IBRANI 13:9 - KITAB NU TUMPU ALLA LELE MA'IMAI'

⁹ Boli mompojohok iwi-iwi na ngahan nu pangajalan anu madi' minsoop i akan aijo' ola mompokalilu komiu. Kinyonyoanto tionyo ahi' opohoson nu kanonongan nu Tumpu, aijo' na ma'ima'; boli ola kalana atulan haha aijo' mongkona anu o kaan. To mia-mian anu naipuan mae nombatukimo totu-totu'u atulan haha aijo' madi' nohumpak apa-apaa anu ko gunanyo.

IBRANI 13:9 ပူးပေါင်းရင်းမြစ်များ

MAZMUR 112:8

Ia madi' bata-bata kabai mabuhuk, kalana nu palesaya hondo sampobali'nyo tionyo nu patundu'.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

MATIUS 24:4

I Yesus nontaami, “Jaga mae, boli sampe komiu o akali.

LUKAS 5:38

Anggur anu bu'ou tionyo olana'akon i botutu anu singkona bu'ou.

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

SISIKON NU TO RASUL-RASUL 20:32

Uuka aiya ku bee'mo na komiu hi Tumpu da Ia na mompotuu' komiu ka' da komiu mintoong i lele nu balakat nu Tumpu Allah. Tumpu ko kuasa da mompohosonakon komiu ka' mombee'i komiu to bala-balakat anu noko posadia-Nyomo hi iwi-iwi' mian anu palesayamo hi Ia.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 14:2

Daagi' ko mian anu ko tanga'an tukoonyo ia timbali mongkaan mau mule' apaa. Panyo daagi' ko mian sangga'at anu ola ue-uengke' na palesayanyo; nu oa'i anu ola timbali nukaan ola santo uta-utan.

ROMA 14:6

Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

1 KORINTUS 6:13

Daagi' mule' ko anu notatae tukoonyo, kaanon bau pongisi kompong, ka' kompong pinotouka bau pongisian kaanon. Panyo ohu-ohua' aijo' madi' nutalima nu Tumpu. Butong nu mian madi' timbali opake mombau palabuatan masala', panyo opake bau pohongo-hongo Tumpu. Ka' Tumpu na mompotuu' butong aiya.

1 KORINTUS 8:8

Sabenannyo de ola kaanon madi' monsabapi pompahasumbu'anto tiba Tumpu timbali lebe ma'ima'. De kita mongkaan kaanon aijo', kita madi' mohumpak ka'untungan apa-apaa. Panyo mule' de kita madi' mongkaan kaanon aijo', kita mule' madi' ko lugi'nyo apa-apaa.

2 KORINTUS 1:21

Posi Tumpu na nompotimbalimo kami tiba kita Utus mahoson na mosa'angu' tiba i Kristus; Iamo singkona na nompile'i kita matungka' bau kapalaluan-Nyo.

GALATIA 6:1

To Utu-utus! De daagi' ko samian o humpak mombau dosa', sahanyo komiu anu tumuu' mombatuki Roh nu Tumpu mompotiju' mian aijo' minsusule' i jalan anu totu'u. Panyo komiu mompotiju' aijo' boli kopesa-pesa ka' jaga da boli sampe posi komiu tagoda mule'.

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

EFESUS 5:6

Boli komiu nu akali nu to sisi-sisik anu madi' mimbatu. Kalana anu hahan aijo'mo na monsaduakon Tumpu montambuha'i to mia-mian anu madi' tulu-tulutan hi Ia.

KOLOSE 2:4

Kupoto'i na aiya, da mau mule' ihe na motatae sumomo gula' hi komiu, komiu madi' nupoko akali nu aha.

2 TESALONIKA 2:2

Boli sampa-sampa' bingong kabai madi'mo sanang na kinyonyoa kalana ko lelemo i hongo tukoonyo sinaa po'ule'mo katokaan nu Tumpu Yesus tinokamo. Kugantang lele aijo' nolengkat mae i sa'angu' na lele anu jadi aiya mae i ahop, kabai lengkat mae i sa'angu' na ajalan; kabai ugaat daagi' ko anu notatae, tukoonyo kami toho'mo nontulis anu sumo aijo' i uno nu sala'sa'angu' na sulat mami.

1 TIMOTIUS 6:20

Apaa na anu pinalesayakonmo hi beleyum, ojagai na aijo' ma'i-ma'ima', Timotius! Opatikojo'oni na to sisi-sisik anu madi' mingkaliangan ka' painggagan mongkona hahan anu madi' totu'u, osanggohimo “Sa'angu' na Ilimu'.”

1 YOHANES 4:1

To Utu-utus anu okanonongi! Boli palesaya hi mian iwi-iwi' anu mangaku ko Roh nu Tumpu, panyo o uji' pe'e na aha da osumbu' pa' roh anu daagi' hi aha aijo' nolengkat mae hi Tumpu Allah kabai misa'. Kalana nabi anu madi' totu'u nanjoo'mo na namba noyaya.

YUDAS 1:12

Tempo'nyo komiu nombau bau-bauon nongkakaan, kalakuan nu mian haha aijo' nonsaduakonmo komiu to'ua. Kalana aha mongkaan mabebes madi' ko ambangnyo, ka' ola mosi tutugi posi butong. Aha sumo sehu' anu nu puhakon nu mombuun, panyo madi' montudunakon ujan. Aha mule' suele sumo kau' anu madi' mimbua' mau mule' lonunyomo nu pimbua'an nu kau'; to kau-kau' anu ginautakonmo na bakatnyo ka' i nanggasmo hondo-hondo.

YUDAS 1:3

To Utu-utus anu okanonongi! Aku totu-totu'u ko kahanda' nontulis sulat toka hi belemiu mongkona kasalamatan anu bubuu'mo ingoa'anto. Panyo uuka aiya aku palalu hondo mompokinde'i komiu nu sulat aiya da komiu saja' bala usaha da iman anu minsanmo na binee' nu Tumpu sampemo ahi' toka sidu-sidutu' hi mian anu palesayamo hi Ia.