IBRANI 11:29 - KITAB NU TUMPU ALLA LELE MA'IMAI'

²⁹ Kalana bala'iman, sahingga to mia-mian nu Israel noko potaap i Ambai Momea', sumomo aha i lumajang i bawo nu tano' kantisan, padahan to mia-mian nu Mesir i lonyomo nu ambai aijo' tempo'nyo aha suele nompisoba notaap.

IBRANI 11:29 ပူးပေါင်းရင်းမြစ်များ

NEHEMIA 9:11

Kalana mombau jalan da timbali katuluan nu mian anu palesayamo hi Belento sahingga ambai biniha'mo nu Belento; tinapakonmo nu Belento na aha nontului lananyo nu ambai anu notiismo. To mia-mian anu nombondos i uno nu ambai anu maleeng hondo sumomo ahi' batu anu tinonu'mo aijo' i ambai anu okabuhuk hondo.

MAZMUR 66:6

Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

MAZMUR 78:13

Ia nongga'atmo ambai namba poti-potimbiha' lantas nontaapakonmo aha; uee pinotinjo-Nyomo susumo bandungan.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 14:22

Uee nobagimo ohua', ka' salatan mian nu Israel notulumo i ambai anu noti-notiismo, aha i lumajangmo i lananyo, ka' uee i sohipi' koanan ka' kowi sumomo mesen anu matangkas.

NOSABATMO 14:27

Lantas tinangkakonmo i Musa na limanyo nokiijo' i ambai ka' salatan nalianamo, uee nompo'ule'mo ninsusule' susumo anu uuka momona. Mian nu Mesir binala usahamo momposalamat butong nu aha, panyo Tumpu nolomosimo aha i uno nu ambai.

YOSUA 2:10

Ihongomo mami na lelenyo mosia na Tumpu nompoti'i Ambai Gelagah i ahop nu belemiu, tempo'nyo belemiu nompala'imo mae Mesir. Kami mule' nohongomo mosia na belemiu nompateimo i Sihon ka' i Og, ua'aha na tomundo nu aha bansa Amori aijo' i sasu kabete'an Kaunyo nu Yordan.