IBRANI 11:7 - KITAB NU TUMPU ALLA LELE MA'IMAI'

⁷ Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 11:7 ပူးပေါင်းရင်းမြစ်များ

KAJADIAN 19:14

Lantas i Lot nambamo nompahakabot ua'aha na dohoi nu anaknyo, anu ua'aha aijo', ka' nompoto'i, “Sampamo posabatpala'imo na tampat aiya, kalana nuhopu'imo nu Tumpu.” Panyo aha nonsangka i Lot ola basedu'.

KAJADIAN 6:13

Lantas Tumpu Allah notataemo hi Nuh, “Aku nontantukanmo da omingkotimo na kantumuu'an nu iwi-iwi' apaa na anu ko nyawanyo. Aku mohopu'imo aha tiba dunia, kalana dunia nobuke'mo nu ka uwesanan nu aha.

KAJADIAN 6:22

Binaumo i Nuh iwi-iwi' apaa na anu pinalentahkonmo nu Tumpu Allah hi ia.

KAJADIAN 6:9

Aiya na sisikon mongkona i Nuh. Ia kino anak mo'ane aha totolu', aitumo, i Sem, i Ham, ka i Yafet. I Nuh madi' nombau kasala'an ka' ola sa'a-sa'angu'nyomo ia na mian anu ma'ima' na kinyonyoanyo tempo'nyo aitu. Kantumuu'annyo mompaha kona hondo tiba Tumpu Allah.

KAJADIAN 7:5

Lantas i Nuh nombaumo iwi-iwi' apaa na anu pinalentahkonmo nu Tumpu hi ia.

KAJADIAN 8:16

“Posabatmo mae ikapan atina' hingga-hinggat tiba bengkele' nu beleyum, to ana-anak nu beleyum ka' to bengke-bengkele' nu aha.

2 TOMU-TOMUNDO' 4:5

Sahingga ninsusule'mo na boune aijo' i laigannyo. Lapas aijo' ia tiba to ana-anaknyo ninsoopmo ka' tinumbannyomo mae na laigannyo, ia nongalamo boton ise-ise' anu ko isinyo lanya' nu Zaitun aijo' lantas nolambe'akonmo lanya'nyo i boton haha aijo' anu binee' nu to ana-anaknyo hi ia.

AYUB 35:8

Ola bubu'mo belemiu na monta'up kalugi'an kalana nusaduakon nu dosa' nu beleyum haha atina'. Ia mule' ahi' suele na mohumpak ka'untungan kalana ka'ima'an nu kalakuan nu beleyum.

AMSAL 22:3

Mian anu pande mongawahi de montoa mo anu monsilakai mian anu ponga' lumajang lau-laus lantas nukonamo nu balaa'.

AMSAL 27:12

Mian anu pande mongawahi de montoa balaa' mian anu ponga' lumajang lau-laus lantas nu konamo nu balaa'.

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

YEHEZKIEL 14:20

Ka mau ahi' i Nuh, i Danel tiba i Ayub jojoong ikiijo' panyo atas sanggong-Ku, Tumpu anu tumuu', Tumpu Anu Matangkas na Kuasanyo aha madi' ahi' moko ala momposalamat maumo pa' ihe sadang posi anak nu aha suele madi'. Ola ahi' posi aha an salamat kalana kanonongan nu kinyonyoa nu aha.”

MATIUS 2:12

Tumpu nompokinde'i hi aha i uno nu ipion da boli minsusule' hi Herodes. Jadi aha ninsusule'mo nontului jalan sangga'atan.

MATIUS 24:15

“Komiu montoaje ‘Ka'idekan anu monsilakai,’ sumo anu tinaloakonmo i Nabi Daniel, tinuminjo i tampat anu Susi'. (Tulisan toka hi topo anu mombasa': Palahatikan apaa na alati'nyo!)

MATIUS 24:25

Jadi, o inau'! Aku mompoto'imo hi komiu i moonanyo ma'isa pe'e han aijo' jadi saidi' mae.

MATIUS 24:38

I sinaa ma'isa pe'e kino iyaba' daka' aijo', to mia-mian mongkaan monginum, ka' mo'osoa. Sumo aitumo na saja' binau sampe tinokamo na sinaa i Nuh ninsoop i uno nu kapan.

MATIUS 3:7

Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

LUKAS 17:26

I sinaanyo Anak nu Mian oponyata'je na baunyo sumo tempo'nyo, i Nuh naipuan mae.

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 10:6

Panyo mongkona jalannyo mian mompaha ima' tiba Tumpu, Kitab nu Tumpu nontaloakon sumo uuka, “Bolimo beleyum motatae i kinyonyoaum, ‘Ihe na saidi' mae moliba' i suluga?’ (alati'nyo momboa mae i Kristus mintau'),

ROMA 3:22

saba' Tumpu nombaumo da mian timbali mompaha ima' tiba Ia, de mian palesaya hi Yesus Kristus. Tumpu nombau sumo aijo' kona hi iwi-iwi' mian anu palesaya hi Yesus Kristus; kalana madi' oposi posangalasan na samian ka' samian.

ROMA 4:11

Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

ROMA 4:13

Tumpu binajanji' hi Abraham tiba anu ilee'akonnyo, tukoonyo dunia aiya i Abraham na tumpunyo. Tumpu binajanji' sumo aijo' misa' kalana i Abraham tulu-tulutan i atulan nu agama Yahudi, panyo kalana ia palesaya hi Tumpu, sahingga Ia tinalima nu Tumpu salaku mian anu momposanang kinyonyoa-Nyo.

ROMA 9:30

Jadi, kahondoannyo aijo' sumo uuka: To bansa-bansa sangga'at anu misa' Yahudi madi' ko tanga'an da pompahasumbu'an nu aha tiba Tumpu mompo'ule' ma'ima'. Panyo kalana aha palesaya, sahingga Tumpu nombau pompahasumbu'an nu aha tiba Tumpu mompo'ule' ma'ima'.

GALATIA 5:5

Panyo de hi kami, kami taha'iman saba' de Roh nu Tumpu Allah na montulungi ka' mimpu'u kalana kami palesayamo hi Kristus, Tumpu montalimamo kami mompo'ule'mo ma'ima' tiba Ia.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

IBRANI 11:1

Bala'iman alati'nyo palesayamo totu-totu'u i hahan anu otaha'imani, alati'nyo ko katantuan i unonu kinyonyoa mongkona hahan anu madi' otoa.

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 5:7

Tempo'nyo i Yesus daagi' tutuu' i dunia aiya, Ia binalado'a ka' noloboo' na nongkakase ka' i humaang hi Tumpu, anu moko ala momposalamat i balaa' nu kapatean. Ka' kalana Ia mohongo-hongo Tumpu ka' mongadati, sahingga i hongonyomo mae na Ia.

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 PETRUS 2:5

Sumo aitu mule' na dunia tempo'nyo naipuan mae, Tumpu madi' mompojohok aha da opobebas madi' o hukum. Tumpu nompotoka mae iaba' daka' i dunia nu to mia-mian anu ma'idek tempo'nyo aitu. Ola i Nuh tiba popitu' na mian sangga'atnyo na anu pinosalamat, kalana i Nuh nompolelemo lele mongkona kantumuu'an anu nuka'ima'i nu kinyonyoa nu Tumpu.

2 PETRUS 3:6

ka' tiba uee mule' – aijo'mo uee nu iaba' pasawe' daka' – dunia tempo'nyo naipuan mae aijo' ingidean.