IBRANI 12:19 - KITAB NU TUMPU ALLA LELE MA'IMAI'

¹⁹ aha nangadapmo i onyi' nu tolompet, ka' lewo' nu potatae anu daka' hondo. Salatan to mia-mian nu Israel nohongomo potatae aijo', pinoitamo nu aha sabole-bole da potatae aijo' bolimo daagi' motatae mae hi aha.

IBRANI 12:19 ပူးပေါင်းရင်းမြစ်များ

NOSABATMO 20:22

Tumpu nompalentahmo i Musa da otaloakon hi aha bansa Israel, “Belemiu nontoamo mosia na Aku Tumpu, notataemo hi belemiu lengkat mae i langit.

MATIUS 24:31

Tolompet anu daka' pino'onyi'mo, ka' Anak nu Mian monsaimo to mala-malaikat-Nyo molimu' mian-Nyo anu palesayamo lengkat mae i pasu' alam opat nu dunia, lengkat mae i puus nu langit sa'angu', toka i puus nu langit sangga'at.”

1 KORINTUS 15:52

Han aijo' monti-montiik timbalimo i uno nu sangkinihap na mata, de opoko po'onyi'mo na tolompet anu imihi hondo aijo'. Kalana salatan ohongomo na onyi' nu tolompet aijo', to mia-mian anu sinilakamo po'ule'mo opotumuu' timbalimo butong anu sampe toka sidu-sidutu', ka' kita iwi-iwi' obali'imo.

PO'ULE' INGULIT 18:16

I sinaa kasihukanmo nu belemiu aijo' i Bungkutnyo nu Sinai, belemiu nongkakasemo da belemiu bolimo mohongo Tumpu Allah nu belemiu motatae ka' bolimo montoa Ia toka i uno nu apu anu moak kalana belemiu mabuhuk dumo silaka.

PO'ULE' INGULIT 4:11

Sisikakon hi to ana-anak nu belemiu mosia na belemiu toka tuminjo i tengke nu bungkutnyo anu pinintungmo kalana sinaputmo nu tibuk sumomo kundom anu tinumatampokmo ka' apunyo noakmo tinokatokamo i langit.

PO'ULE' INGULIT 4:12

Lapas aijo' Tumpu notataemo hi belemiu aijo' mae i apu, ka' i hongomo nu belemiu na potatae-Nyo, panyo madi' nontoa Ia pa' mosia na balu-balu'nyo.

PO'ULE' INGULIT 4:33

Pa' daagi' ko bansa anu sabole-bole tinumuu' salatan nohongomo pilogot notatae hi aha aijo' mae i apu, susumo anu tina'upmo nu belemiu?

1 TESALONIKA 4:16

Malaikatje anu talasanggo hondo atina'je na motatae daka-daka', ka' tolompet nu Tumpu opo onyi'mo salaku bau sa'angu' na tanda. Lantas i Tumpu Yesus mintatau'mo lengkat mae i suluga', ka' to mia-mian Kristen anu sinilakamo na po'ule' opotumuu' momona.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!