IBRANI 12:2 - KITAB NU TUMPU ALLA LELE MA'IMAI'

² Anu otoanto tionyo saja' hi Yesus, kalana Ia na mompodaagi' imanto, ka' monjagai ka salatan pe'e i moonanyo toka-toka i mihinyo. I Yesus nongintimmo sakisa i kau' salib! Madi' pinajulannyo na Ia silaka i kau' salib aijo' salaku sa'angu' na han anu mongambangi. Ia ola monginau' kalame'an anu nu oa'ije i mihinyo mae. Uuka aiya Ia sinumuhangmo i sasu koanan nu kasuhangan nu Tumpu ka' mompalentahmo hingga-hinggat tiba Ia.

IBRANI 12:2 ပူးပေါင်းရင်းမြစ်များ

MAZMUR 110:1

Mazmur i Daud. Tumpu nompoto'imo hi tuanku, “Suhangmo i sasu koanan-Ku, sangkut aha anu monsampobali' beleyum Ku popatundu'mo hi beleyum.”

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

YESAYA 31:1

Silakamo na aha mian anu nambamo i Mesir nomoita da nu bantui mae nu aha! Aha montakabunakonmo kahosonan nu suludadu nu aha Mesir tiba gombuan nu suludadu nu aha anu monsake'i ajahan ka' mule' kuda nu aha anu toto hoso-hoson ka' mule' kareta nu aha manjo-manjoo' aijo'. Panyo aha madi' palesaya hi Tumpu, Tumpu nu Israel anu susi' ka' madi' aha nomoita da nu bantui.

YESAYA 45:22

O, iwi-iwi' na anu jojoong i dunia, po ule' mae toka hi beleng-Ku da belemiu oposalamat, kalana olanyomo Aku na Tumpu madi'mo daagi' kosangga'atannyo!

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

YESAYA 8:17

Tumpu madi'mo nompotoa butong-Nyo hi lee' i Yakub, mian anu palesayamo hi Ia.

MIKHA 7:7

Panyo kita na montaha'imani ahi' Tumpu; ka' totu-totu'u ahi' na kinyonyoanto montanda'i Tumpunto. Ia mohongomo dosa' anu binauntomo ka' momposalamatmo kita.

ZAKHARIA 12:10

Lapas aijo' lee' mae i Daud tiba mian anu jojoong i Yerusalem Ku bee'imo kinyonyoa anu mongka'ima'i mongkalibosi ka' mule' mongka'ima'i balado'a. Aha saidi' mae montoamo ia jijinalo'mo nu aha ka' montando'imo susumo mian anu montando'imo anak anu sa'a-sa'angu'nyomo na sinilaka. Aha tumando'mo ka' susa'mo hondo na kinyonyoa nu aha susumo mian anu nolapusmo na anaknyo tumpe.

NOMBILANGMO 21:9

Sahingga i Musa nombaumo ulo tambaga ka' pinotedangnyomo i sa'angu' na kau' anu gagana mantan. Batu-batu mian anu bunahe'mo nu ulo haha aijo' timbali ma'alin de montoamo ulo tambaga aijo'.

MATIUS 16:21

I mulaan lengkat tempo'nyo aijo', i Yesus notatae pinotantu-Nyomo hi anu saja' mombatuki Ia, tukoonyo Ia tionyo mamba i Yerusalem, ka' mongoa'i manjoo' na kasansala'an lengkat i to pola-polaya', to ima-imam kapala ka' to gulu-gulu' agama. Ia tionyo o silakai, panyo sinaa kototolu'nyo Ia po'ule'mo opotumuu'.

MATIUS 20:28

Pokakana sumo Anak nu Mian aijo' suele Ia toka misa' da okalibosi, panyo da mongkalibosi, ka' mombee' nyawa-Nyo bau pompobebas mian da'isan.”

MARKUS 14:36

“Tuuma, o Tuuma,” na koo-Nyo, “madi' ko apaa anu kulang hi kita Tuuma. Pojo'onakon na kasansalaan aiya hi beleng-Ku. Panyo boli mombatuki pongka'oho'-Ku, o ala ahi' i pongka'oho' nu kita Tuuma.”

MARKUS 15:28

Kalana sinumo aitumo sahingga jinadimo na anu tinulis i uno nu Kitab nu Tumpu aijo'mo: “Ia sinangkamo to mia-mian anu ma'idek”.]

MARKUS 16:19

Noko potatae na i Tumpu Yesus tiba aha, Ia i hangkatmo nokiita' i suluga'. I kiita' mae Ia nompalentahmo hingga-hinggat tiba Tumpu.

MARKUS 9:12

Tinaaman i Yesus, “I Elia memang toka tongkoimoona da mompobeles anu sangga'atan. Panyo mosiamo na han tiba Anak nu Mian? Apaa na sababnyo i uno nu Kitab nu Tumpu tinulis tukoonyo Ia mongoa'i manjoo' na kasansala'an ka' nupopo ise' nu mian?

MARKUS 9:24

Lau-laus tuumanyo aijo' noloboo', “Tuuma, aku palesaya, panyo palesayangku anu totu-totu'u ola sangkiding. Tulungimae na aku da aku lebe palesaya!”

LUKAS 17:5

To rasul-rasul notatae hi Tumpu Yesus, “Tumpu, pohosonakon mae na palesaya mami.”

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 24:26

Te misa' Tomundo anu Momposalamat tionyo mongoa'i pe'e kasansala'an aijo', atina'je ka' mohumpak Kadaka'an?”

YOHANES 1:29

Dodododopnyo, i Yohanes nontoa i Yesus namba mae hi ia. Lantas i Yohanes notatae, “Toa, aijo'mo na Anak Domba nu Tumpu Allah anu mongalini dosa' nu dunia.

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

YOHANES 12:32

Panyo Aku aiya, de Aku ohangkatmo tangka-tangkas i bawo nu dunia aiya, aha iwi-iwi' na mian Ku pahaboamo hi beleng-Ku.”

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

YOHANES 8:56

Tuumaum i Abraham sanang hondo kalana ia montoaje sinaa anu tinantukanmo hi beleng-Ku. Ia nontoamo ka' ia sinanangmo!”

SISIKON NU TO RASUL-RASUL 2:36

Aijo' na sababnyo iwi-iwi' mian nu Israel tionyo monsumbu' totu-totu'u saba' i Yesus anu sinalibmo miu aijo', i Yesus ati-atina'mo na anu pinotimbalimo nu Tumpu, timbali Tumpu ka' Tomundo anu Momposalamat!”

SISIKON NU TO RASUL-RASUL 3:15

To utu-utus mompateimo Ia, padahan Iamo na pinolengkatan nu kantumuu'an bau kapentingan nu iwi-iwi' mian. Ka' Tumpu po'ule'mo nompotumuu' ia lengkat i kapateannyo. Kami nonsakisimo han aijo'.

SISIKON NU TO RASUL-RASUL 5:31

Ka' Tumpu nombee'mo hi Ia kapalentahan ka' kakuasa'an anu matangkas sumo Polaya' ka' Pomposalamat; da bansa Israel obee'i tempo' da balatobat bolimo mombau to dosa-dosa'nyo ka' mohumpak'je ka'ampunan.

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

1 KORINTUS 1:18

Kalana to mia-mian anu mongahopi kasilakan, lele mongkona kasilakan i Kristus sinalib ola susumo anu madi' totu'u. Panyo kalana hi kita anu pinosalamatmo nu Tumpu, lele aitu sumo salaku jalan nu Tumpu mompotoa kuasa-Nyo.

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

EFESUS 2:16

Kalana Ia sinilakamo pinosalib, i Kristus nomposa'angu'mo ohua' na bansa aijo', ka' nompodamemo aha tiba Tumpu, sahingga madi'mo ko po'uwalian aijo'.

EFESUS 5:2

Kantumuu'anum maunyo ahi' okinyonyoai nu kalibosan susumo pongkalibosi i Kristus kita. Ia nongkulubanakonmo butong-Nyo kalana kita, salaku palasombahan anu manohong ka' momposanang kinyonyoa nu Tumpu.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

2 TIMOTIUS 4:8

Ka' uuka aiya palasen nu ka'untungan nopadeka' nontanda'imo aku. I Sinaa Kakiamatan Tumpu, Mian Kopian anu adin aijo' mompotalimaje palasen aijo' hi belengku, kalana aku tumuu' mompaha ima'mo tiba Tumpu. Ka' misa' ola aku na montalima palasen aijo', panyo suele iwi-iwi' mian anu mongindi hondo montanda'i katokaan nu Tumpu.

IBRANI 1:13

Tumpu madi' toho' notatae hi samian pe'e na malaikat sumo uuka: “Suhangmo i sasu koanan-Ku, sahingga anu mompaha bali' belento Ku popatundu'mo hi belento.”

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 10:14

Jadi anu ola sa'angu' na koloban aijo', i Kristus nompokopianimo to mia-mian anu pinobelesi'mo na dosa'nyo.

IBRANI 10:33

Toto minsan komiu pinopo'ambang, ka' lewa' kinabisa'an madi' ma'ima' i ahop nu mian da'isan. Toto minsan komiu suele nongoa'imo sansala tiba aha anu lewa' kinabisa'an susumo aijo',

IBRANI 11:36

Daagi' ko anu i le-letakon, pinohos, pinungu nu lante ka' pinosoop i uno nu talungku'.

IBRANI 12:3

Soba potutugakon mosia na kosakisanyo na i Yesus nongahopimo to mia-mian baladosa' anu nongka'idekimo hondo ka' nongewamo Ia. Kalana aijo' boli ise-ise' na kinyonyoa ka' boli bata-bata.

IBRANI 13:13

Kalana aijo' imbo' da kita mamba hi Ia i sambiha'nyo nu kemah da suele opopo'ambang susumo Ia.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

IBRANI 8:1

Pinolengkatan nu anu sinisik iwi-iwi' aiya atina'mo: Kita daagi' ko Imam Daka' anu sumo aijo', anu sumuhang mompalentah hingga-hinggat tiba Tumpu Anu Matangkas na kuasanyo kiita' i suluga'.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

YAKOBUS 2:1

To Utu-utusku! Salaku mian anu pinalesayamo hi Tumpu Yesus Kristus, Tumpu Anu Talasanggo hondo, boli ola komiu montoa ohup nu mian kalana hahan anu i dunia.

1 PETRUS 1:11

Aha monselidiki mosia ka' hipian na han aijo' timbali, apaa na anu kokoonyo nu Roh i Kristus anu kiijo' i butong nu aha. Tempo'nyo aitu Roh-Nyo na nompoto'i hi aha mongkona kasansala'an-kasansala'an anu tionyo nu oa'i i Kristus ka' mongkona katalasanggoan-Nyo anu nutalimaje lapas aijo'.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

YUDAS 1:21

ka' saja' ahi' tumuu' i uno nu kakuasa'an nu kalibosan nu Tumpu, hau-haunyo komiu montanda'i balakat i Yesus Kristus Tumpunto, anu mombee'ije kantumuu'an kopian hi komiu sampe toka sidu-sidutu'.

ANU PINOTO'I HI YOHANES 1:11

Lewo' aijo' notatae, “Tulismo apaa na anu tinoaum, ka' pakatumo na kitab aijo' toka i popitu' na jama'at aijo'mo: Efesus, Smirna, Pergamus, Tiatira, Sardis, Filadelfia, ka' Laodikia.”

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 1:8

“Akumo na anu i momona ka' anu i mihinyo,” koonyo nu Tumpu Allah, anu polo-polo'mo daagi', ka' anu daagi'mo, ka' anu sidu-sidutu' sabole-bole daagi', Anu Matangkas na Kuasanyo.

ANU PINOTO'I HI YOHANES 2:8

“Toka hi malaikat anu kiijo' i jama'at nu Smirna, tulismo sumo uuka: Aiyamo na potuunon lengkat mae hi Ia anu i momona ka' anu imihinyo – anu sinilakamo ka' po'ule'mo tinumuu'.