IBRANI 3:5 - KITAB NU TUMPU ALLA LELE MA'IMAI'

⁵ I Musa tulu-tulutan hondo salaku posaihon i uno nu Laigan nu Tumpu ka' mompotokakon hahan anu nu poto'ije nu Tumpu Allah aiyamae i ahop.

IBRANI 3:5 ပူးပေါင်းရင်းမြစ်များ

NEHEMIA 9:14

Sinaa nu Sabat anu susi' tionyo ahi' nu lame'akon nu aha, ka' atulan nu Belento binee'mo nu Belento hi Musa lantas iaje na nompoto'i hi kami.

MAZMUR 105:26

Lantas Ia nonsaimo i Musa posaihonnyo, ka' i Harun mian anu pinile'an-Nyomo.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

NOSABATMO 40:16

I Musa nombaumo iwi-iwi' aijo' susumo anu pinalentahkon nu Tumpu.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

MATIUS 25:21

‘Ma'ima'mo’, koonyo nu tuan aijo', ‘beleyum posaihon anu ma'ima' ka' mohongo-hongo. Kalana beleyum timbali o palesaya i hahan anu sangkiding, manjoo'je na kubee' hi beleyum. Pinsoop ka' batuki na aku, basana-sanang tiba aku!’

LUKAS 12:42

Tumpu nontaami, “Ihe na posaihon anu mohongo-hongo ka' pande, sahingga i hangkat nu tuannyo timbali kapala nu to posa-posaihon sangga'at da ia mombee'i aha mongkaan toka i tempo'nyo?

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

SISIKON NU TO RASUL-RASUL 28:23

Sahingga aha ka' i Paulus nontantukanmo sa'angu' na sinaa da bau pompahakabotan. I sinaa aijo' dina'isan na mian tinoka nokiijo' i kajojoongan i Paulus. Lengkat pe'e subu tinoka mamalom, na i Paulus nontalangkan nompotoka hi aha lele mongkona mosia na Tumpu mompalentah sumo Tomundo'. To ayat-ayat lengkat i Kitab i Musa ka' Kitab nu to Nabi-nabi, na pinake i Paulus, ia mompagala da aha palesaya hi Yesus.

SISIKON NU TO RASUL-RASUL 7:37

Iamo suele na i Musa anu notatae hi bansa Israel, ‘Tumpu Allah mombee'je hi beleyum samian na nabi anu pinile'an lengkat hi posi komi-komiumo atina', susumo Ia nompile'imo aku.’

ROMA 3:21

Panyo uuka aiya Tumpu nompotiju'mo jalan, mosia na mian mompaha ima' tiba Ia; ka' jalannyo aijo' madi' ko tuusanannyo tiba atulan nu agama Yahudi. Kitab-kitab i Musa tiba kitab-kitab nu to nabi-nabi memang nompoto'imo han aijo',

1 KORINTUS 4:2

Anu momona pagala opoita hi to posa-posaihon anu susumo aijo' madi' kosangalasannyo aijo'mo da ia mohongo-hongo tuannyo.

PO'ULE' INGULIT 3:24

O Tumpu Anu Matangkas na kuasanto, ku sumbu na anu pinotoamo nu belento hi belengku aiya sala'je tampu'unannyo nu palabuatan anu daka' ka' anu okabangangi apaa na anu saidi' mae obau nu Belento. Madi' ko pilogot sangga'at aita' i langit kabai aiya i dunia anu sumo Belento timbali moko ala mombau hahan anu daka'.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

1 TIMOTIUS 1:12

Aku mompoita talima kase hi Kristus Yesus Tumpunto. Ia nombee'imo mae kahosonan hi belengku da mombau apaa na anu Nu palentahkon, ka' Ia nonanggapmo aku timbali mombau kalaja aijo',

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 3:2

Ia tulu-tulutan hondo hi Tumpu anu nompile'imo Ia da mombau pakalaja'an aijo' susumo i Musa naipuan mae tinulu-tulutanmo apaa na anu pinokauhakon nu Tumpu obau i Laigan nu Tumpu.

IBRANI 3:4

Memang iwi-iwi' na laigan daagi' ko anu nompotinjo, panyo anu mompotinjo iwi-iwi na apaa atina'mo samata-mata Tumpu.

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

IBRANI 9:24

Kalana i Kristus madi' ninsoop i Salipi' anu Susi' anu binau nu mian, anu ola mongibalatakon Salipi' anu Susi' ka' anu sahondo-hondonyo. Posi i Kristus na minsoop i Suluga'; i kiita' mae Ia tempo' uuka mangadap hi Tumpu kalana kapentinganto.

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 1:2

Tumpu notatae, “Posaihon-Ku i Musa sinilakamo. Jadi uuka aiya beleyum ka' iwi-iwi' na aha mian nu Israel pogogaumo da motaapmo mokiijo' i Kaunyo nu Yordan, ka' mompinsoopimo lipu' anu Ku bee'mo hi aha.

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

YOSUA 8:31

Mezbah aijo' binaunyo susumo anu pinotiju'mo i uno nu Kitab i Musa, posaihon nu Tumpu aijo', hi aha mian nu Israel; “Sa'angu' na mezbah kaho batu na binau anu ma'isa toho' binau pa' apaa nompake pakakas besak.” I mezbah aijo' aha mian nu Israel nonsombahkonmo hi Tumpu; koloban anu opotunu ka' suele koloban bau pompodame aha.

YOSUA 8:33

Aha mian nu Israel tiba to pola-polaya', to kapa-kapala nu suludadu, to mia-mian kopian, ka' suele to mia-mian anu lengkat mae i salipu'an anu jojoong ikiijo' hi aha, tinuminjomo i sambiha' ka' sambiha' nu Peti' Palajanjian nu Tumpu mongahopi to ima-imam Lewi anu molemban Peti' Palajanjian aijo'. Sambagian na mian haha aijo' mongahopi Bungkutnyo nu Gerizim, ka' sambagian mule' mongahopi Bungkutnyo nu Ebal. I Musa posaihon nu Tumpu aijo', nompalentahkonmo da aha mombau han anu sumo aijo' de tokamo na tempo'nyo aha mohumpakmo balakat anu jinanji'mo nu Tumpu.

ANU PINOTO'I HI YOHANES 15:3

Ka' aha nonyanyiakon nyanyian i Musa, posaihon nu Tumpu Allah, ka' nyanyian nu Anak nu Domba. Sumo uuka na koonyo, “Tumpu, Tumpu Anu Matangkas na kuasanyo. Palias hondo na kodaka'nyo ka' okabangangi na iwi-iwi' anu binaumo nu Belento! Tomundo nu bansa iwi-iwi', palias na ko adinnyo ka' totu'u apaa na anu binaumo nu Belento!