IBRANI 13:17 - KITAB NU TUMPU ALLA LELE MA'IMAI'

¹⁷ Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.

IBRANI 13:17 ပူးပေါင်းရင်းမြစ်များ

KAJADIAN 16:9

Malaekat aijo' notatae, “Po'ule' pinsusule' hi ia ka' hongo-hongo na ia.”

NOSABATMO 32:31

Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

AMSAL 5:13

Aku madi' nongka'oho' nohongo to gulu-gulu'ku ka' madi' nongka'oho' nombatuki aha.

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEHEZKIEL 33:2

“O manusia anu madi' tumuu' batu, poto'i hi bansang nu beleyum de Ku potokamo mae na pahampatean i sa'angu' na lipu', aiya na anu saidi' mae jadi. Mian anu jojoong ilipu' aijo' mompile'imo samian anu aijo' igampa nu aha da bau ponjagai.

LUKAS 16:2

Sahingga i laganyo na pongulus doi aijo' ka' notatae, ‘Mosia na uuka anu i hongongkumo mongkona beleyum? Uuka aiya bee'mae hi belengku na lapulan iwi-iwi' nu kalajaum nongatun kakaya'anku. Beleyum madi'mo daagi' timbali mongulus doingku.’

SISIKON NU TO RASUL-RASUL 20:28

Tionyo obala ingati na butong miu ka' otoa suele na jama'at iwi-iwi' anu binee'mo nu Roh nu Tumpu hi komiu da otoa; kalana komiu ingangkatmo da montoa jama'at aijo'. Tionyo komiu montoa jama'at nu Tumpu aijo' sumo polaya' montoa dombanyo, kalana Tumpu nompotimbalimo jama'at-Nyo, aijo'mo na sababnyo sahingga i Yesus Anaknyo sinilakamo.

ROMA 14:12

Jadi kita toto samian tionyo mongakui iwi-iwi' apaa na anu binauntomo hi Tumpu.

1 KORINTUS 16:16

Totu-totu'u kupoto'i da komiu mohongo-hongo pongatun nu to mia-mian anu sumo aijo', tiba to mia-mian sangga'at anu mompahakalaja mompolele Lele Ma'ima' ka' mongatun hingga-hinggat tiba aha.

EFESUS 5:21

Bau pongadati i Kristus, maunyo ahi' komiu mompaha hongo-hongo samian ka' samian.

FILIPI 1:4

Ka' de aku mondo'akonmo komiu Utus iwi-iwi', sanang na kinyonyoangku balado'a.

FILIPI 2:12

Mokonyo aijo', to Utu-utus anu okanonongi, susumo komiu saja' montuluti aku tempo'nyo aku daagi' itina' hi komiu, saba' lebe-lebe mule' uuka aiya tempo'nyo to majo'onanmo, tionyo ahi' komiu tataap montuluti aku. Komiu pinosalamatmo nu Tumpu Allah, jadi saja' ahi' o usahakon da kabilahian miu mompaka pa'ima'. Obau na aijo' bau pongadati ka' tulu-tulutan hi Tumpu,

FILIPI 2:29

Jadi, talimamo na ia nu kinyonyoa sanang sumo samian na utus anu sampo palesaya. O'angga'i na mian iwi-iwi' anu sumo ia.

FILIPI 3:18

Aku toto minsan nompoto'imo komiu, ka' uuka aiya po'ule' mule' ku ulit, tibamo nu haang, kalana manjoo' na mian anu kantumuu'annyo nongideimo alati'nyo nu i Kristus sinilaka pinosalib.

FILIPI 4:1

Mokonyo aijo', to Utu-utusku anu kuku kanonongi, sumo aitumo na komiu tionyo ahi' totu-totu'u palesaya hi Tumpu. Kinyonyoangku saja' montutugi hi komiu! Komiumo na anu kuku kabilahiakon ka' anu nompolame'mo aku.

2 TESALONIKA 3:14

Kugantang daagi' ko mian anu madi' mongka'oho' montuluti apaa na anu tinaloakonmo mami i uno nu sulat aiya. Obalaingati na mian anu sumo aijo', ka' boli mosangalu tiba ia da ia ma'ambang.

1 TIMOTIUS 5:17

Polaya' nu jama'at anu mompojalan kalaja ma'i-ma'ima', patut obee'i bau ponginau' kalajanyo pinduan lipat, lebe-lebe aha anu make-makeke na mompogreja ka' mongajan.

IBRANI 13:24

Potokakon na salan do'a mami toka hi iwi-iwi' na polaya' miu ka' toka hi mian iwi-iwi' anu palesayamo hi Tumpu. Talima suele na salan do'a lengkat mae hi to utu-utus anu kiijo' mae i Italia.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

YAKOBUS 4:7

Mokonyo aijo' pati'aluk hi Tumpu ka' ewa na Ibilis, sahingga Ibilis mopadeka' mompala'i komiu.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

1 SAMUEL 8:19

Panyo bansa Israel haha aijo' madi'mo mongka'oho mompajuli potatae i Samuel, ola mule' ahi' aha notatae, “Bakasmo! Maumo pa' mosia kami mongkahanda'imo tomundo'.