IBRANI 3:12 - KITAB NU TUMPU ALLA LELE MA'IMAI'

¹² To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

IBRANI 3:12 ပူးပေါင်းရင်းမြစ်များ

KAJADIAN 8:21

Hongohisnyo nu koloban anu sinombahkonmo aijo' nomposanangmo kinyonyoa nu Tumpu, sahingga Ia notataemo i uno nu kinyonyoa-Nyo, “Aku madi'mo daagi' mongkutuki dunia aiya kalana palabuatan nu manusia; Ku sumbu' saba' aha daagi' pe'e tempo'nyo ma'isa motu'a, pikilan nu manusia aijo' ma'idek. Aku madi'mo daagi' monsilakai iwi-iwi' apaa na anu ko nyawanyo, susumo anu sala'je binaung-Ku aiya.

AYUB 21:14

Padahan notataemo na aha hi Tumpu Allah, “Pala'imo na kami ka' bolimo mae mati ohani! Kami madi'mo mongka'ima'i da monsumbu' kahanda' ka' pongka'oho' nu Belento i uno nu kantumuu'an mami.”

AYUB 22:17

Ahamo aijo' na anu baani hondo madi' palesaya hi Anu Daka' hondo na kuasanyo, ka' monsangka Ia madi' moko ala mombau apa-apaa hi aha.

MAZMUR 18:21

Tumpu nombalosimo kalakuanku anu saja' totu'u na ku bau Ia nombalakatimo aku kalana aku madi' ko kasala'an.

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

YESAYA 59:13

Kami madi'mo nohongo ka' pinusamo hi Tumpu, ka' madi'mo mongka'oho' mombatuki Tumpu mami. Kami lewa'mo nonsakisa mian sangga'at ka' madi'mo nombatuki atulan, pikilan mami sinala'mo ka' potatae mami binaleko'mo.

YEREMIA 11:8

ka' mompalentah da aha montuluti palajanjian-Ku aijo', panyo aha madi' ahi' mohongo-hongo ka' madi' mongka'oho' montuluti. Ola mule' ahi' aha tataap panggaga balabuat ma'idek susumo naipuan mae. Kalana aijo' iwi-iwi' na hukuman anu tuli-tulis kiijo' i palajanjian aijo' Ku nabu'akonmo hi aha.”

YEREMIA 16:12

Panyo belemiu nombau mule' lebe ma'idek. Belemiu panggaga ka' ola saja' mombatuki posi pongka'oho' nu beleyum anu ma'idek atina'. Belemiu madi' mongka'oho' montuluti Aku.

YEREMIA 17:5

Tumpu notatae, “De mian mompala'imo Aku, Tumpunyo, ka' montaha'imanimo manusia ka' mule' montaha'imanimo kahosonannyo, saba' Ku hukumo na ia.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

YEREMIA 18:12

Panyo aha saidi' mae montaami, ‘Apaa na gunanyo? Kami na tataap ahi' montuluti posi pongka'oho' mami! Kami toto samian na mombau ahi' apaa na anu nu ka'ima'i nu kinyonyoa mami ma'i-ma'idek!’ ”

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 3:17

Tempo'nyo aijo' kota' Yerusalem osanggohimo ‘Kajojoongan nu Tumpu'’, ka' iwi-iwi' na bansa sihukmo ikota' aijo' monsombah Aku. Aha madi'mo daagi' montuluti pongka'oho' nu kinyonyoa nu aha anu panggaga ka' ma'idek aijo'.

YEREMIA 7:24

Panyo aha madi' mongka'oho' mohongo ka' mule' madi' mongka'oho' mompalahatikan. Aha ola mule' ahi' montuluti pongka'oho' nu kinyonyoa nu aha anu bangilan hondo ka' ma'idek hondo aijo'. Aha misa' da tinimbalimo na ima' panyo ola mule' ahi'da lebe na idek.

YEHEZKIEL 14:5

Iwi-iwi' na pilogot haha aijo' nompojo'onmo mian anu palesayamo hi beleng-Ku da madi'mo ingohani mae hi beleng-Ku, panyo o'amalakon da kalana pontaami aijo' mian anu palesayamo hi belengku po ule'mo mae toka hi beleng-Ku.’

HOSEA 1:2

Tempo'nyo Tumpu notatae, momonanyo hi bansa Israel, anu pinotokakonku, Tumpu notatae, “Hosea, osoaimo na samian anu mongka'oho' saja' masala' ka' to ana-anak nu beleyum suele timbali sumo ia. Mian-Ku anu palesayamo pokakanamo sumo bengkele' nu beleyum aijo'; aha atina' madi' tulu-tulutan hi beleng-Ku ka' ola ahi' mompala'i Aku.”

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MATIUS 24:4

I Yesus nontaami, “Jaga mae, boli sampe komiu o akali.

MARKUS 13:23

Jadi, obala'ingati! Iwi-iwi' aijo' noko Poto'ingkumo hi beleyum ma'isa pe'e han aijo' timbali.”

MARKUS 13:33

Jadi komiu tionyo balajaga-jaga ka' obala'ingati kalana komiu madi' monsumbu' hipian na tempo'nyo.

MARKUS 13:9

Komiu tionyo mombala'ingati, kalana komiu o hakop ka' o hela' mokiijo' hi anu momputusi hukuman. Komiu o boboti i to lai-laigan pogalejaan. Komiu oboa mangadap hi anu mongkuasai ka' hi to tomu-tomundo', kalana komiu anu saja' mombatuki Aku. Ka' aijo'mo na kasampatan hi komiu mombee'i katalangan mongkona Aku hi aha.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

ROMA 11:21

Kalana de Tumpu madi' nolibos, sahingga nongalinmo mian nu Yahudi anu susumo to panga-panga', anu panga'nyo ahi' memang totu-totu'u aijo', boli taha'iman Ia molibos na mongalin kita Utus!

1 KORINTUS 10:12

Mian anu monsangka butongnyo tuminjo mahoson, obala-bala ingati; da boli mamanga ia motua'mo.

KOLOSE 2:8

Tionyo ahi' obala'ingati miu, ihe na monsumbu' daagi' ko anu monggoda komiu nu to kapa-kapandean nu mian anu madi' ko kaliangannyo, panyo ola mompobingong da sala'. Kapandean haha aijo' misa' lengkat mae hi Kristus, panyo ola lengkat mae i pikilan nu mian ka' lengkat mae i to roh-roh ma'idek anu mongkuasai dunia.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

IBRANI 10:31

Palias na ko sansalanyo de manabu' i lima nu Tumpu Anu Tumuu'!

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 3:10

Mokonyo aijo' Aku pinusamo hi aha ka' tinaloakon-Kumo, ‘Aha saja' madi' tulu-tulutan, ka' madi' mongka'oho' montuluti apaa na anu Kupalentahkon.’

IBRANI 3:19

Uuka aiya sinumbu'tomo, saba' aha madi' timbali minsoop, kalana aha madi' palesaya hi Tumpu.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.