IBRANI 13:4 - KITAB NU TUMPU ALLA LELE MA'IMAI'

⁴ Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

IBRANI 13:4 ပူးပေါင်းရင်းမြစ်များ

KAJADIAN 2:21

Lantas Tumpu Allah nompihoyotimo manusia, i hoyotmo binobogon, ka' hau-haunyo ia daagi' hoyo-hoyot, Tumpu Allah nombubutmo sala'sa'angu' na buku nu has i butong nu manusia aijo', lantas tampatnyo aijo' po'ule' ingisian-Nyo nu antok.

KAJADIAN 2:24

Mokonyo aijo' mo'ane mompala'imo tuuma ka' tinanyo ka' mosa'angu'mo tiba bengkele'nyo, lantas ua-ua'aha timbalimo sa'asa'angu'.

2 TOMU-TOMUNDO' 22:14

Sahingga nambamo na i Hilkia, i Ahikam, tiba i Akhbor, i Safan tiba i Asaya hi samian na boune sanggonyo i Hulda mompoita pikilan pa' mosia na koonyo. Ia nabi jojoong i kampung anu sala'je binau i kota' Yerusalem. Sanggo nu langkai'nyo i Salum anak i Tikwa, makumpu i Harhas; ia mian anu saja' mongkalesang baju' anu opusok de monsombahmo Tumpu, i Laigan nu Tumpu. Salatan i Hulda nohongomo apaa na anu sinisikmo nu aha,

AYUB 31:12

Dosa' aijo' mompatei sumomo apu nu nalaka, iwi-iwi' na anu daagi' hi belengku nutoyo'imo iwi-iwi'.

YESAYA 8:3

Mamanga ahi bengkele'ku pinoboamo. Salatan anak mami ihampemo, Tumpu nompoto'imo mae hi belengku, “Sanggohi na ia, ‘Pahangagoan Pande hondo, Montomang Malia' hondo.’

IMAMAT 15:18

De lapasmo moduhus mau mo'ane kabai boune tionyo ahi' mindii' panyo aha tataap mahumimi' sangkutnyo sinaa makakinsapmo.

IMAMAT 18:20

Boli moduhus tiba bengkele' nu mian sangga'at, de mombau anu sumo aijo' belemiu timbalimo mahumimi'.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

1 KORINTUS 6:18

Opimpali na mombau palabuatan masala'. Kalana iwi-iwi' na dosa' sangga'at anu nubau nu mian, obau i sambiha' nu butong nu mian aijo'. Panyo mian anu momba-mombau anu ma'idek sumo-sumomo mombau dosa' i posi butongnyo.

1 KORINTUS 6:9

Osumbu' miu na to mia-mian anu madi' montuluti pongka'oho' nu Tumpu madi' timbali mian anu palesayamo hi Tumpu? Boli o akali! To mia-mian anu masala', to mia-mian anu bapilogot, anu masala', anu mombau anu moko ambang hi sangko gampanyo bubuu' mo'ane, kabai bubuu' boune,

1 KORINTUS 7:38

Katantuannyo, mian anu mo'osoa ma'ima' na baunyo, ka' mian anu madi' mo'osoa lebe ma'ima' mule' na baunyo.

1 KORINTUS 9:5

Te aku madi' ko hak momboa samian na bengkele' Kristen mojajalan tiba aku, momoya susumo anu binaumo nu to Utu-utus i Tumpu Yesus ka' to rasul-rasul sangga'atannyo, sagala i Petrus?

2 KORINTUS 5:10

Kalana memang kita iwi-iwi' tionyo mangadap hi Kristus na momputusi, ka' toto samian mohumpak balosnyo pokakana tiba anu binaunyo i dunia aiya – anu binaunyo ma'ima' kabai ma'idek.

GALATIA 5:19

Anu nu kahanda'i nu sipat nu manusia onyata' i palabuatan masala', pahengas ka' madi' halus obau;

GALATIA 5:21

ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

PO'ULE' INGULIT 22:22

De samian na mo'ane o hakop hau-haunyo ia noduhusmo tiba bengkele' nu mian sangga'at ua ua'aha tionyo ahi' o hukum mate. Tiba jalan anu susumo aijo' belemiu mombaumo sonto' da bolimo ko anu mombau anu ma'idek susumo aijo'.

1 TESALONIKA 4:6

I uno nu han anu sumo aijo' boli ko samian na mombau kasala'an hi utusnyo kabai mongakali ia. U'utu mae kami nompo'ingatmo totu-totu'u hi komiu, kalana Tumpu mohukumo to mia-mian anu mombau kasala'an-kasala'an anu sumo aijo'.

1 TIMOTIUS 3:12

Pabantun nu jama'at tionyo ahi' ola samian nabengkele'nyo. Ia tionyo ahi' monsumbu' mongatun to ana-anaknyo ka' auwannyo ma'i-ma'ima'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 3:4

Ia tionyo ahi' monsumbu' mongatun auwannyo ma'i-ma'ima', ka' mongajan to ana-anaknyo da mohongo-hongo ka' mingadat hi ia.

1 TIMOTIUS 4:3

Aha mongajan mian da boli mo'osoa ka' boli mongkaan kaanon anu tinantukanmo. Padahan kaanon aijo' pinotimbalimo nu Tumpu Allah da okaan ka' montalima kase hi Ia nu to mia-mian anu pinalesayamo hi Kristus, ka' nonsumbu'mo pangajalan anu totu'u lengkat mae hi Tumpu.

1 TIMOTIUS 5:14

Aijo' na sababnyo ku kahanda'i da to balu-balu anu ma'isa pe'e bengkele' po'ule' pe'e mo'osoa, mohumpak anak ka' mongulus auwan da sampo bali'to madi' mohumpak kasampatan mongide-idei sanggonto.

TITUS 1:6

Samian na polaya' nu jama'at tionyo ahi' samian anu madi' ko kasala'annyo; ia tionyo ko bengkele' ola samian; to ana-anaknyo tionyo ahi' pinalesayamo hi Kristus ka' misa' sumo to ana-anak anu lausala ka' anu madi' opoko ala o atun.

IBRANI 12:16

Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.