IBRANI 2:18 - KITAB NU TUMPU ALLA LELE MA'IMAI'

¹⁸ Ka' kalana Ia toho'mo nongoa'i kasansala'an ka' sinobaan, sahingga Ia noko alamo nontulungi to mia-mian anu kinonamo nu soba'an, kalana Ia toho'mo sinobaan ka' nongoa'imo kasansala'an.

IBRANI 2:18 ပူးပေါင်းရင်းမြစ်များ

LUKAS 22:28

I uno nu kasusa'an-Ku, iwi-iwi' komiu saja' hingga-hinggat ka' Aku.

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

YOHANES 10:29

Tuumang-Ku anu nombee'mo aha hi beleng-Ku molingkudui iwi-iwi'. Ka' madi' ko samian pe'e moko agoi aha lengkat i lima nu Tuuma.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

IBRANI 5:2

Imam Daka' aijo' manjoo' na anu madi' nupoko ala nu bau, ka' kalana aijo' ia tionyo ahi' mingkalakuan manonong hi to mia-mian anu madi' ko anu nu pisumbu-sumbu' ka' anu sinala'mo na jalannyo.

2 PETRUS 2:9

Jadi, nusumbu' nu Tumpu mosia na momposalamat anu montuluti pongka'oho'-Nyo de aha mongahopimo soba'an-soba'an. Ka' nusumbu' nu Tumpu mosia na mompo'una' to mia-mian anu ma'idek da osakisa i Sinaa Pomputusianmo,

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 3:10

Kalana belemiu nontulutimo palentah-ngKu da totu-totu'u na kinyonyoa, Aku suele monjagaije komiu i tempo' nu kasusa'an anu mongkona songko-songko na dunia. Han aijo' saidi' mae timbali da monsobai iwi-iwi' na mian i dunia.