IBRANI 11:35 - KITAB NU TUMPU ALLA LELE MA'IMAI'

³⁵ Kalana bala'iman, sahingga po'ule'mo i humpak nu to bou-boune na to mia-mian anu sinilakamo. Daagi' mule' ko anu i halala'mo na osakisa sampe sinilakamo, ka' madi'mo ko kahanda' opotumuu', kalana mongka'ima'imo po'ule' opotumuu' da mohumpak kantumuu'an anu lebe ma'ima'.

IBRANI 11:35 ပူးပေါင်းရင်းမြစ်များ

MATIUS 22:30

Kalana de mian mate po'ule'mo tumuu', aha madi'mo daagi' mo'osoa panyo aha tumuu'mo susumo malaikat i suluga'.

MARKUS 12:25

Kalana de to mia-mian silaka po'ule'mo tuumu', aha madi'mo po'ule' mo'osoa, panyo aha tumuu'mo sumo malaikat i suluga'.

LUKAS 14:14

Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

LUKAS 20:36

Baunyo nu aha sumomo malaikat, ka' madi'mo silaka. Aha te ana-anakmo nu Tumpu, kalana aha po'ule'mo tinumuu' lengkat i kapatean.

YOHANES 5:29

lantas mosabat lengkat mae i pinolamunan. Mian anu nombaumo anu ma'ima', saidi' mae po'ule' mobula da tumuu'. Panyo mian anu nombaumo anu ma'idek, saidi' mae po'ule' tumuu' da o hukum.”

SISIKON NU TO RASUL-RASUL 22:29

Tempo'nyo aitu mule' to sulu-suludadu anu mongka'oho' mompalesa i Paulus tinolo sule'mo, ka' kapala nu suludadu aijo' suele nabuhukmo, kalana ia nolante'mo i Paulus, padahan i Paulus layat nu negara Roma.

SISIKON NU TO RASUL-RASUL 23:6

I Paulus nontoa saba' sambagian aijo' na to pangka-pangkat nu Mian Kopian Daka' nu Agama aijo', aitumo lengkat hi to mia-mian nu Saduki ka' sambagian mule' lengkat hi aha to mia-mian nu Farisi. Kalana aijo' ia notatae hi Mian Kopian Daka' nu Agama aijo', “To Utu-utus! Aku mian nu Farisi, lee' nu mian Farisi. Aku pinutusanmo i aiya kalana aku palesaya saba' to mia-mian mate po'ule' opotumuu'.”

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

SISIKON NU TO RASUL-RASUL 4:19

Panyo i Petrus ka' i Yohanes nontaami, “Posi tutugimo apaa na anu totu'u i ahop nu Tumpu: mombatuki palentah nu to Tutuuma kabai mombatuki palentah nu Tumpu.

SISIKON NU TO RASUL-RASUL 9:41

Lantas i Petrus nontoongi limanyo ka' nontulungi ia tuminjo. Lapas aijo' i Petrus nolaga to mia-mian palesaya anu i kiijo' hingga-hinggat tiba to balu-balu aijo', lantas binee'nyo na i Dorkas anu po'ule'mo tinumuu' aijo' hi aha.

1 KORINTUS 15:54

De butong anu timbali silaka obolosimo nu butong anu madi' silaka, ka' butong anu lengkat i dunia aiya obolosimo nu butong anu lengkat mae i suluga', tempo'je aitu ka' timbalimo apaa na anu tinulismo i Kitab nu Tumpu, “Kapatean i hungku'anmo; ka'untungan i humpakmo!”

FILIPI 3:11

Ka' anu kutaha'imani, da aku po'ule'je opotumuu' de aku silakamo.