IBRANI 11:32 - KITAB NU TUMPU ALLA LELE MA'IMAI'

³² Jadi, aku timbalije mule' sabole-bole motatae, panyo tempo' na madi'mo sukup hi belengku. Aitu pe'e ma'isa sinanggongku na i Gideon, i Barak, i Simson, i Yefta, i Daud, i Samuel ka' to nabi-nabi.

IBRANI 11:32 ပူးပေါင်းရင်းမြစ်များ

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

MATIUS 5:12

To nabi-nabi anu tinumuu' ma'isa pe'e kino komiunyo sinakisamo sumo aijo'. Oposanaang ka' opolame' na kinyonyoa, saba' daka' na tamboo anu pinosadiakon nu Tumpu bau bagi miu.”

LUKAS 13:28

Tempo'nyo komiu montoa i Abraham, i Ishak ka' i Yakub tiba iwi-iwi' na nabi balame-lame' i uno nu Dunia Bu'ou nu Tumpu Allah, komiu humaang ka' nonta'up sansala, kalana komiu olaa'mo mamba i sambiha'nyo.

LUKAS 16:31

Panyo i Abraham notatae, ‘De aha madi' mompajuli palentah i Musa ka' to nabi-nabi, tantu ahi' aha madi' palesaya mau mule', ko anu i nate po'ule' tinumuu'.’ ”

YOHANES 21:25

Daagi' manjoo' na han sangga'at anu binau i Yesus. Maluannyo iwi-iwi' aijo' o tulis toto sa'angu', ku gantang madi' sampa' na tampat i dunia aiya anu moko ala mongisi kitab anu o tulis aijo'.

SISIKON NU TO RASUL-RASUL 10:43

Iwi-iwi' to nabi-nabi motatae mongkona Ia. Aha notatae tukoonyo iwi-iwi' mian anu palesaya hi Yesus, o ampunije na dosa'nyo nu kakuasa'an lengkat hi Yesus.”

SISIKON NU TO RASUL-RASUL 13:20

Iwi-iwi' aijo' pato atu limampulu' na taun na kopinnyo. Pinoko bagi na lipu' Kana'an aijo', Tumpu nombee'imo aha hakim-hakim. Hakim imihinyo aijo'mo i Nabi Samuel.

SISIKON NU TO RASUL-RASUL 3:24

To nabi-nabi anu toho'mo nompotokakon lele lengkat hi Tumpu Allah, lengkat pe'e hi Nabi Samuel ka' nabi-nabi sangga'at anu tinokaje i mihi, iwi-iwi' monsisikakon mongkona tempo' aiya.

ROMA 3:5

Panyo de ka'adinan nu Tumpu konyata-nyata'nyomo, kalana kita mombau anu madi' totu'u, apaa na anu ka'oho' otaloakonto? Tebolong Tumpu madi' adin de ia mohukum kita? (Memang anu opokilawa aiya, pantas de susumo mian.)

ROMA 4:1

Desumo aitu, apaa na timbali otaloakonto mongkona i Abraham, mompolee' nu bansanto? Mosia na anu ingoa'annyomo?

ROMA 6:1

Desumo aitu, apaa na timbali otaloakonto? Pa' timbali na kita sabau-baunyomo dosa' da Tumpu mompaka kalibosi kita?

ROMA 7:7

Desumo aitu, apaa na anu otaloakonto? Te atulan nu agama Yahudi aiya ma'idek? Tantu madi'! Panyo atulanmo aijo' na mompokinde'i aku da nonsumbu' anu moko baladosa'. Madi' sinumbu'ku na mangoa pa' apaa, de atulan nu agama madi' nontaloakon, “Boli mangoa.”

YAKOBUS 5:10

To Utu-utus, o inau' na to nabi-nabi anu binasisikmo salaku nowakini mae Tumpu. Aha sinabanmo ka' madi' nompele-pele' na nongoa'i sansala. Jadi, ala na aha da salaku bau sonto'.

2 PETRUS 1:21

Kalana, madi' toho' potuunon nu Tumpu opolele ola kalana pongka'oho' nu mian. Panyo Roh nu Tumpu na mongkuasai mian da mompotokakon potuunon anu lengkat mae hi Tumpu Allah.

2 PETRUS 3:2

Ku poto'i da belemiu monginau' iwi-iwi' na potatae anu naipuan mae tinaloakonmo nu to nabi-nabi nu Tumpu, ka' palentah suele lengkat mae hi Tumpu, Tomundo anu Momposalamat, anu pinotokamo hi belemiu nu to rasul-rasul.

TO MIA-MIAN KOPIAN 13:24

Tinopia-piangkuka na bitu'on lapas aijo' bengkele' i Manoah nohampeakonmo samian na anak mo'ane, lantas sinanggohannyomo i Simson na ia. Anak aijo' kino daka-daka'nyomo ka' binalakatanmo nu Tumpu;

TO MIA-MIAN KOPIAN 15:20

Uampulu' na taun na kinopinnyo na i Simson tinimbali polaya' nu aha mian Israel tempo'nyo aha kinuasanmo nu mian Filistin.

TO MIA-MIAN KOPIAN 4:1

Salatan i Ehud sinilakamo, bansa Israel po'ule' mule' binaladosa' hi Tumpu.

TO MIA-MIAN KOPIAN 6:1

Po'ule' mule' mian nu Israel binalado'a hi Tumpu, sahingga Ia nombee'mo hi bansa Midian da kinuasan nu aha pinopitu' na taun na kinopinnyo.

TO MIA-MIAN KOPIAN 6:11

Daagi' kino sansinaan malaekat nu Tumpu tinokamo i kota Ofra, lantas sinumuhangmo i patu nu kau' terpentin, anu i Yoas, mian lee' mae i Abiezer. Anaknyo anu sanggonyo i Gideon, hau-haunyo mongutut gandum i tampat pompao'an anggur. Ia nokalaja aijo' natisuluk da aha mian nu Midian madi' montoa ia.

TO MIA-MIAN KOPIAN 6:14

Lapas aijo' Tumpu nombee'imo palentah aiya hi Gideon, “Tiba kahosonan ka' kabaanian nu beleyum iwi-iwi', lako'mo lapasakon na mian nu Israel da bolimo nukuasai nu mian Midian. Akumo na anu nompokau beleyum.”

1 SAMUEL 1:20

Boune aijo' pinoboamo ka' nohampeakonmo anak mo'ane. Sinanggohannyomo i Samuel, “kalana koonyo pinoitangkumo hi Tumpu.”

1 SAMUEL 12:11

Lapas aijo' Tumpu nonsaimo i Gideon, lapas aijo' i Barak, ka' lapas aijo' mule' i Yefta, ka' imihinyo mae akumo. Kami toto samian nompobebasmo belemiu da boli nu poposia nu sampo bali' nu belemiu sahingga belemiu noko alamo tinumuu' madi'mo ko anu nompoposia.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

1 SAMUEL 17:45

Panyo tinaaman i Daud, “Beleyum toka mae mongewa aku nu bajak tiba talombo', ka' sosuduk panyo aku toka mae mongewa beleyum tiba sanggo nu Tumpu Anu Daka' na kuasanyo, Tumpu Allah nu suludadu nu aha Israel anu pinopo ambangmo nu beleyum aijo'.

1 SAMUEL 2:11

Lantas ninsusule'mo na i Elkana tiba aha salaigan nambamo i Rama, panyo i Samuel anak ai-aijo' na jinojoongmo ahi' i Silo ka' lewa'mo mombau apaa na anu nu palentahkon nu Tumpu i uno nu atulan anu nu pojalan i Imam Eli.

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.

1 SAMUEL 2:4

Pompelet nu mian anu baani nopato'mo, panyo mian anu madi' mahoson nompaka pahosonmo.