IBRANI 11:8 - KITAB NU TUMPU ALLA LELE MA'IMAI'

⁸ Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 11:8 ပူးပေါင်းရင်းမြစ်များ

KAJADIAN 11:31

I Terah nompala'i kota Ur i da'erah Babilonia hingga-hinggat tiba i Abram anaknyo, i Lot makumpunyo, ka' i Sarai moniannyo boune, aijo'mo bengkele' i Abram. Ia ko kahanda' mamba i lipu' Kanaan. Panyo salatan tinokamo i Haran aha jinojoongmo ikiijo' mae.

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 15:5

Tumpu nomboamo i Abram nosabat, lantas notataemo hi ia, “Sinda na langit, ka' soba bilang na to manda-mandala'; beleyum ko lee'je konjoo'nyo sumo mandala' haha aita'.”

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

KAJADIAN 20:13

Sahingga salatan Tumpu Allah nonsaimo aku mompala'i laigan nu tuumangku ka' mambamo i to lipu-lipu' anu i santano'an, aku notataemo hi bengkele'ku, 'Potoa mae na tanda de totu-totu'u beleyum tulu-tulutan hi belengku ka' poto'i hi batu-batu mian saba' aku aiya utus tu'a nu beleyum.' ”

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

YESAYA 41:2

Ihe na nompotuka anu balakuasa lengkat mae i kabete'an ka' saja'mo nompo untung ia nahampate? Ihe na nontulungi ia sahingga nompatundu'mo bansa-bansa ka' mule' nohungku'imo to tomu-tomundo' tina aluk hi ia? Bajaknyo na nombau aha da nohintutu susumo abu', pana'nyo na nompotatabumo aha susumo hat pinuhakonmo nu mombun.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YEHEZKIEL 36:24

Ku posihukmo na belemiu lengkat mae i batu-batu bansa tiba lipu' Ka' Ku sule'akonmo itano' nu belemiu.

NOMBILANGMO 10:30

Tinaaman i Hobab, “Talima kase panyo aku kahanda'mo minsusule' i lipu' kinahampeanku.”

MATIUS 2:21

I Yusuf mule' nobula lantas nomboa Anak aijo' tiba i Maria i ninsusule' nokiijo' i Israel.

ROMA 1:5

Kalana Ia sahingga Tumpu nombee'imo belengku balakat timbali rasul, da aku – mongangga'i Kristus – molaya' to mia-mian lengkat i songko-songko na bansa da palesaya ka' mohongo-hongo.

ROMA 10:16

Panyo madi' iwi-iwi' na mian montalima Lele Ma'ima aijo'. Kalana i Yesaya notataemo, “Kita Tumpu, ihe na palesaya i anu opolele kami?”

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

2 KORINTUS 10:5

ka' montumpak to bente-benteng nu kasombongan anu opotinjo bau pongewa kapandean da osumbu' na Tumpu. Ihungku'anmo mami na pikilan nu to mia-mian, ka' mompotimbalimo aha tinundu'mo hi Kristus.

IBRANI 11:33

Kalana bala'iman, sahingga aha nompatundu'mo iwi-iwi' na kalaja'an. Aha nombaumo anu totu'u imata nu Tumpu, sahingga nohumpakmo apaa na anu jinanji'mo nu Tumpu. Ginunggumanmo nu aha na nganga' nu to singa-singa,

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

YOSUA 24:3

Lantas ingalang-Ku na i Abraham tuuma nu mompolee' miu aijo', lengkat mae i lipu' anu i santoa nu Efrat aijo' ka' nonsai ia da mamba monsongkohi iwi-iwi' na lipu' nu Kana'an. Aku nombee'imo da nanjoo' na lee'nyo. Momonanyo anu binee'-Ku hi ia i Ishak,

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 3:1

Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?