IBRANI 2:9 - KITAB NU TUMPU ALLA LELE MA'IMAI'

⁹ Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.

IBRANI 2:9 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 6:28

Kadaka' komiu bata-bata mongkona pakean miu? Palahatikan na to bunga-bunga bakung anu tumuu' i padang. Bunga-bunga aijo' madi' mokalaja ka' madi' montonun;

MARKUS 9:1

“Osumbu'mo!” koonyo i Yesus. “Itotonga' nu belemiu aiya madi' ko anu mate, de ma'isa montoa Tumpu mompalentah nu kuasa-Nyo!”

LUKAS 9:27

Osumbu'mo: Itotonga' miu aiya, daagi' ko mian anu madi' silaka de ma'isa montoa Tumpu mompalentah.”

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 10:17

Tuuma mongkalibosi Aku kalana Aku nombee'mo nyawang-Ku, panyo po'ule'je o talima.

YOHANES 12:32

Panyo Aku aiya, de Aku ohangkatmo tangka-tangkas i bawo nu dunia aiya, aha iwi-iwi' na mian Ku pahaboamo hi beleng-Ku.”

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

YOHANES 8:51

Totu'u hondo na potataeng-Ku aiya, mian anu mombatuki potataeng-Ku, sidu-sidutu' madi' mate.”

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

ROMA 5:18

Jadi, kalana samian nolanggai anu otewa', ahennyo iwi-iwi' na mian i hukum, sumo aitu mule' de samian mombau anu mombatuki pongka'oho' nu Tumpu, ahennyo iwi-iwi' na mian pinobebas i kasala'an ka' binee'an kantumuu'an.

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

ROMA 8:32

Posi Anak-Nyo madi kinalibosan-Nyo, panyo binee'-Nyo bau kapentingan nu kita iwi-iwi'; te madi' mule' Ia mombee' hi kita anu sasangga'atannyo?

2 KORINTUS 5:15

I Kristus sinilaka bau pontokong mian iwi-iwi', da to mia-mian anu totuu', madi'mo daagi' tumuu' bau posi anu nu butongnyo, panyo baumo bagi i Kristus anu sinilakamo ka' nompo'ule'mo tinumuu' kalana kapentingan nu aha.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

1 TIMOTIUS 2:6

Ia samian na manusia anu nombee'mo butong-Nyo da mompobebas iwi-iwi' na mian i to dosa-dosa' nu aha. Tiba jalan aijo' Tumpu Allah nompoto'imo tempo'nyo anu tinantukanmo, kalana Ia mongkahanda'i da iwi-iwi' na mian oposalamat.

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

IBRANI 10:5

Mokonyo aijo' salatan i Kristus ninsoopmo i dunia, Ia notataemo hi Tumpu, “Belento madi' mongkahanda'i koloban ka' anu osombahkon; panyo ola mule' ahi' Belento nompotoukamo butong-Ku.

IBRANI 11:5

Kalana bala'iman, sahingga i Henokh madi' sinilaka, panyo i hangkat ka' binoa hi Tumpu. Madi' ko samian na nongkabot ia, kalana ia i hangkatmo nu Tumpu. I uno nu Kitab nu Tumpu Allah tinulismo, ma'isa pe'e i Henokh i hangkat, ia nomposanangmo kinyonyoa nu Tumpu.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 2:7

I tempo' anu madi' pinin Belento nompotimbalimo ia gagana' tinau'akon i aluknyo nu malaikat. Belento nombee'mo pangkat hi ia anu opopodaka' ka' o'adati,

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

IBRANI 8:3

Batu-batu Imam Daka' i hangkat da monsombahkon koloban kabai anu osombahkon hi Tumpu. Sumo aitu mule' na Imam Daka' to; Ia tionyo daagi' ko apa-apaa anu osombahkon.

1 PETRUS 1:21

Kalana Ia sahingga komiu pinalesayamo hi Tumpu anu po'ule'mo nompotumuu' Ia sinilaka ka' nompopodaka'mo Ia. Jadi Tumpu Allah ahi' na anu opalesaya nu belemiu, ka' hi Tumpu ahi' na bau kataha'imanan nu belemiu.

1 YOHANES 2:2

I Yesus Kristus na mombolosakon da iwi-iwi' na dosa'to o ampuni. Ka' misa' ola dosa'to panyo suele tiba dosa' nu iwi-iwi' mian.

ANU PINOTO'I HI YOHANES 19:12

Mata-Nyo moak sumo apu ka' aita' i ubak-Nyo pinosongko'-Nyo manjoo' na makota. I butong-Nyo tuli-tulis sa'angu' na sanggo; ka' ola posi Ia na monsumbu' sanggonyo aijo'.

ANU PINOTO'I HI YOHANES 5:9

Aha nonyanyiakonmo sa'angu' na nyanyian anu sala'je aitu na i nyanyi: “Belento pantas mongala kitab aijo' ka' mombeak segen haha aijo'. Kalana Belento pinateanmo, ka' kalana Beleyum sinilakamo, mian i iwi-iwi' na tulunan, sisik, negara, ka' bansa ingolimo nu Belento da timbalimo anu nu Tumpu.