IBRANI 11:16 - KITAB NU TUMPU ALLA LELE MA'IMAI'

¹⁶ Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 11:16 ပူးပေါင်းရင်းမြစ်များ

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

NOSABATMO 3:6

Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

NOSABATMO 4:5

Notatae na Tumpu, “Obau sumo aijo' da to mia-mian nu Israel palesaya taalu' Aku, Tumpu, Tumpu Allah nu mompolee' nu aha, Tumpu Allah i Abraham, i Ishak, ka' i Yakub nanintoamo hi belemiu.”

YEREMIA 31:1

Tumpu notatae, “Tokaje mae na tempo'nyo Aku timbalimo Tumpu Allah nu aha iwi-iwi' na tulunan nu bansa Israel ka' aha timbalimo mian anu palesayamo hi beleng-Ku.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

MARKUS 8:38

De toto samian ma'ambang na mongakui Aku ka' pangajalan-Ku, i tempo' nu duluhaka ka' ka'idekan aiya, Anak nu Mian suele ma'ambang na mongakui mian aijo', tempo'nyo Ia po'ule' toka tiba kuasa nu Tuuma-Nyo, tiba to mala-malaikat anu susi'.”

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

LUKAS 20:37

Posi i Musa nomponyata'mo mana-manasa mian mate po'ule' opotumuu'. I uno nu tulisannyo mongkona kumbung anu i noak aijo', ia nonsanggo Tumpu, sumo, ‘Tumpu i Abraham, Tumpu i Ishak, ka' Tumpu i Yakub.’

YOHANES 14:2

I laigan nu Tuumang-Ku daagi' manjoo' na tampat kajojoongan. Aku mamba mokiita' montoukai tampat miu. Aku madi' motatae sumo aijo' hi komiu, de aijo' madi' sumo aitu.

SISIKON NU TO RASUL-RASUL 7:32

‘Akumo na Tumpu mompolee' miu; Aku Tumpu i Abraham, i Ishak, ka' i Yakub.’ I Musa ilakatnyomo nu buhuk sahingga madi' daagi' baani na montoa kuhat aijo'.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

2 TIMOTIUS 4:18

Memang Tumpu na montulungi mae aku i iwi-iwi na usaha anu ma'idek da madi' mae mongkona aku. Ia momboaje aku i uno nu ka'ada'an salamat hi Kalaja'an-Nyo i Suluga'. Tionyo Ia saja' opopodaka' sampe toka sidu-sidutu'! Amin.

IBRANI 10:34

ka' komiu suele lewa'mo nonginau' kasusa'an nu mian anu tinalungku'mo. Ka' tempo'nyo iwi-iwi' na anu miu ingagoanmo, komiu madi' notambuha', kalana osumbu' miu, daagi' ko apa-apaa anu lebe ma'ima' itina' hi komiu anu montahan sampe toka sidu-sidutu'.

IBRANI 11:10

Kalana i Abraham montanda'imo kota anu pinopikinakonmo ka' nupotinjomo nu Tumpu ka' opotinjo i mesen anu mahoson hondo.

IBRANI 11:14

Mian anu montaloakonmo sumo aijo', saba' aha mompoto'imo totu-totu'u daagi' molio lipu' anu timbali tano' kajojoongan nu aha.

IBRANI 11:40

kalana Tumpu ko tanga'an anu lebe ma'ima' hi kita. Tanga'an-Nyo aijo'mo saba' ola ahi' palesaya hingga-hinggat tiba kita, yo aha timbali ma'ima'.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

IBRANI 13:14

Kalana aiya i dunia madi' ko tampat kajojoonganto anu sampe toka sidu-sidutu', kita molio tampat kajojoongan anu tokaje saidi' mae.

IBRANI 2:11

I Yesus nompolomasmo mian i dosa' nu aha iwi-iwi'; ka' Ia anu nompoloasmo, tiba aha anu pinoloasmo aijo', hingga-hinggat nontuumamo Tuuma samian. Mokonyo aijo' i Yesus madi' ma'ambang na mongakui aha aijo' sumomo to utu-utus-Nyo.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.