IBRANI 12:14 - KITAB NU TUMPU ALLA LELE MA'IMAI'

¹⁴ Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

IBRANI 12:14 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

AYUB 19:26

Maumo kilitku kahomo bela ka' nobehe-behe'mo, panyo de daagi' ko butongku, Tumpu Allah saja' ku tonto'i.

AYUB 33:26

De ia balado'amo, ia nukalibosimo nu Tumpu Allah, sahingga lame'mo hondo na ia mompuji' Tumpu Allah ka' Tumpu Allah po'ule'mo mompohoson ia susumo momonanyo mae.

MAZMUR 120:6

Pininmo hondo na aku jinojoong hingga-hinggat tiba to mia-mian anu madi' mongka'ima'i dame.

MAZMUR 133:1

Nyanyian i Daud mamba i tampat anu ko balakatnyo. Talalo hondo ma'ima' ka' sanang, de mian anu palesayamo hi Tumpu saja' tumuu' dame ka' mompaha kano-kanonongi.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

MAZMUR 94:15

Sahingga atulan po'ule'mo ahi' otoongi totu-totu'u de momputusimo, iwi-iwi' na mian anu hodi' na kinyonyoanyo monsangaja'imo.

AMSAL 15:1

Tiba pontaami anu madi' kopesa-pesa tambuha' timbali mohuhus; panyo de pontaami anu talalo mapohos mombau da ola mompaka motambuha'.

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

YESAYA 51:1

Tumpu notatae; “Potombihing mae na Aku, o, belemiu anu mongka'ima'i de oposalamat, ka' tokamo mae hi beleng-Ku momoita da otulungi. Inau' na bungkutnyo nu batu anu pinanimpa'atanmo nu belemiu, ka' pinongkekeanmo batu anu pipinongkekeanmo belemiu.

MARKUS 9:50

Timuson aijo' ma'ima', panyo de timbalimo matawas, apaa saidi' mae timbali po'ule' opo'asing? Jadi, kukahanda'i komiu sumo timuson – tumuu'mo hingga-hinggat ka' mompaha kali-kalibosi.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.

ROMA 12:18

Hi beleyum olio sabole-boleh na tumuu' dame tiba mian iwi-iwi'.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

2 KORINTUS 6:17

Mokonyo aijo', pala'i na to mia-mian anu madi' monsumbu' Tumpu aijo', ka' boli mogalum na butongum hi aha. Boli hondo-hondo monsasuhi anu mahenyu, da Ku talimaje na komiu.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

GALATIA 3:21

Ugaat aijo' alati'nyo saba' atulan nu agama mompaha sala' tiba anu jinanji'mo nu Tumpu? Tantu ahi' madi'! Kalana de atulan nu agama binee' da mombee'i kantumuu'an hi manusia, sahingga manusia timbali mompo'ule' ma'ima' tiba Tumpu kalana atulan nu agama.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

FILIPI 3:12

Aku madi' notatae tukoongku aku nohumpakmo kabai tinalakana'mo. Panyo aku saja' mongusahakon da mohumpak tambo anu pinosadiakonmo i Kristus Yesus. Pongka'oho'nyo sumo aijo', sahingga ia nompagalamo nongala aku, ka' nompotimbalimo aku, iamo na tumpu-Nyo.

1 TESALONIKA 3:13

Tiba jalan anu sumo aijo' Tumpu mompohosonje kinyonyoa miu, sahingga komiu susi'mo ka' madi' ko alunyo i ahop nu Tumpu Tuumanto, de Tumpunto i Yesus tokamo hingga-hinggat tiba iwi-iwi' na mian anu Iamo na tumpu-Nyo.

1 TESALONIKA 4:7

Tumpu nolagamo kita misa' da kita tumuu' masala', panyo da kita tumuu' ihan momposanang kinyonyoa-Nyo.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

1 TIMOTIUS 6:11

Panyo beleyum atina' anumo nu Tumpu, jadi beleyum tionyo matikojo'on i han iwi-iwi' aijo'. O'usahakon da timbali mian anu totu'u i mata nu Tumpu, anu tulut hi Tumpu, palesaya hi Kristus, mongkalibosi sangko mian, sabaan i uno nu mongoa'i sansala, ka' mingkalakuan ma'ima' na kinyonyoa.

2 TIMOTIUS 2:22

Pimpali na kasanangan nu mian anu daagi' olitau. Bala usaha da kantumuu'an mombatuki pongka'oho' nu Tumpu, tulu-tulutan i pangajalan-Nyo ka' mongkalibosi sangko mian, ka' mule' kinyonyoa sanang. Tumuu'mo sumo aijo' tiba aha anu mongkakase momoita tulung hi Tumpu i uno nu kinyonyoa anu ma'ima'.

IBRANI 12:10

Tu'anyonto i dunia mompokinde'i kita madi' sampe toka sidu-sidutu', ola iya na anu nu oa'i nu aha ma'ima'. Panyo Tumpu Allah mompokinde'i kita da bau ka'ima'anto da kita timbali susi' hingga-hinggat tiba Ia.

IBRANI 9:28

Sumo aitu mule' na i Kristus ola minsan na sinombahkon salaku koloban mompobelesi dosa' nu mian da'isan. Ia po'ule'je toka kopinduannyo, misa' pa' kahanda' mongulusmo palakala nu dosa', panyo momposalamatmo to mia-mian anu saja' montanda'i katokaan-Nyo.

1 PETRUS 3:11

Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

1 PETRUS 3:13

Ihe na mongka'oho' mombau anu ma'idek hi belemiu, de belemiu sanang na mombau anu ma'ima'?

2 PETRUS 3:11

Kalana iwi-iwi' aijo' o ideimo nu jalan anu sumo aijo', jadi mosia na belemiu tumuu'? Komiu tionyo ahi' tumuu' susi' ka' samata-mata mombau pongka'oho' nu Tumpu,

2 PETRUS 3:18

Tionyo ahi' belemiu lebemo mongoa'i balakat i Yesus Kristus, Tumpu ka' Tomundo anu Momposalamat kita, ka' tionyo ahi' belemiu lebemo mule' monsumbu' Ia. O puji' na Ia, uuka aiya ka' sampe toka sidu-sidutu'! Amin. Tabea' mami, I Petrus 9

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.

TO MIA-MIAN KOPIAN 11:14

Lantas po'ule' mule' sinai i Yefta na to mia-mian namba hi tomundo nu Amon.