IBRANI 3:10 - KITAB NU TUMPU ALLA LELE MA'IMAI'

¹⁰ Mokonyo aijo' Aku pinusamo hi aha ka' tinaloakon-Kumo, ‘Aha saja' madi' tulu-tulutan, ka' madi' mongka'oho' montuluti apaa na anu Kupalentahkon.’

IBRANI 3:10 ပူးပေါင်းရင်းမြစ်များ

KAJADIAN 6:6

Ia nompele-pele'mo na nombau aha ka' nompojoong aha i dunia. Ia talalomo hondo nompele-pele',

MAZMUR 147:20

Ia madi' nombau susumo aijo' hi bansa-bansa sangga'at, aha madi' monsumbu' iwi-iwi' na atulan-Nyo. Opuji' na Tumpu!

MAZMUR 67:2

O'amalakon da Tumpu mongkalibosi mae ka' mombalakati kita, o'amalakon da Ia montoa mae kita sanang na kinyonyoa-Nyo.

MAZMUR 78:40

Talalomo ahi' na aha saja' notumuhuk hi Ia, ka' nonsakiti kinyonyoa-Nyo tempo'nyo aha kiijo' mae i tampat padang anu mateges.

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

MAZMUR 95:10

Pinatompulu' na taun na kopinnyo na aku lewa' nonguahi nontoa aha; Aha notataemo: Totu-totu'u, bansa aijo' madi' tulu-tulutan! Aha madi' mompajuli iwi-iwi' na palentah-ngKu.

YESAYA 28:7

Suele to nabi-nabi ka' to ima-imam nalangumo kalana talalomo nanjoo' na nonginum anggur tiba siu. Aha lumajang mahasungonanmo ka' mahatosumpunanmo kalana pikilan nu aha pinusingmo. To nabi-nabi madi'mo daagi' mapaham i hahan anu nu toa nu aha mongkona apaa na anu nu bee' nu Tumpu hi aha. To ima-imam madi'mo daagi' moko ala momputusi palakala-palakala anu nu boa mae nu mian hi aha.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

HOSEA 4:12

Belemiu nomoitamo da nu potingan nu sangkolong na kau'! Sangkau na tokon mompoto'i hi belemiu apaa na anu nu ka'ima'i nu belemiu da osumbu'! Belemiu sumomo samian na bengkele' anu tinimbalimo anu masala'; belemiu nohikumo Aku ka' nombee'mo butong nu belemiu hi to pilo-pilogot.

MATIUS 20:24

Salatan aha sampulu' anu saja' mombatuki ia sangga'at nohongo han aijo', aha pinusa hi aha ohua' na moto utus aijo'.

MARKUS 3:5

Pinusa na i Yesus nontoa anu montikubi, panyo Ia ahi' molibos, kalana aha talalo panggaga. Lantas Ia notatae hi mian aijo', “Kawakon mae na limaum.” Mian aijo' nongkawakon limanyo, lantas limanyo tinimbali na'alin.

YOHANES 8:45

Panyo Aku montaeakon kahondoan, ka' kalana aijo' komiu madi' palesaya hi beleng-Ku.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 3:7

Panyo de kalana bauon anu madi' totu'u, apaa na anu totu'u mongkona Tumpu konyata-nyata'nyomo sahingga Ia o puji', ka' kadaka' mian anu mombau ma'idek aijo' daagi' opisala'i sumo mian baladosa'?

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

TO MIA-MIAN KOPIAN 10:16

Lapas aijo' ingalinmo nu aha iwi-iwi' na patong bapilogotan, lantas nonsombahmo Tumpu Allah. Sahingga Tumpu Allah nolibosmo na nontoa aha i uno nu kasansala'an aijo'.