IBRANI 11:13 - KITAB NU TUMPU ALLA LELE MA'IMAI'

¹³ Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 11:13 ပူးပေါင်းရင်းမြစ်များ

KAJADIAN 21:34

Lapas aijo' i Abraham jinojoongmo daagi gagana' pinin i lipu' nu mian Filistin.

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

KAJADIAN 48:21

Lantas notataemo na i Yakub hi Yusuf, “Sumo anu tinoamo nu beleyum, ukunku silaka malia'mo, panyo Tumpu Allah na montulungi belemiu ka' momboa belemiu minsusule' i lipu' nu mompolee' nu belemiu.

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

KAJADIAN 49:18

O Tumpu, kasalamatan anu obee' nu Belento aijo'mo na anu kupo-kupopea'.

KAJADIAN 49:28

Aijo'mo na aha anu sampulu' ka' ohua' na tulunan nu bansa Israel, ka' potatae anu tinaloakonmo nu tuuma nu aha salatan nonsalando'amo hi aha toto samian kalana moga'a-ga'atmo.

KAJADIAN 49:33

Noko potuun na i Yakub hi to ana-anaknyo, i nale'mo na ia lantas sinilakamo.

KAJADIAN 50:24

Ia notatae hi to utu-utusnyo, “Ukunku malia'mo, panyo Tumpu Allah saja' monjagai belemiu, molaya' belemiu mosabat lengkat i lipu' aiya, mamba i lipu' anu jinanji'-Nyomo hi Abraham ka' sinumpa'mo sampe-sampe hi Ishak ka' hi Yakub.”

AYUB 19:25

Ku sumbu' kiita' i suluga' daagi' ko anu monsangaja'i aku; ahennyo mae Ia na toka mae montulungi aku.

MAZMUR 119:19

Ola sasaingoni' na aku jojoong i dunia aiya boli mae oposuluk hi belengku na atulan nu Belento.

MAZMUR 39:12

Manusia kalana nu saduakon nu kasala'annyo; nu hukumo nu Belento ka' nu dokemo nu Belento susumo atak nu hansunimo nu Belento apaa na anu mingguna hi ia. Memang, manusia ola susumo opuhakon nu sawo nu manusia.

NOSABATMO 2:22

I Zipora nohampeakonmo samian na anak mo'ane. Anak aijo' sinanggohannyo i Gerson, kalana i Musa nompotutugakonmo, “Aku mian anu i salipu'an mae i aiya.”

IMAMAT 25:23

Tano' nu belemiu madi' timbali opobaluk sidu-sidutu'mo kalana tano' aijo' misa' belemiu na tumpunyo panyo anu nu Tumpu Allah. Belemiu ola susumo mian anu lengkat mae i salipu'an anu pinoloasmo da mompake tano' aijo'.

NOMBILANGMO 10:30

Tinaaman i Hobab, “Talima kase panyo aku kahanda'mo minsusule' i lipu' kinahampeanku.”

NOMBILANGMO 24:17

Tinoangkumo na ia panyo misa' uuka aiya; tinanggalakonkumo na ia panyo aku aiya mae majo'on. Samian na tomundo lengkat mae hi aha Israel, saidi' mae toka sumo mandala' anu manjingka hondo. To pola-polaya' nu Moab saidi' mae Nu pateimo bansa Set saidi' mae Nu hopu'imo.

MATIUS 13:17

Jaga mae, da'isan na nabi ka' mian anu tulut hi Tumpu mongkahanda'i montoa anu tinoa miu uuka aiya, panyo aha madi' montoa. Aha mongka'oho' mohongo apaa na anu i hongo miu uuka aiya, panyo aha madi'mo daagi' mohongo.”

YOHANES 12:41

I Yesus notatae sumo aijo' kalana ia nontoamo kadaka'an i Yesus, ka' nonsisikmo mongkona Ia.

YOHANES 8:56

Tuumaum i Abraham sanang hondo kalana ia montoaje sinaa anu tinantukanmo hi beleng-Ku. Ia nontoamo ka' ia sinanangmo!”

ROMA 4:21

Ia palesaya hondo Tumpu timbali mombau apaa na jinanji'-Nyomo.

ROMA 8:24

Kalana samata-mata montaha'imani apaa na anu jinanji'nyomo, sahingga kita oposalamat. Panyo de anu otaha'imaninto aijo' tinoantomo, saba' aijo' misa'mo anu otaha'imani. Kalana ihe na daagi' montaha'imani apa-apaa i han anu tinoanyomo?

2 KORINTUS 4:18

Kalana kami madi' mongka'ima'i hahan anu kantoan, panyo anu madi' kantoan. Anu kantoan ola montahan sasaingoni', panyo anu madi' kantoan aijo' pin sampe toka sidu-sidutu'.

2 KORINTUS 5:6

Kalana aijo' kinyonyoa mami saja' mongoa'i mahoson. Osumbu' mami saba' de kami daagi' jojoong i uno nu butong mami aiya, kami majo'onmo i laigan anu ojojoongije mami hingga-hinggat ka' Tumpu.

EFESUS 2:19

Mokonyo aijo', komiu madi'mo minsoop hi mian anu i salipu'an kabai mian anu i sambiha'nyo. Komiu uuka aiya nohingga-hinggatmo mian anu palesayamo hi Tumpu. Komiu tinimbalimo sampoto utusan hi Tumpu.

IBRANI 11:14

Mian anu montaloakonmo sumo aijo', saba' aha mompoto'imo totu-totu'u daagi' molio lipu' anu timbali tano' kajojoongan nu aha.

IBRANI 11:17

Ola kalana bala'iman, sahingga i Abraham nonsombahkonmo i Ishak salaku koloban tempo'nyo ia inguji' nu Tumpu. Tumpu nombee'mo anu jinanji'-Nyomo hi Abraham, panyo i Abraham i halala'mo na nombee' anaknyo anu ola sa'a-sa'angu'nyomo aijo'.

IBRANI 11:27

Kalana bala'iman, sahingga i Musa nompala'imo Mesir ka' madi'mo mabuhuk maumo nu tambuha'i nu tomundo'. I Musa nolausakonmo patujunyo sumomo ia nontoamo Tumpu anu madi' otoa-toa.

IBRANI 11:39

Palias na kodaka'nyo na ka'untungan anu i humpakmo nu iwi-iwi' mian haha aijo', kalana iman nu aha! Panyo aha madi' mohumpak apaa na anu jinanji'mo nu Tumpu,

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 YOHANES 3:19

Sumo aitu na balu-balu'nyo kita monsumbu', saba' kita aijo' ninsoopmo to ana-anak nu Tumpu anu totu'u, ka' kinyonyoanto tataapmo i ahop nu Tumpu.