IBRANI 13:6 - KITAB NU TUMPU ALLA LELE MA'IMAI'

⁶ Kalana aijo' kita baani ahi' na motatae, “Tumpu na anu Montulungi mae aku, aku madi' mabuhuk. Apaa na anu nu poko ala nubau nu mian hi belengku?”

IBRANI 13:6 ပူးပေါင်းရင်းမြစ်များ

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

1 TOMU-TOMUNDO' 17:8

Lapas aijo' Tumpu notataemo hi Elia,

MAZMUR 124:8

Anu nontulungi mae kita Tumpu, anu nompotimbalimo langit ka' tano'.

MAZMUR 146:3

Boli montaha'imani anu ko kakuasa'an, hi mian anu madi' moko ala momposalamat.

MAZMUR 27:9

boli matisuluk dumo madi' ku toa.” Boli motambuha' ka' mongka'idekimo mae posaihon nu Belento aiya, kalana Belentomo na anu nontulungimo mae aku. Boli mongalin aku kabai mompala'imo mae aku, O Tumpu, anu nomposalamatmo aku.

MAZMUR 33:20

Jadi kita montaha'imani ahi' Tumpu Ia ahi' na montulungi mae ka' montinjohi mae kita.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

MAZMUR 54:4

Potombihingakon mae na anu ku kakase aiya o Tumpu de timbali sanang mae ahi' na mompalahatikan potataengku.

MAZMUR 56:4

Salatan aku nabuhukmo, aku nontaha'imanimo Belento.

MAZMUR 63:7

Tempo'nyo ko mamale' i kahoyotan, ku inau' na Belento, sampahu-pahu aku saja' mompotutugakon Belento;

MAZMUR 94:17

De bisuannyo Tumpu madi'mo montulungi mae aku, aku memang me ise-ise' nolalinmo i dunia nu mian anu sinilakamo.

NOSABATMO 18:4

anak tuenyo sinanggohan i Eliezer kalana i Musa notatae, “Tumpu Allah anu lewa' osombah nu mompolee'ku nontulungimo mae ka' nomposalamatmo aku sahingga aku madi' pinatean nu tomundo Mesir.”

YESAYA 41:10

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

YESAYA 41:14

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

PO'ULE' INGULIT 33:26

“O Israel! Tumpu Allah nu belemiu madi' sumo pilogot; Talasanggo na Ia nontuluimo langit ka' nonsoopmo mae kundom kahanda' montulungi belemiu.

PO'ULE' INGULIT 33:29

Mohumpak kabilahian na beleyum, o Israel! Madi' ko bansa anu sumo beleyum nuposalamat nu Tumpu. Tumpu sumomo bajak ka' kantah atina' hi belemiu; monsangaja'i beleyum ka' mombee'i ka'untungan de mahampate na belemiu. Sampobali' nu belemiu iwi-iwi' tokamo mongkakase da okalibosi, panyo beleyum mompahampeja'akonmo aha.”

IBRANI 10:19

Yo, to utu-utus, kalana i Yesus sinilakamo sumo aijo', kita uuka aiya baanimo na minsoop i Salipi' anu Susi' hondo.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

1 SAMUEL 23:17

Pinoto'i i Yonatan hi ia, “Boli mabuhuk, beleyum madi' nu poko ala nu patei nu tuumangku. Tuumangku nonsumbu'mo saba' beleyum na timbali tomundo' saidi' mae nu aha Israel, ka' mule' aku mohumpakmo pangkat hi beleyum.”