IBRANI 13:2 - KITAB NU TUMPU ALLA LELE MA'IMAI'

² Boli bata-bata na montalima i laigan miu to mia-mian anu ma'isa osumbu' miu. Kalana de mombaumo anu sumo aijo' daagi' kino mian madi' sinumbu-sumbu'nyo, padahan ia nontalimamo malaikat i laigannyo.

IBRANI 13:2 ပူးပေါင်းရင်းမြစ်များ

KAJADIAN 18:1

Tumpu nanintoamo hi Abraham koko kau' anu singkap ko balakatnyo anu lewa' ponsomban kiijo' mae i Mamre. Tempo'nyo aitu sinaa talalo hondo mapanas, ka' i Abraham hau-haunyo suha-suhang i sabatan nu kemahnyo.

KAJADIAN 19:1

Noko lapas sinonso' hi Abraham, ua'aha na malaekat aijo' namba no nokiijo' i Sodom ka' tinoka ikiijo' pinihimo. I Lot hau-haunyo suha-suhang i sabatan daka' nu kota, ka' salatan nontoamo aha, ia tinuminjomo kahanda' molabot aha. Lantas tinolodadupumo na ia i ahop nu aha,

2 TOMU-TOMUNDO' 4:8

I lipu' Sunem daagi' ko samian boune anu kaya. Daagi' kino sansinaan tempo'nyo i Elisa namba i Sunem, boune aijo' nolagamo i Elisa da mamba mongkaan hi ia. Mulai pe'e aitu de ia tokamo i Sunem, ia mamba mongkaan hi boune aijo'.

AYUB 31:19

De ku toa na mian anu susa', anu kasiasi hondo madi'mo moko oli pihude,

AYUB 31:32

Laiganku madi' toho' montolak mian anu i lumbanan; madi' toho' pinojohoku na aha nale' i jalan.

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

IMAMAT 19:34

Opalentah na aha susumo belemiu mompalentah to mia-mian anu bubuu' bansa nu belemiu ka' okanonongi na aha susumo belemiu mongkanonongi posi butong nu belemiu. Inau' saba' belemiu suele toho'mo jinojoong salaku mian anu lengkat mae i salipu'an tempo'nyo kiijo' mae i Mesir. Akumo na Tumpu Allah nu belemiu.

MATIUS 25:35

Kalana tempo'nyo Aku mo'ohop, komiu nombee'i Aku mongkaan, ka' tempo'nyo Aku negot, komiu nombee'i Aku monginum. Aku mian nu salipu'an, komiu montalima Aku i laigan miu.

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:43

Aku samian, mian nu salipu'an, komiu madi' montalima Aku i i uno nu laigan miu. Aku madi' mibaju', komiu madi' mombee'i Aku baju'. Aku masakit ka' tinalung-Ku', komiu madi' mombee'i Aku pakuli'.’

SISIKON NU TO RASUL-RASUL 16:15

I Lidia ka' aha iwi-iwi' isi nu laigannyo pinalamandikanmo. Noko palamandikan ia nolagamo kami. Ia notatae, “De to Utu-utus mongoa'i aku totu-totu'u pinalesayamo hi Tumpu Yesus, imbo'mo da sonsoo' i laiganku.” Lantas ia sabole-bole nompoita kami da otuluti na pongka'oho'nyo.

ROMA 12:13

Otulungi ka' posukupakon na kapalaluan nu to mia-mian Kristen sangga'at, ka' olabot na to Utu-utus anu sangko agama, anu ma'isa osumbu'to nu kita Utus tiba kinyonyoa anu sanang i laigan beleyum.

ROMA 16:23

I Gayus nompakatu salan do'a hi komiu. Aku jinojoong i laigannyo tiba jama'at kami suele mogaleja i kiijo'. I Erastus, kapala nu anu mongulus doi kiijo' i kota, nompakatu salan do'anyo hi komiu. Sumo aitu mule' na Utusto i Kwartus. [

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

1 PETRUS 4:9

O talima ahi' na anu sonso' momoita male' i laigan nu belemiu toto samian, boli motusa'.

3 YOHANES 1:5

Kita utus! Kita utus saja'mo nombau pakalaja'an anu binaumo nu kita utus kona hi to sanga-sangalu sangko mian Kristen; ka' hi mian Kristen anu ma'isa pe'e mompahasumbu' tiba kita utus, kita utus montoa kapalaluan nu aha.