IBRANI 3:18 - KITAB NU TUMPU ALLA LELE MA'IMAI'

¹⁸ Tempo'nyo Tumpu binasumpa'mo sumo uuka, “Aha madi' timbali minsoop i lipu' aijo' da timbali mingkain tiba aku” – ihe mule' na anu kokoonyo nu Tumpu? Anu nunu patui aijo'mo to mia-mian anu notomuhukmo hi Tumpu, kabai misa'o?

IBRANI 3:18 ပူးပေါင်းရင်းမြစ်များ

MAZMUR 78:22

kalana aha madi'mo pinalesaya hi Tumpu, hi kuasa-Nyo anu moko ala momposalamat aha.

NOMBILANGMO 14:11

Tumpu notataemo hi Musa, “Daagi' hipian na kopinnyo na mian haha aijo' panggaga hi beleng-Ku? Sampe toka hipian na aha madi' mongka'oho' palesaya hi beleng-Ku, padahan Aku nombaumo manjoo' hondo na anu okabangangi hi aha?

NOMBILANGMO 14:23

Madi'! Aha madi' timbali minsoop i lipu' aijo'. Aha anu pinanggagamo hi beleng-Ku madi' ko samian pe'e na timbali mompeja' lipu' aijo'.

NOMBILANGMO 14:30

Kalana aijo' belemiu tionyo ahi' matemo ka' bangke' nu belemiu motanatamo i padang bola aiya. Olamo i Kaleb ka' i Yosua na anu daagi' tumuu', madi' ko samian pe'e anu atina' hi belemiu anu umunnyo uampulu'mo na taun mokiita' na timbali minsoop i lipu' anu jinanji'-Kumo hi belemiu.

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

ROMA 11:30

U'utu mae komiu madi' mohongo-hongo Tumpu. Panyo uuka aiya Tumpu nompoto'imo tukoonyo komiu pinobebasmo i kasala'an, kalana to mia-mian Yahudi madi'mo mohongo-hongo.

PO'ULE' INGULIT 9:23

Lantas tempo'nyo belemiu sinaimo nu Tumpu nompala'i Kades-Barnea da mambamo ka' monjojoongi tano' anu Nu bee'mo hi belemiu, belemiu madi' mohongo-hongo Tumpu Allah nu belemiu; belemiu madi' mongka'oho' palesaya kabai tulu-tulutan hi Ia.

IBRANI 3:11

Aku pinusamo ka' binasumpa'mo, ‘Aha madi' timbali minsoop i lipu' aijo' da mohumpak kajojoongan tiba Aku.’ ”

IBRANI 4:11

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.

IBRANI 4:2

Kalana Lele Ma'ima' aijo', pinolelemo hi kita pokakana sumo hi aha. Panyo hi aha lele aijo' madi' kino kaliangannyo. Kalana mau mule' i hongomo nu aha, aha madi' ahi' palesaya.

IBRANI 4:6

Jadi aha anu momona nohongo lele mongkona Lele Ma'ima' aijo', madi' mohumpak pingkainan aijo' kalana aha madi' palesaya. Desumo aijo' nanasamo taalu' daagi' ko to mia-mian sangga'at anu timbali mohumpak pingkainan aijo'.