IBRANI 13:10 - KITAB NU TUMPU ALLA LELE MA'IMAI'

¹⁰ Kita daagi' ko mezbah sa'angu' bau ponsombahkonan koloban hi Tumpu. Ka' to ima-imam anu mokalaja i uno nu Kemah nu Tumpu, madi' ko hak mongkaan koloban anu aita' i bawo nu mezbah aijo'.

IBRANI 13:10 ပူးပေါင်းရင်းမြစ်များ

NOMBILANGMO 7:5

“Alamo na anu pinaha bee'mo nu aha aijo' da mongato Kemah-Ku; bagi-bagi na aijo' iwi-iwi' hi aha mian Lewi ka' obatukakon ahi' i pakalaja'an nu aha.”

1 KORINTUS 10:20

Apaa na anu sinombahkonmo i tampat koloban bau bagi nu pilogot madi' sinombahkon hi Tumpu, panyo hi to roh-roh ma'idek. Ka' aku madi' mongka'oho' komiu mosa'angu'mo tiba roh ma'idek.

1 KORINTUS 9:13

Kita Utus tantu monsumbu' saba' te mian anu mokalaja i Laigan nu Tumpu mohumpak kaanon nu aha lengkat i Laigan nu Tumpu. Ka' to mia-mian anu mongkalesang tampat nu ponsombahkonan koloban, mohumpak sambagian koloban anu osombahkon i kiijo'.

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”