IBRANI 13:13 - KITAB NU TUMPU ALLA LELE MA'IMAI'

¹³ Kalana aijo' imbo' da kita mamba hi Ia i sambiha'nyo nu kemah da suele opopo'ambang susumo Ia.

IBRANI 13:13 ပူးပေါင်းရင်းမြစ်များ

MATIUS 16:24

Lapas aijo' i Yesus notatae hi anu saja' mombatuki Ia. “Mian anu mongka'oho' mombatuki Aku, tionyo mongkolilimi posi kapentingannyo, monsimbu salibnyo, ka' tionyo mombatuki Aku.

MATIUS 27:32

I totonga' nu jalan, aha nompahakabot tiba samian anu lengkat mae i Kirene, sanggonyo i Simon. Aha nompakisa mian aijo' monsimbu salib i Yesus.

MATIUS 5:11

Bila-bilahi na komiu de o alu, o sakisa, o pitana'i kalana Aku.

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

LUKAS 9:23

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 12:2

Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 12:3

Soba potutugakon mosia na kosakisanyo na i Yesus nongahopimo to mia-mian baladosa' anu nongka'idekimo hondo ka' nongewamo Ia. Kalana aijo' boli ise-ise' na kinyonyoa ka' boli bata-bata.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

1 PETRUS 4:4

Tempo' uuka mian anu madi' monsumbu' Tumpu, mongkabangangi kalana komiu madi'mo mombatuki tumuu' sumo aha, mombau dosa' madi' ko batasnyo. Mokonyo aijo' aha monjojoa belemiu.