IBRANI 11:9 - KITAB NU TUMPU ALLA LELE MA'IMAI'

⁹ Kalana bala'iman, i Abraham mian anu lengkat mae i salipu'an jinojoongmo i lipu' anu jinanji'mo nu Tumpu hi ia aijo'. I Abraham jinojoongmo kiijo' i kemahnyo. Sumo aitu mule' na i Ishak ka' i Yakub, anu nontalimamo palajanjian pokakana sumo aijo' lengkat mae hi Tumpu.

IBRANI 11:9 ပူးပေါင်းရင်းမြစ်များ

KAJADIAN 12:8

Lapas aijo' ia nambamo i sasu selatan, mokiijo' i da'erah anu mabungkut i sasu kabete'an kota nu Betel, ka' nombaumo kemah i olot nu Betel ka' Ai: Betel i sasu kinsoban ka' Ai i sasu kabete'an. Ka' suele mule' ikiijo' ia nompotinjomo mezbah ka' nonsombahmo Tumpu.

KAJADIAN 13:18

Lapas aijo' i Abram nolalinmo kemahnyo, lantas tinataapmo koko kau' anu singkap ko balakatnyo tampat lewa' ponsomban kiijo' mae i Mamre koko Hebron ka' ikiijo'mo na ia nompotinjo mezbah bau ponsomban Tumpu.

KAJADIAN 13:3

Sahingga ia nambamo lengkat i sa'angu' na tampat, ka' nolalinmo mule' i tampat sangga'at, nompanjolo Betel. Ia tinokamo i da'erah olot nu Betel ka' Ai, i tampat anu ko balakatnyo anu u'utu mae pinombauannyo kemah,

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

KAJADIAN 18:6

Lia-lia' na i Abraham ninsoop i uno nu kemahnyo ka' notatae hi Sara, “Palia-lia', ala sakalung na labu anu ma'ima' hondo ka' bau na roti timpodon.”

KAJADIAN 18:9

Lapas aijo' pinokilawamo nu aha, “Iya na i Sara bengkele' nu beleyum?” “Kiijo' mae, i uno nu kemah,” na koonyo i Abraham.

KAJADIAN 21:34

Lapas aijo' i Abraham jinojoongmo daagi gagana' pinin i lipu' nu mian Filistin.

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 25:27

Ua-ua'aha na anak aijo' kino daka-daka'nyomo. I Esau tinimbalimo anu pande na mombebas ka' anu saja' mongka'ima'i jojoong i padang bola, panyo i Yakub pakamok ka' mongka'ima'i jojoong i laigan.

KAJADIAN 28:4

O'amalakon da Tumpu mombalakati beleyum ka' lee' nu beleyum susumo ia nombalakatimo i Abraham, ka' o'amalakon da tano' anu kajojoongan nu beleyum aiya, beleyumo na tumpunyo, anu binee'mo nu Tumpu Allah hi Abraham.”

KAJADIAN 31:25

Tempo'nyo aijo' i Yakub nompotinjomo kemahnyo i sa'angu' na puge'nyo. Lantas i sa'angu' na puge'nyo sangga'at i da'erah aijo' suele i Laban ka' to mia-miannyo nompotinjomo kemahnyo.

KAJADIAN 35:27

Lantas tinokamo na i Yakub hi Ishak tuumanyo, i tampat kinajojoongannyo i Mamre koko Hebron. (U'utu mae i Abraham kai'nyo suele sinilakamo kiijo' mae).

KAJADIAN 36:7

I Esau noga'a-ga'atmo nompala'imo i Yakub kalana halata' nu aha talalomo nanjoo' sahingga aha madi'mo timbali tumuu' mosangalu. Apaa mule' i lipu' anu kajojoongan nu aha aijo' madi' manjoo' na ototon nu potuu'on nu aha anu talalomo hondo nanjoo' aijo'.

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

MAZMUR 105:12

Naipuan mae mian anu palesayamo hi Tumpu tumuu' kiijo' mae ola susumo mian anu lengkat mae i salipu'an konjoo'nyo nu aha ola sangkiding.

YEREMIA 35:7

Kami madi' timbali mosu'an apa-apaa ka' mule' madi' timbali mombau ale' kabai ko ale' nu anggur. Hau-haunyo kami daagi' tutuu', kami madi' mule' ahi' timbali mombau laigan. Kami tionyo ahi' ola jojoong i kemah da timbali tataap jojoong ilipu' aiya salaku mian anu lengkat mae isalipu'an.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.