IBRANI 13:8 - KITAB NU TUMPU ALLA LELE MA'IMAI'

⁸ I Yesus Kristus tataap pokakana mau naipuan mae, tempo' uuka, ka' sampe toka sidu-sidutu'.

IBRANI 13:8 ပူးပေါင်းရင်းမြစ်များ

KAJADIAN 21:33

Lantas i Abraham nonsu'anmo sangkau na kau' tamariska kiijo' i Bersyeba ka' mulai tempo'nyo aijo' tampat aijo' binaumo ponsomban Tumpu, Tumpu Allah anu sampe toka sidu-sidutu'.

MAZMUR 103:17

Panyo Tumpu sabole-boleh mongkalibosi mian anu tulu-tulutan hi Ia, kanonongan-Nyo saja' sabole-boleh sampe molundu-lundu na tulunan

MAZMUR 90:2

Ma'isa pe'e bungkutnyo iwi-iwi' pinotimbali, ma'isa pe'e tano' ka' dunia tinali' nu Belento, Belentomo na Tumpu anu sampe toka sidu-sidutu', madi' ko katampu'unannyo ka' madi' ko ka'ahenannyo.

MAZMUR 90:4

De hi belento 1.000 na taun ola susumo sansinaa na kopinnyo, sinaa nabongi'an mae anu ihikuhakonmo ola, susumo monjaga pihi mobolo-bolosan.

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

YESAYA 41:4

Ihe na nombaumo iwi-iwi' aijo'? Ihe na nontantukanmo da kinosisikonnyo? Aku, Tumpu, Akumo na anu momona, ka' tataap sabole-boleh daagi' sampe imihinyo mae.

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

MALEAKHI 3:6

“Akumo na Tumpu, ka' Aku madi' mongabali'. Kalana aijo' belemiu lee' mae i Yakub, madi' ahi' opatei.

2 KORINTUS 1:19

Kalana i Yesus Kristus, Anak nu Tumpu, anu pinolele i Silas, i Timotius, hi belemiu; ka' tiba aku, misa' mian “Ii'” ka' “Madi'”. Panyo ola ahi' Ia susumo pinontaami “Ii'” lengkat mae hi Tumpu.

2 KORINTUS 1:20

Kalana montului Ia Tumpu notataemo “Ii'” hi iwi-iwi' na anu jinanji'-Nyomo. Mimpu'u i aijo' sahingga kita montaloakonmo “Amin” hi Tumpu kalana i Yesus Kristus. Kami mombau sumo aijo' da Tumpu opopodaka'.

IBRANI 1:12

Songko-songko na dunia aiya nu tapi' sumo baju', ka' sangga'atje na bau pombolosi nu Belento. Panyo Belento madi' toho' mongabali', ka' kantumuu'an nu Belento madi' ko kamingkotannyo.”

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:4

To utu-utus anu i jama'at popitu' i da'erah Asia! Aku, i Yohanes montaha'imani komiu da nubee'i balakat ka' ka'ima'an lengkat mae hi Tumpu – aitumo Ia anu polo-polo'mo daagi', anu daagi'mo, ka' anu sidu-sidutu' sabole-bole daagi' – ka' suele lengkat mae hi popitu' na roh anu daagi' i ahop nu kasuhangan nu Tumpu,

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.