IBRANI 12:7 - KITAB NU TUMPU ALLA LELE MA'IMAI'

⁷ Komiu tionyo ahi' montalima pompohos nu Tumpu salaku sa'angu' na pangajalan anu lengkat mae hi samian na tuuma. Kalana te madi' toho' samian na anak nu hukum nu tuumanyo?

IBRANI 12:7 ပူးပေါင်းရင်းမြစ်များ

2 SAMUEL 7:14

Aku timbalimo tuumanyo ka' ia baumo anak-Ku mo'ane. De ia mombau kasala'an ia Ku hukum susumo samian na tuuma mohukum anaknyo.

AMSAL 13:24

Madi' mondoke anak bala alati' madi' mongkalibosi ia; panyo de mongkalibosi ia tionyo ahi' baani na mondoke ia.

AMSAL 19:18

Atun ima-ima' na anak nu beleyum kalana daagi kotempo mongima-imani apa-apaa, de madi', alati'nyo beleyum mongka'ima'imo da ia silakamo.

AMSAL 22:15

Pantasnyomo na to ana-anak mombau hahan anu madi' totu'u, panyo pondoke moko ala mongajan aha da obabali'i na kalakuan.

AMSAL 29:15

Pangajalan pokinde' mompotimbali mian da pande. Anak anu saja' obatukakon hi pongka'oho'nyo saidi' mae mongambangi tinanyo.

AMSAL 29:17

O'ajan na anak nu beleyum, sahingga ia saidi mae mombee' ka'amanan hi beleyum, ka' timbali momposanang kinyonyoa nu beleyum.

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

1 KORINTUS 11:32

Panyo de kita nu hukum nu Tumpu, Ia mondoke kita, da kita boli nukona nu hukuman mohingga-hinggat dunia aiya.

PO'ULE' INGULIT 8:5

O inau' ahi' kalana Tumpu Allah nu belemiu nongajanmo belemiu susumo samian na tuuma nongajanmo to ana-anaknyo.

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?

1 SAMUEL 2:34

Salaku tanda saba' iwi-iwi' na anu pinoto'ing-Kumo totu'u saidi mae tionyo ahi' jadi, anak nu beleyum ua aha aijo' i Hofni tiba i Pinehas silaka i uno nu sansinaa.

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.