IBRANI 13:1 - KITAB NU TUMPU ALLA LELE MA'IMAI'

¹ Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

IBRANI 13:1 ပူးပေါင်းရင်းမြစ်များ

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

YOHANES 15:17

Aiyamo na palentah-ngKu hi komiu. Pompaha kali-kalibosi samian ka' samian.”

SISIKON NU TO RASUL-RASUL 2:1

Salatan tinokamo i sinaa nu Pentakosta, iwi-iwi' mian anu palesaya nosa'angu'mo i sa'angu' na tampat.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 5:6

Kalana de kita mosa'angu'mo tiba i Kristus Yesus, han mombatuki kabai madi' mombatuki atulan nu sunat, madi'mo mongkuka. Anu palalu hondo ola ahi' palesayamo hi Kristus, ka' aijo' oponyata' i uno nu kita mongkalibosi mian sangga'at.

EFESUS 4:3

O'usahakon totu-totu'u da tumuu' saja' dame, da posa'angu'an anu pinodaagi'mo nu Roh nu Tumpu tataap ma'ima'.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

IBRANI 10:24

Ka' kita tionyo ahi' mompaha toa-toa samian ka' samian da kita timbali mompaha kake-kakeha'i bau pongkalibosi sangalu ka' mombau hahan anu ma'ima'.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:17

O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.

1 PETRUS 3:8

Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 PETRUS 4:8

Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

2 PETRUS 1:7

Ka' tumuu' mombatuki pongka'oho' nu Tumpu tionyo ahi' otiwai nu mongkalibosi to utu-utus anu pokakana na iman. Ka' mule' de komiu mongkalibosi to utu-utus anu pokakana na iman tionyo ahi' otiwai nu mongkalibosi iwi-iwi'na mian.

1 YOHANES 3:23

Anu pinalentahkon-Nyomo hi kita atina'mo: Kita tionyo ahi' palesaya hi Anak-Nyo, aijo'mo i Yesus Kristus ka' kita tionyo ahi' mompaha kali-kalibosi, susumo anu pinalentahkonmo i Kristus hi kita.

1 YOHANES 4:20

De samian motatae, “Aku mongkalibosi Tumpu,” panyo ia madi' mongkalibosi utusnyo, mian aijo' baleko'. Kalana mian anu madi' mongkalibosi utusnyo anu nutoa, madi' moko ala mongkalibosi Tumpu anu madi' nutoa.

ANU PINOTO'I HI YOHANES 2:4

Panyo aiya na Ku poto'i toka hi belemiu: Komiu madi'mo daagi' nongkalibosi Aku sumo imoonanyo.