IBRANI 12:29 - KITAB NU TUMPU ALLA LELE MA'IMAI'

²⁹ Kalana Tumpunto sumo apu anu montoyo'i.

IBRANI 12:29 ပူးပေါင်းရင်းမြစ်များ

2 SAMUEL 22:9

Tibuk tinolo sumbumo lengkat mae i bolo nu sung-Nyo apu ka' oba nosabatmo mae i nganga'-Nyo.

MAZMUR 50:3

Tumpunto tinokamo mae ka' madi' ahi' ola momohokot, ma'isa pe'e Ia mamba mae, apumo na tongkoi moona mae toka lewa' moak ka' nu tikubi nu antong anu talalo ahi' daka'.

MAZMUR 97:3

Apu nokaanmo i ahopnyo, nontoyo'imo anu monsampobali' aijo' titikub hi Ia.

NOSABATMO 15:7

Tiba katalasanggoan nu Belento anu daka' hondo Belento nohopu'imo iwi-iwi' na anu nongewamo Belento Pusa nu Belento talalomo hondo kino juhu-juhut susumo apu ka' nompapuimo aha susumo hat.

YESAYA 33:14

Aha to mia-mian baladosa' i Sion nu lakatmo nu nubuhak. Aha motataemo, “Kaputusan nu Tumpu sumo apu anu banyela-nyelakmo sampe toka sidu-sidutu'. Te daagi' ahi' komian anu moko ala tumuu' i uno nu apu anu mompateimo aijo?”

YESAYA 66:15

Memang, Tumpu tokamo mae tiba apu; Ia monsake'imo mae kareta-Nyo susumo antong anu daka' hondo, da mompotudunmo tambuha'-Nyo, ka' monsegaimo hoso-hoson.

YEHEZKIEL 38:19

Ka' Aku motambuha'mo ka' mule' motomuhukmo ka' sinaa aijo' daagi'mo ko lulu' anu daka' hondo ilipu' nu aha Israel.

DANIEL 7:9

Hau-haunyo aku saja' montonto'i to pia-piangkuka na kadela nu tomundo' pinokokomo. Lantas Ia anu tumuu' sampe toka sidu-sidutu' sinumuhangmo i sala' sa'angu'na kadela nu tomundo' aijo'. Baju'-Nyo ka' bulu nu ubak-Nyo pute' ka' belesi' hondo sumomo ahi' kabu-kabung. Kadela-Nyo aijo' ko loda-lodanyo singkap moak kalana nusuhap nu apu,

NOMBILANGMO 11:1

Daagi' kino sansinaan aha bansa Israel nontampu'unimo nososon hi Tumpu kalana nongoa'imo sagala kasusa'an nu aha. Nohongo aha nososonmo aijo' Tumpu pinusamo ka' nompotokamo mae apu hi aha. Apu nolelemo hi aha ka' nompapuimo sambagian na kemah nu aha.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

2 KORINTUS 5:11

Osumbu' mami apaa na alati'nyo mabuhuk hi Tumpu; mokonyo aijo' kami bala usaha da mian monsumbu' hondo-hondo butong mami. Tumpu monsumbu' hondo kami, ka' suele ku poita na komiu da monsumbu' kami i uno nu kinyonyoa miu.

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

PO'ULE' INGULIT 9:3

Panyo uuka aiya posi toaje nu belemiu mosia na Tumpu Allah nu belemiu lumajang momona lantas belemiu i mihi-mihije susumo apu anu mompapui. Ia na mompatundu' aha i ahop nu mata miu, sahingga belemiu moko ala molaa' ka' sangkinihap na monsilakai aha susumo anu jinanji'mo nu Tumpu.

2 TESALONIKA 1:7

Ka' hi komiu anu uuka aiya nongoa'imo kasansala'an – sumo aitu mule' hi kami – Tumpu mombee'je kasanangan de Sinaanyomo nu Tumpu Yesus minsusule'mo mae lengkat i suluga' ka' mompotoamo butong-Nyo tiba to mala-malaikat-Nyo anu to babaani

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

IBRANI 10:31

Palias na ko sansalanyo de manabu' i lima nu Tumpu Anu Tumuu'!

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.