IBRANI 11:34 - KITAB NU TUMPU ALLA LELE MA'IMAI'

³⁴ nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.

IBRANI 11:34 ပူးပေါင်းရင်းမြစ်များ

1 TOMU-TOMUNDO' 19:1

I Tomundo' Ahab nonsisikmo hi Izebel bengkele'nyo, iwi-iwi' na anu binaumo i Elia, ka' mule' mosia na i Elia nompateimo iwi-iwi' nabi Baal haha aijo'.

1 TOMU-TOMUNDO' 19:3

I Elia nabuhukmo lantas nopalaimo da boli opatei. Ia nambamo tiba posaihonnyo namba i Bersyeba kiijo' mae i Yehuda. I kiijo' mae ia madi'mo nongka'oho' da susumo nabi,

2 TOMU-TOMUNDO' 6:1

Daagi kino sansinaan aha to nabi-nabi anu ingajanmo i Elisa notusa'mo hi ia. Aha notatae, “Kajojoonganto aiya talalomo soki!

2 TOMU-TOMUNDO' 6:32

Lantas i tomundo' nonsaimo samian namba momona hi laigan i Elisa. Tempo'nyo aitu i Elisa kiijo' i laigan, ka' to tu'a-tu'anyo hau-haunyo kiijo' hi ia. Ma'isa aha anu sinaimae i tomundo' aijo' tinoka, i Elisa notataemo hi to tu'a-tu'anyo haha aijo' “Soba tutugi! Anu mompatei aijo' nonsaimo mae mian da mompatei mae aku. De mian aijo' tokamo mae, tumban na sabatan ka' boli opobee' mae na ia minsoop, jadi saidi' mae posi i tomundo'je na toka mae.”

AYUB 42:10

Lapas aijo', salatan i Ayub noko balado'amo nondo'akon aha totolu' na sangalunyo haha aijo', Tumpu po'ule'mo nompokaya ia ka' halata'nyo anu u'utu mae pinopinduannyomo na konjoo'nyo na binee' hi ia.

AYUB 5:20

De tokamo na tempo'nyo kasusa'an ia nu o kaan beleyum madi' silaka nu ohop. Maumo mian mahampate taha-tahahumo hondo na kinosidanyo madi' ko anu moko ala mompatei beleyum.

MAZMUR 124:7

Kita sumomo tomonsi' anu nolapasmo i so'o nu mian anu kahanda' mohakop, so'o aijo' nobotu'mo, lantas kita nolapasmo!

MAZMUR 144:10

Belento nompo'untungmo to tomu-tomundo' nahampate, ka' nompobebasmo i Daud posaihon nu Belento.

MAZMUR 6:8

Matangku madi'mo talalo montoa kalana susa' na kinyonyoangku, ka' me opiha-pihau' kalana nusaduakon nu to mia-mian anu mongewa mae aku.

MAZMUR 66:12

Pinojohokmo nu Belento na kami da pinahampeja'akonmo nu anu monsampobali' mae kami; kami so'mo nontului iyaba' ka' apu. Panyo uuka aiya kami binoamo mae nu Belento i tampat anu manjoo' hondo na hasinnyo ohumpak i kiijo'.

NOSABATMO 18:4

anak tuenyo sinanggohan i Eliezer kalana i Musa notatae, “Tumpu Allah anu lewa' osombah nu mompolee'ku nontulungimo mae ka' nomposalamatmo aku sahingga aku madi' pinatean nu tomundo Mesir.”

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YEREMIA 26:24

Panyo uuka aiya kalana balakat tinulunganmo mae i Ahikam anak i Safan, aku i Yeremia madi'mo binee' hi aha mian da'isan da pinatean.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

1 PETRUS 4:12

To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.

TO MIA-MIAN KOPIAN 15:8

Lapas aijo' tinumbuhannyomo na aha ka' pinoko ideknyo totu-totu'u ka' manjoo' na aha pinateannyo. Lapas aijo' ia nambamo ka' jinojoongmo i uno nu liang i sa'angu' na bungkutnyo nu batu kiijo' mae i Etam.

1 SAMUEL 18:11

“Kubunu'akonmo na talombo' aiya hi Daud sampe lampasan toka-toka mokiijo' ipimpi'!” Sumo aijo' na koonyo i Saul i uno nu kinyonyoanyo lantas binunu'akonnyomo na talombo' aijo' pininduan hi Daud, panyo pinoko ala pinedas i Daud.

1 SAMUEL 19:10

Lantas i Saul binatanga'mo mombunu'akon talombo'nyo mokiijo' hi Daud anu aijo' koko pimpi'. Panyo pinoko ala pinedas i Daud sahingga talombo' aijo' nanintotonmo i pimpi'. I Daud nopalaimo da madi' opatei na ia.

1 SAMUEL 20:1

Sahingga nalaimo na i Daud nompala'imo Nayot koko Rama ka' nambamo siningkabot i Yonatan, lantas pinokilawanyomo, “Pa' apaa na kasala'anku? Apa na han anu talalo ma'idek anu binaungkumo ka' apaamo na dosa'ku hi tuuma nu beleyum sahingga ia kahando'mo mompatei aku?”