To Utu-utus, kami tionyo mombau apaa?”

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

SISIKON NU TO RASUL-RASUL 5:33

Salatan to sanga-sangalunyo nu Mian Kopian Daka' nu Agama nohongomo aijo', aha pinusamo hondo ka' aha nosa'angu'mo na tanga'an da mompateimo to rasul-rasul haha aijo'.

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 4:2

Kami madi' mompake hahan anu oposuluk ka' mongambangi. Kami madi' mongka'oho' mokalaja mongakali kabai monggeo-geo'akon potatae nu Tumpu. Hodi-hodi' na kinyonyoa mami mohongo-hongo apaa na koonyo nu Tumpu mombatuki pongka'oho'-Nyo. Mokonyo aijo' o'inde'i mami da mian iwi-iwi' mompopikilakon kami ima-ima' i uno nu kinyonyoanyo.

EFESUS 5:13

Iwi-iwi' anu jiningkanmo nu jingka, manasamo na otoa.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

EFESUS 6:17

Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

1 TESALONIKA 2:13

Daagi' mule' ko sa'angu' na han anu sangga'at, anu mombau kami saja' montalima kase hi Tumpu. Han aijo' aitumo, saaba' tempo'nyo kami nompotokakon lele lengkat mae hi Tumpu Allah toka hi komiu, komiu nohongomo ka' montalimamo lele aijo' misa' sumo lele lengkat hi mian, panyo sumo lele anu totu-totu'u lengkat mae hi Tumpu. Iamo na anu mokalaja i uno nu butong miu anu pinalesayamo hi Kristus.

1 TESALONIKA 5:23

O amalakon da posi Tumpuje na mombee'i kita ka'ima'an, mompotimbali komiu mian anu totu-totu'u tumuu'mo samata-mata hi Tumpu. O amalakon da Tumpu monjagai butong miu, iwi-iwi' mau mule' roh, santuu' kabai pe'e butong miu, sahingga madi' ko ideknyo de Tumpunto i Yesus Kristus mompo'ule'mo mae toka.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 6:5

Aha nonsumbu'mo kalana apaa na hi anu sinumbu'mo nu aha aijo'mo potatae nu Tumpu aijo' ma'ima', ka' aha nongoa'imo to bala-balakat anu kinuasanmo nu kuasa anu tokaje mae.

YAKOBUS 1:18

Posi pongka'oho'-Nyo na Ia nompotimbalimo kita to ana-anak-Nyo kalana nohongomo potatae-Nyo anu totu'u. Binau-Nyo sumo aijo' da kita mohumpak tampat anu talasanggo molingkudui iwi-iwi' anu ko nyawa-Nyo anu pinotimbalimo nu Tumpu.

1 PETRUS 1:23

Kalana potatae anu tumuu' ka' sampe toka sidu-sidutu' lengkat mae hi Tumpu aijo', belemiu pinotimbalimo manusia bu'ou anu misa' i hampeakon nu manusia, panyo lengkat mae hi Tuuma anu tumuu' sampe toka sidu-sidutu'.

ANU PINOTO'I HI YOHANES 1:16

Lima-Nyo koanan montoongi popitu' na mandala', ka' aijo' i nganga'-Nyo nosabat mae samata na bajak anu matajom poti-potimbiha'. Ohup-Nyo mangkunining sumo batu nu sinaa de sonsu'unmo.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.

ANU PINOTO'I HI YOHANES 19:21

Ka' suludadu nu aha pinateanmo nu bajak anu nosabat lengkat mae i nganga' nu anu nonsake'i ajahan mopute' aijo'. Sahingga to tomo-tomonsi' suele tinokamo ka' nongkaanmo majoko' hondo i antoknyo nu aha anu pinateanmo aijo'.

ANU PINOTO'I HI YOHANES 2:16

Kalana aijo', balatobatmo i to dosa-dosa' miu! De madi' saidi' mae Aku po'ule'je toka hi belemiu ka' mompahampateakon mian haha aijo' nu bajak anu aiya i nganga'-Ku.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.

TO MIA-MIAN KOPIAN 3:16

Daagi' kino sansinaan i Ehud nombaumo sa'angu' na bajak poti-potimbiha' ko matanyo ohani mintonga' na meten na komantannyo. Tinakosnyo na bajak aijo' i sasu koanannyo i uno nu baju'nyo,