IBRANI 12:16 - KITAB NU TUMPU ALLA LELE MA'IMAI'

¹⁶ Obala'ingati da boli ko anu tumuu' lewa' masala' kabai madi' mongangga'i hahan rohani, susumo anu binaumo i Esau. Pinobaluknyomo na haknyo salaku anak tumpe, ola kalana samangko' na anu o kaan.

IBRANI 12:16 ပူးပေါင်းရင်းမြစ်များ

KAJADIAN 27:36

I Esau notatae, “Aiyamo na ko pinduannyo ia nongakali aku. Pantasmo na sanggonyo i Yakub. Ia nongalamo hakku salaku anak tumpe, ka' u'uka aiya ia nongala mule' balakat anu aku ahi' na tumpunyo. Te belento Tuuma madi'mo ko balakat sangga'at bau bagingku?”

MARKUS 7:21

Kalana lengkat i unonyo, aitumo lengkat i uno nu kinyonyoa, lubat na pikilan-pikilan ma'idek anu monsabapi mian mombau anu masala', montomang, mompatei,

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

SISIKON NU TO RASUL-RASUL 15:29

Boli mongkaan kaanon anu pinosombahkonmo hi pilogot; boli mongkaan baso', boli mongkaan ponoha' anu tinekok, ka' patikojo'oni na to pala-palabuatan anu masala'. De komiu mompojo'on butong lengkat i hahan aijo', komiu nombaumo anu ma'ima'. Olamo pe'e sumo uuka, higahi mae!”

1 KORINTUS 10:8

Kita madi' timbali masala' susumo aijo' anu binau nu sambagian aha. Kalana uampulu' totolu' na madala na mian aijo' hi aha i nate i uno nu sansina kalana nombaumo han aijo'.

2 KORINTUS 12:21

Aku mabuhuk manga-manga tempo'nyo aku toka saidi' mae Tumpu Allah mompopo ambangmo aku i ahop miu ka' aku humaangmo kalana manjoo' itina' hi komiu na anu baladosa' u'utu mae, madi' nongabali' ka' madi' belenti na mombau bauon nu aha anu masala', pahengas ka' anu madi' halus obau.

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

1 TIMOTIUS 1:9

Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

IBRANI 13:4

Iwi-iwi' na mian tionyo ahi' mompotoa kalakuan mongadati po'osoan, mokonyo aijo' tionyo ahi' mo'ane bengkele' mompaha hongo-hongo samian ka' samian. Mian anu mombau anu mahenyu ka' mian anu masala' nu putusije nu Tumpu.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.