IBRANI 11:36 - KITAB NU TUMPU ALLA LELE MA'IMAI'

³⁶ Daagi' ko anu i le-letakon, pinohos, pinungu nu lante ka' pinosoop i uno nu talungku'.

IBRANI 11:36 ပူးပေါင်းရင်းမြစ်များ

KAJADIAN 39:20

Ka' pinalentahkonnyomo da i Yusuf sampamo o hakop ka' oposoop i uno nu talungku', tampat pontalungku'an to tomu-tomundo.

1 TOMU-TOMUNDO' 22:24

Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

1 TOMU-TOMUNDO' 22:27

Poto'i hi aha da oposoopmo na ia i talungku', ka' boli oponjoo' na mombee'i mongkaan ka' monginum sampe aku minsusule'mo mae ma'i-ma'ima'.”

2 TOMU-TOMUNDO' 2:23

Lapas aijo' i Elisa nambamo nompala'i Yerikho ka' nambamo i Betel, I olot nu jalan daagi' ko to ana-anak pa' aha sangkuka nosabatmo mae lengkat i kota' lewa'mo nongkokojoi ia, “O ubak lenggeng, ubak lenggeng, lako' pala'i na tampat aiya!” na anu lewa' i loobo'akon nu aha.

2 TAWARIKH 16:10

Potatae i Nabi Hanani aijo' nonsaduakonmo da i Asa pinusamo hondo, sahingga pinosoopnyomo na nabi aijo' i uno nu talungku'. Tempo'nyo aitu suele nonsakisamo na i Asa pa' aha sangkuka na miannyo anu nu palentah.

2 TAWARIKH 18:26

Pokau na aha da momposoop ia i talungku' ka' boli manjo' na mombee'i ia mongkaan ka' monginum sahingga aku po'ule'mo mae minsusule' ima-ima'.”

2 TAWARIKH 30:10

Salatan mian haha aijo' anu sinai nambamo lengkat i kota' namba mule' i kota' sangga'at i da'erah tulunan nu bansa Efraim ka' Manasye toka-toka i sasu Utara na kojo'onnyo i da'erah tulunan nu bansa Zebulon, aha lewa' kinokojoan ka' pinopo ambang.

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

YEREMIA 20:2

pinalentahkonnyomo da aku opahanjagunakon ka' opanga' i Sabatan Daka' Benyamin, sabatan daka' sasu buannyo i Laigan nu Tumpu.

YEREMIA 20:7

O Tumpu, Belento pagalamo nonsale'i aku ka' tinulutankumo. Belento na mohungku'i kahosonanku ka' nohungku'imo aku. Aku sola'mo kinokojoan nu to mia-mian pinopo ambangmo lengkat pe'e daagi' subu sangkutnyo sampe mamalom.

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 32:8

Lantas sosok hondo susumo anu pinoto'imo nu Tumpu tinokamo mae na i Hanameel hi belengku ipopasan nu laigan nu tomundo' ka' nompoto'i da mongoli tano'nyo. Kalana aijo' aku iyakinmo taalu' Tumpu totu-totu'u ahi' notataemo mae hi belengku.

YEREMIA 36:6

Kalana aijo' de maluanyo tokamo na sinaanyo mian bapuasa'mo, beleyum tionyo ahi' mambamo mokiijo' ka' obasa'akon hoso-hoson iwi-iwi' na anu sinisikkumo hi beleyum da nu hongo nu aha iwi-iwi' apaa na anu pinoto'imo mae nu Tumpu hi belengku. Bau na aijo' itampat anu timbali nu hongo nu mian iwi-iwi' kiijo' i Laigan nu Tumpu tiba mian nu Yehuda anu lengkat mae ikota-kota' nu aha.

YEREMIA 38:28

Aku tataap ahi' tinahan ipopasan nu laigan nu tomundo' sampe tinoka na sinaanyo Yerusalem pinatundu'mo nu sampobali'.

YEREMIA 39:15

Tempo'nyo aku daagi' tinalungku' kiijo' ipopasan nu laigan nu tomundo' Tumpu nompalentahmo mae aku

DANIEL 11:33

Mian anu toto pande-pande lewa-lewa' mongatun mian da'isan mompopandemo manjoo' na mian sahingga mangalati'mo. Panyo ola to pia-piangkuka na ko pinnyo aha to pia-piangkuka na mian anu aijo' hi aha opateimo kalana mahampate kabai kalana apu, ka' to pia-piangkuka na mian mule' ohakopmo ka' oboamo i tampat pompojoongan.

MATIUS 20:19

lapas aijo' obee' hi to mia-mian anu misa', Yahudi. Aha mompopo'ambangmo Ia, ka' mongkabisa'i Ia, ka' mule' monsalibmo Ia. Panyo ko totolu'nyo na sinaa, Ia po'ule'mo o potumuu'.”

MATIUS 21:35

Panyo anu mongkalaja ale' aijo' nohakop to posa-posaihon nu tumpu nu tano' aijo': Samian binobotan, sangga'at pinatean, ka' sangga'at mule' pinahambunu'akon nu batu.

MATIUS 23:34

Hongo ima-ima': Aku monsaije hi komiu to nabi-nabi, to mia-mian pande, ka' to gulu-gulu'; sambahagian lengkat hi aha o pateije miu, ka' sambahagian anu sangga'at o salibje miu. Daagi' ko anu o sakisaje miu i uno nu laigan pogalejaan, ka' komiu mahantumput lengkat i sa'angu' na kota mokiijo' i kota sangga'at.

MATIUS 27:26

Lapas aijo' i Pilatus nompolapasmo i Barabas hi aha, ka' aha nonsaimo mian nompohos i Yesus; ka' nombee' Ia da o salib.

MARKUS 10:34

Aha mompopo'ambang Ia, montupe'i Ia, monsakisa Ia, ka' nonsalib Ia. Panyo i sinaa ko totolu'nyo, Ia po'ule'mo tumuu'.”

LUKAS 18:32

Ia obee'mo hi to mia-mian misa' Yahudi, anu monyaat, mompopisik, ka' montupe'i Ia.

LUKAS 23:11

I Herodes ka' to sulu-suludadu nombia-biangakonmo ka' nongambangimo i Yesus, lantas nompopakemo hi Ia baju' pesalin, lapas aijo' po'ule' mule' nonsai Ia da o boa hi Pilatus.

LUKAS 23:36

To sulu-suludadu suele nompopudikmo Ia. Aha tinokamo ka' nompo'inum anggur malosing hi Ia.

SISIKON NU TO RASUL-RASUL 21:33

Kapala nu suludadu aijo' namba hi Paulus lantas i hakopnyo ka' nompokau mian mompungu ia. Lapas aijo' kapala nu suludadu nompokilawamo pa'ihe na i Paulus aijo', ka' apaa na anu binaunyomo.

SISIKON NU TO RASUL-RASUL 24:27

Salatan ingohua'mo na taun, i Perkius Festus nombolosakonmo i Feliks salaku Gubernur. Ka' kalana i Feliks ka'oho' mongala kinyonyoa nu to mia-mian Yahudi, ia nompojohokmo i Paulus i uno nu talungku'.

SISIKON NU TO RASUL-RASUL 4:3

Sahingga aha nohakop ua-ua'aha na rasul aijo' ka' pinosoopnyo i uno nu talungku'. Ka' kalana pinihimo i Petrus ka' i Yohanes tinahanmo i kiijo' tinoka dodododopnyo.

SISIKON NU TO RASUL-RASUL 5:18

To rasul-rasul haha aijo' i hakop ka' pinosoopmo i uno nu pontalungku'an mian da'isan.

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

SISIKON NU TO RASUL-RASUL 8:3

Panyo i Saulus saja'mo binala usaha mongkabisa'i jama'at. Ia namba lengkat i sa'angu' na laigan mokiijo' i laigan sa'angu' ka' mohela' monsabatakon to mia-mian palesaya, lantas momposoop aha i uno nu talungku'.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

EFESUS 4:1

Aijo' na sababnyo aku – mian anu tinalungku'mo, anu tinalungku'mo kalana nombaumo anu pinalentahkon nu Tumpu – momoita sabole-bole hi belemiu: da kantumuu'anum sumo ahi' mian anu i lagamo nu Tumpu mo'imboa tiba apaa na makisutnyo komiu i lagamo.

2 TIMOTIUS 1:16

Panyo aha sa'anakon i Onesiforus noko to pimpi-pimpianmo ahi' na nompolame' kinyonyoangku. O'amalakon da Tumpu timbali mompotoa kalibosan-Nyo hi aha. Mau mule' aku i uno nu talungku', i Onesiforus madi' mongka'ambangakon i kantumuu'anku aiya.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

ANU PINOTO'I HI YOHANES 2:10

Boli mabuhuk i kasansala'an anu madi'mo daagi' pin tionyo o'oa'imo miu. O inau', Ibilis momposoopje sambahagian anu atina' hi komiu i uno nu talungku' monsobai miu. Komiu mongoa'ije sansala sampulu' na sinaa na kopinnyo. Tionyo ahi' komiu tulu-tulutan hi beleng-Ku sampe mate, sahingga aku mombee'ije hi beleyum kantumuu'an kopian ka' sampe toka sidu-sidutu' salaku tamboo inguntungmo, i uno nu kasabalan.