IBRANI 3:7 - KITAB NU TUMPU ALLA LELE MA'IMAI'

^7-8 Kalana aijo', susumo koo-Nyo nu Roh nu Tumpu, “De sinaa aiya komiu mohongomo potatae nu Tumpu, bolimo komiu panggaga, susumo mompolee' miu, tempo'nyo aha notomuhukmo hi Tumpu, ka' nonsobaimo Tumpu i padang bone'.

IBRANI 3:7 ပူးပေါင်းရင်းမြစ်များ

2 SAMUEL 23:2

Roh nu Tumpu Allah notataemo hi belengku da opotokakon; potuunon tiba palentah-Nyo aiya i biwingku.

MAZMUR 81:11

Akumo na Tumpu nu belemiu, anu nolaya'mo mae belemiu nosabat lengkat mae i Mesir. Tempo'nyo belemiu no'ohopmo kalana madi'mo ko anu okaan, binee'an-Kumo anu okaan na belemiu.

MAZMUR 81:13

Kalana aijo' pinojoho-Kumo na aha da pinanggagamo, bakasmo na aha da mombatukimo posi pongka'oho' nu aha.

AMSAL 27:1

Boli lewa' monsisik anu madi' totu'u mongkona sina dodop, kalana madi' nu sumbu' pa' apaa na anu jadi saidi' mae.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

YESAYA 55:6

Pinsusule'mo hi Tumpu da daagi' ko kasampatan poto'imo pa' apaa na okahanda'i hi Tumpu da Ia daagi' ohani.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 22:43

“Desumo aitu,” koonyo i Yesus, “apaa nasababnyo Roh nu Tumpu nombee'i pikilan hi Daud da nonsanggo Tomundo anu Momposalamat ‘Tumpu’? Sabab i Daud notatae,

MARKUS 12:36

Padahan posi i Daud – kalana binee'anmo balakat nu Tumpu Allah – notatae, ‘Tumpu, notatae hi Tumpungku: suhangmo i sasu koanan-Ku sampe Aku mombau to sampo-sampobali'-nu Belento minsuuluk hi Belento’.

YOHANES 10:16

Daagi' mule' ko domba-domba sangga'at aijo' suele anung-Ku, panyo madi' pinosoop i pahasan nu domba haha aiya. Aha suele tionyo Kuboa, ka' aha mule' tionyo mohongo potataeng-Ku. Aha iwi-iwi' tionyo timbali sampahas ka' sa'angu' na polaya'.

YOHANES 10:27

Domba-dombang-Ku mohongo potataeng-Ku. Aku monsumbu' aha, ka' aha nombatukimo Aku.

YOHANES 10:3

Pontamongi pangkun mombukai tumban de ia minsoop ka' to domba-domba mombatuki potataenyo de ia molaga sanggonyo toto sa'angu' ka' montuntuni aha mosabat.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

SISIKON NU TO RASUL-RASUL 1:16

“To Utu-utus! Apaa na anu tinulismo i uno nu Kitab nu Tumpu Allah, aijo' tionyo timbali. Naipuan mae Roh nu Tumpu notataemo hi Daud mongkona i Yudas, polaya' nu to mia-mian anu mohakop i Yesus aijo'.

SISIKON NU TO RASUL-RASUL 28:25

Kalana pikilan anu madi' mompahakona aha nompala'imo tampat aijo', salatan i Paulus nontaeakonmo sumo aijo' hi aha, “Memang kona hondo apaa na anu tinaeakonmo nu Roh nu Tumpu hi Nabi Yesaya kona hi mompolee' nu belemiu!

SISIKON NU TO RASUL-RASUL 8:29

Roh nu Tumpu notatae hi Filipus, “Lako'mo oha-ohani i kasake'an aijo'.”

IBRANI 10:15

Mongkona han aijo' Roh nu Tumpu suele nonsisikakonmo hi kita. Roh nu Tumpu notatae,

IBRANI 3:13

Jadi, da madi' ko samian pe'e anu itina' hi komiu na nu akali nu dosa' sahingga panggagamo hi Tumpu, tionyo ahi' komiu mompaha poki-pokinde'i sansina-sinaa de kita daagi' tumuu' i uno nu tempo' anu sinanggo-Nyo “Sinaa Aiya” i uno nu Kitab nu Tumpu.

IBRANI 3:15

Aiyamo na anu tinulis i uno nu Kitab nu Tumpu, “De sinaa aiya komiu mohongomo potatae nu Tumpu, boli komiu panggaga, susumo mompolee' miu, tempo'nyo aha notomuhukmo hi Tumpu.”

IBRANI 4:7

Kalana Tumpu nontantukanmo sa'angu' na sinaa sangga'at mule', anu osanggohi “Sinaa Aiya”. Motau-taunmo na Tumpu nompoto'i han aijo' hi Daud, i uno nu ayat anu ingala ka' tinulis u'uka aijo', “De sinaa uuka komiu mohongomo potatae nu Tumpu, bolimo komiu panggaga.”

IBRANI 9:8

Tiba atulan anu sumo aijo', Roh nu Tumpu mompotiju'mo totu-totu'u, saba' de daagi' sabole-bole kemah anu i sasu ahop aijo' opotinjo, jalan minsoop i uno nu Salipi' anu Susi' hondo aijo' ma'isa tabuka'.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.