IBRANI 12:26 - KITAB NU TUMPU ALLA LELE MA'IMAI'

²⁶ Tempo'nyo aitu tano' tinasiagamamo kalana kahosonan nu potatae-Nyo. Panyo uuka aiya Ia binalajanji'mo, “Daagi' minsan na Aku po'ule' mompotasiaga, misa'mo ola tano', panyo mule' singkonamo langit.”

IBRANI 12:26 ပူးပေါင်းရင်းမြစ်များ

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

YESAYA 13:13

Ku pojadimo na langit tananggahan ka' tano' gayu'an itampatnyo de tokamo na sinaanyo Aku, Tumpu Anu Daka' na Kuasanyo mompotoamo tambuha'-Ku.

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YESAYA 66:22

Susumo langit anu salaje binau tiba tano' anu salaje binau satataapnyo madi' ko kamingkotannyo kalana kuasang-Ku, sumo aijo' mule' na lee' nu beleyum tiba sanggo nu beleyum satataapnyo madi' ko kamingkotannyo.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

HABAKUK 3:10

To bungku-bungkutnyo montoa Belento, gayu'anmo lengkat mae ilangit tinudunmo na ujan susumo anu obubusakon. Uee iuno nu tano' buhokanmo na onyi'nyo, bokonnyo mingkalulunmo ka' mintelepuakmo.

HAGAI 2:21

Da opotokakon hi Gubernur Zerubabel. Koonyo nu Tumpu, “Madi'mo daagi pin langit ka' tano' Ku tenenggohimo,

HAGAI 2:22

to kala-kalaj'an Ku ideimo ka' mule' kuasa nu aha Ku hansunimo. Iwi-iwi' na kareta anu bau pahampate tiba anu mompojalan Ku bali-balikakonmo; iwi-iwi' na ajahan mohopu'mo ka' mule' anu monsake'i mompaha pate-pateimo.

IBRANI 12:27

Potatae “daagi' minsan” mompoto'i saba' songko-songko na dunia anu pinotimbalimo, o gegut ka' o alini, da anu daagi' tontuha' ola anu madi' opoko ala o gegut.

TO MIA-MIAN KOPIAN 5:4

Tempo'nyo belento nambamo lengkat mae i Seir, o Tumpu, ka' da'erah nu Edom pinala'ianmo mae nu belento dunia ginayu'anmo, got nu uee anu kiita' i langit nolosutmo, ka' kundom nombulakakonmo ueenyo.