IBRANI 13:14 - KITAB NU TUMPU ALLA LELE MA'IMAI'

¹⁴ Kalana aiya i dunia madi' ko tampat kajojoonganto anu sampe toka sidu-sidutu', kita molio tampat kajojoongan anu tokaje saidi' mae.

IBRANI 13:14 ပူးပေါင်းရင်းမြစ်များ

MIKHA 2:10

Tinjomo ka' lako'mo i aiya madi'mo daagi' ko ka amanannyo. Iwi-iwi' na dosa' nu belemiu nompotokamo mae balaa' anu okabuhuk hondo i tampat aiya.

1 KORINTUS 7:29

Pongka'oho'ku sumo uuka, To Utu-utus: Kita madi'mo ko tempo' manjoo'. Otampu'uni tempo' uuka toto samian anu ko bengkele'mo tionyo ia tumuu' susumo madi' ko bengkele'nyo;

2 KORINTUS 4:17

Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

EFESUS 2:19

Mokonyo aijo', komiu madi'mo minsoop hi mian anu i salipu'an kabai mian anu i sambiha'nyo. Komiu uuka aiya nohingga-hinggatmo mian anu palesayamo hi Tumpu. Komiu tinimbalimo sampoto utusan hi Tumpu.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

IBRANI 12:27

Potatae “daagi' minsan” mompoto'i saba' songko-songko na dunia anu pinotimbalimo, o gegut ka' o alini, da anu daagi' tontuha' ola anu madi' opoko ala o gegut.

IBRANI 2:5

To mala-malaikat madi' nohumpak kuasa lengkat mae hi Tumpu Allah da mompalentah dunia bu'ou anu saidi' mae toka, aijo'mo dunia anu hau-haunyo obisalakonto aiya.

IBRANI 4:9

Jadi, kona hi mian anu palesayamo hi Tumpu daagi' ko janji' da mingkain susumo Tumpu ningkainmo i sinaa ko popitu'nyo aijo'.

IBRANI 9:11

Panyo i Kristus tinokamo salaku Imam Daka' lengkat mae i hahan anu ma'ima' anu polo-polo'mo daagi'. Kemah nu Tumpu anu pokalaja'an-Nyo salaku Imam Daka' aijo'mo na kemah anu lebe talasanggo ka' lebe ma'ima'. Aijo' misa' binau nu mian; alati'nyo misa' anu nolengkat mae i dunia anu pinotimbali aiya.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.