IBRANI 11:27 - KITAB NU TUMPU ALLA LELE MA'IMAI'

²⁷ Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

IBRANI 11:27 ပူးပေါင်းရင်းမြစ်များ

MAZMUR 16:8

Aku saja' monginau' Tumpu; Ia saja' aitu koko hi belengku, sahingga kinyonyoangku madi' mongabali'.

NOSABATMO 11:8

Ahennyo i Musa notataemo, “Iwi-iwi' na aha anu ko pangkatnyo anu mokalaja hi belento Tuanku tionyo toka ka' tolodadupu i ahopku ka' momoita da aku ka' bansangku mompala'imo lipu' aiya. Lapas aijo' mambamo na aku.” I Musa sinumpumo hondo lantas pinala'iannyomo na i tomundo.

NOSABATMO 12:11

Pusokmo totouka na baju' anu opake lumajang tiba sandaan ka' tokon otoongimo, atina'je ka' belemiu mongkaan. O lia-lia'i na belemiu mongkaan. Sumo aijo' na molame'akon Paskah bau pongadati Aku, Tumpu.

NOSABATMO 12:50

Iwi-iwi' na mian nu Israel mohongo-hongo ka' mombau iwi-iwi' apaa na anu pinalentahkonmo nu Tumpu hi Musa ka' hi Harun.

NOSABATMO 4:19

Tempo'nyo i Musa daagi' i tano' nu Midian, Tumpu notataemo hi ia, “Pinsusule'mo mamba i Mesir. Iwi-iwi' na mian anu mongkahanda'i mompatei beleyum sinilakamo”.

MATIUS 10:22

Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

MATIUS 24:13

Panyo mian anu balatahan toka i mihinyo, timbali o posalamat.

MARKUS 13:13

Komiu nuka'ideki nu mian iwi-iwi', kalana komiu anu saja' mombatuki Aku. Panyo mian anu balatahan toka i mihinyo, oposalamat.”

MARKUS 4:17

Panyo lele aijo' madi' jojoong i uno nu kinyonyoa nu aha, sahingga madi' pin. Salatan aha mongoa'i sansala i kasusa'an kabai okabisa'i kalana lele aijo', lau-laus aha madi'mo palesaya.

SISIKON NU TO RASUL-RASUL 2:25

Mongkona i Yesus aiya, i Daud toho'mo notatae, ‘Aku montoa Tumpu saja' i ahopku; Ia saja' i sohipi'ku, da aku madi' nugeleguda nu mau mule' apaa.

1 KORINTUS 13:7

Ia moko ala montahan mongahopi iwi-iwi na apa-apaa, ka' mongka'oho' palesaya hi anu talalo ma'ima' hi batu-batu mian; i uno nu han mau mule' pa' mosiamo, mian anu ko kalibosan aijo' madi' toho' mongkolilimi apaa na anu nutaha'imani, ka' sabaan montanda'i iwi-iwi na apa-apaa.

2 KORINTUS 4:18

Kalana kami madi' mongka'ima'i hahan anu kantoan, panyo anu madi' kantoan. Anu kantoan ola montahan sasaingoni', panyo anu madi' kantoan aijo' pin sampe toka sidu-sidutu'.

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

IBRANI 10:32

Potutugakon mosia na ka'ada'annyo na to utu-utus i tempo' anu i hikuhakonmo. Tempo'nyo aitu salatan jingka nu Tumpu nonjingkai komiu, komiu nongoa'imo manjoo' hondo na kasansala'an, panyo komiu sabole-bole ahi palesaya totu-totu'u.

IBRANI 11:1

Bala'iman alati'nyo palesayamo totu-totu'u i hahan anu otaha'imani, alati'nyo ko katantuan i unonu kinyonyoa mongkona hahan anu madi' otoa.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

1 PETRUS 1:8

Komiu mongkalibosi Ia mau mule' naipuan mae komiu madi' nontoa Ia. Ka' komiu pinalesayamo hi Ia mau mule' uuka aiya komiu madi' nontoa Ia. Mokonyo aijo' komiu lame' ka' mongoa'i kasanangan anu daka' ka' anu madi' opoko taloakon.