IBRANI 12:25 - KITAB NU TUMPU ALLA LELE MA'IMAI'

²⁵ Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 12:25 ပူးပေါင်းရင်းမြစ်များ

1 TOMU-TOMUNDO' 12:16

Salatan tinoamo nu mian da'isan taalu' i tomundo' madi' ka'oho mohongo aha, aha nolobo'mo, “Bau apaa na mompajuli i Daud tiba sinin na lee'nyo! Aha madi' toho' nombau apa-apaa anu binee'nyo mae hi kita. Mian da'isan Israel, imbo' kita minsusule'mo! Pobakas na i Rehabeam aijo' mosi ulus butongnyo!” Sahingga ninsusule'mo na mian da'isan aha Israel,

2 TAWARIKH 7:19

Panyo de beleyum ka' mian nu beleyum molanggaimo to atu-atulan ka' anu Ku palentahkon iwi-iwi', ka' mule' monsombahmo to pilo-pilogot sangga'at,

NOSABATMO 16:29

O inau' Aku nombee'imo belemiu sansinaa na milawe. Mokonyo aijo' sinaa ko inomonnyo binee'an-Kumo anu okaan saimbanggan kapalaluan uansinaa. I sinaa ko ipitunnyo toto samian tionyo ahi' jojoongmo i laigan, ka' madi'mo timbali mosabat.”

NOSABATMO 20:22

Tumpu nompalentahmo i Musa da otaloakon hi aha bansa Israel, “Belemiu nontoamo mosia na Aku Tumpu, notataemo hi belemiu lengkat mae i langit.

AMSAL 1:24

Belemiu i lagangkumo, panyo belemiu madi'mo montuluti ka' madi'mo mompajuli.

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

AMSAL 13:18

Mian anu madi' mongka'oho' opogulu' timbali kasiasi ka' ma'ambangmo; panyo mian anu mompajuli pokinde' saidi mae oholomati.

AMSAL 15:32

Mian anu madi' mongka'oho' opokinde'i madi' mohalagai posi butongnyo; panyo mian anu mongka'oho' montalima pokinde' timbalimo mian anu manonong.

AMSAL 8:33

Otalima na pokinde' ka' jadimo pande, boli ola beleyum mompaha-pahaikakon pokinde'.

YESAYA 48:6

Iwi-iwi' apa na anu pinoto'ing-Kumo anu jadi aiya mae i ahop, anu iho-ihongomo nu beleyum jinadimo; beleyum tionyo ahi' mongakuimo taalu' potataeng-Ku aijo' memang ahi' totu'u. Uuka aiya Ku poto'i mule' na hahan anu ma'isa toho' jinadi, iwi-iwi na lahasia anu ma'isa sinumbu' nu beleyum.

YESAYA 64:9

Jadi bolimo ahi' talalo motambuha' o, Tumpu, bolimo daagi' sola' monginau' dosa' mami; toa mae, na kami aiya mian anu palesayamo hi Belento.

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEHEZKIEL 5:6

Panyo Yerusalem madi'mo nontalima palentah-ngKu ka' lebemo na'idek ilingkuduannyomo na bansa-bansa sangga'at, ka' mule' lebemo madi' tulu-tulutan ilingkuduannyomo na nega-negara anu mompaha ohani. Yerusalem nolanggimo sinin na palentang-Ku ka' mule' madi'mo nontuluti sinin na atulan-Ku.”

ZAKHARIA 7:11

Panyo mian anu palesayamo hi beleng-Ku, talalo hondo panggaga ka' madi' hondo kahanda' mompotombihing, aha ola ahi' mompiiti bihing nu aha da madi' mohongo-hongo.

NOMBILANGMO 32:15

De belemiu mohikumo Tumpu saba' iwi-iwi' na bansa aiya Nu pojohokmo lebe pin mule' i padang bola, ka' belemiumo na monsaduakon aha silaka!”

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

SISIKON NU TO RASUL-RASUL 7:35

I Musamo aiyamo na i Musa anu madi' nuka'ima' nu bansa Israel ka' anu madi' otalima nu aha ka' notatae sumo uuka, ‘Ihemo na nohangkat beleyum timbali polaya' ka' mian kopian mami?’ Panyo iamo na mian anu sinai nu Tumpu timbali polaya' ka' pomposalamat, kalana bantuan lengkat hi malaikat anu tinoka hi ia i kuhat anu moak aijo'.

PO'ULE' INGULIT 18:19

Ia motatae kalana sanggong-Ku, ka' Aku mohukum mau mule' pa' ihe na anu madi' mongka'oho' mohongo ia.

PO'ULE' INGULIT 30:17

Panyo de belemiu madi' tulu-tulutan, ka' madi' mongka'oho' mombau anu pinalentahkon-Nyomo ka' mompojohokmo butong nu belemiu da timbalimo ponga' kalana monsombahmo to pilo-pilogot sangga'at,

PO'ULE' INGULIT 4:36

Aita' mae i langit Ia nompohongomo potatae-Nyo hi belemiu da mompokinde'i belemiu, i dunia aiya Ia nompotoamo hi belemiu apu-Nyo anu tahahumo hondo, ka' aijo' mae i apu Ia notataemo hi belemiu.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

2 TIMOTIUS 4:4

Aha mompitimo bihing na mohongo anu totu'u, panyo mompotombihingmo to sisi-sisik anu baleko'.

IBRANI 1:1

Tempo'nyo naipuan mae Tumpu ola saja' basisik hi mompolee'to nupotoka nu to nabi-nabi ka' mompake ngangahan nu anu obau.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 12:19

aha nangadapmo i onyi' nu tolompet, ka' lewo' nu potatae anu daka' hondo. Salatan to mia-mian nu Israel nohongomo potatae aijo', pinoitamo nu aha sabole-bole da potatae aijo' bolimo daagi' motatae mae hi aha.

IBRANI 3:12

To utu-utus, obala'ingati boli-boli daagi' ko anu itina' hi komiu samian na anu ko kinyonyoa ma'idek sumo aijo', ka' madi' palesaya totu-totu'u, sahingga ia po'ule'mo mobalik ka' matijo'onmo hi Tumpu anu tumuu'!

IBRANI 3:17

Ka' ihe na tinambuha'anmo nu Tumpu patompulu' na taun na kinopinnyo? Kona hi aha anu binala dosa'mo, anu i hukummo mate i padang bone', kabai misa'o?

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

YOSUA 22:16

Lantas aha nompoto'imo pongka'oho' nu mian iwi-iwi' anu pinalesayamo hi Tumpu, koonyo nu aha hi to mia-mian tulunan nu bansa Ruben, Gad tiba tulunan nu bansa Manasye, “Kadaka' belemiu nombaumo kalakuan anu ma'idek aiya hi Tumpu Allah Israel? Kalana belemiu nosi potinjomo mezbah, belemiu madi'mo mohongo-hongo Tumpu! Belemiu madi'mo nontuluti palentah-Nyo!

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 22:9

panyo ia notatae hi belengku, “Boli! Boli monsombah aku! Sombahmo na Tumpu! Kalana aku suele posaihon sumomo beleyum, ka' sumo to utu-utusum to nabi-nabi, ka' iwi-iwi' na mian anu tinulu-tulutanmo i potuunon anu i uno nu kitab aiya!”