IBRANI 11:12 - KITAB NU TUMPU ALLA LELE MA'IMAI'

¹² Mau mule' i Abraham tempo'nyo aitu sumomo mian anu sinilakamo na butongnyo, panyo ia nohumpak manjoo' hondo na lee'nyo anu konjoo'nyo madi' opoko ala o bilang – sumo konjoo' nu mandala' i langit, ka' bone' i biwi nu ambai.

IBRANI 11:12 ပူးပေါင်းရင်းမြစ်များ

KAJADIAN 15:5

Tumpu nomboamo i Abram nosabat, lantas notataemo hi ia, “Sinda na langit, ka' soba bilang na to manda-mandala'; beleyum ko lee'je konjoo'nyo sumo mandala' haha aita'.”

KAJADIAN 22:17

Ku balakatimo na beleyum molabi-labi ka' mompotimbalimo lee' nu beleyum susumo mandala' i langit na konjoo'nyo ka' susumo bone' i biwi nu ambai na konjoo'nyo. Makumpu nu beleyum mohungku'ije iwi-iwi' na sampobali' nu aha.

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

KAJADIAN 32:12

Inau'akon mae kalana Belento Tumpu nojanji'mo mompoko ima'imo iwi-iwi' bau ka'ima'anku ka' mombee'imo lee' manjoo' hi belengku. Madi' ko samian pe'e na moko ala mombilang kalana konjoo'nyo sumo bone' i biwi nu ambai.”

2 SAMUEL 17:11

Kalana aijo' pokinde'ku sumo uuka: Posihuk mae iwi-iwi' na aha mian nu Israel lengkat mae i lipu' songko-songko sahingga konjoo'nyo sumo bone' ibiwi nu ambai. Lantas posi belento ahi' Mian Daka' na mongkapalai aha mamba mahampate.

1 TOMU-TOMUNDO' 4:20

Mian da'isan nu aha Yehuda ka' Israel konjoo'nyo sumomo bone' i biwi nu ambai. Sukup na anu nu kaan nu aha ka' anu nu inum ka' sanaang na kantumuu'an nu aha.

1 TAWARIKH 27:23

I tomundo' Daud madi' nombilang to mia-mian anu ma'isa nontokai 20 na tau mokiita' na umun nu aha, kalana jinanji'mo nu Tumpu da oponjoo'mo na bansa Israel susumo mandala' i langit.

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

NOSABATMO 32:13

Inau'akon mae na to posa-posaihon nu belento i Abraham, Ishak ka' i Yakub. O inau' nu belento binalajanji'mo ka' binasumpa'mo mombee'i aha lee' konjoo'nyo sumo mandala' i langit ka' mule' iwi-iwi' na tano' anu jinanji'mo nu belento aijo' timbalimo anu nu lee' nu aha na tumpunyo sampetoka sidu-sidutu'.”

YESAYA 10:22

Maumo aha bansa Israel tempo uuka aiya konjoo'nyo sumomo bone' i ambai, panyo me to pia-piangkuka na minsusule'. Hukuman nu Tumpu malia'mo mae toka, ka' memang pantasmo ka' adinmo ahi' de bansa aijo' osilakaimo.

YESAYA 48:19

Lee' nu beleyum timbalimo manjoo' susumo bone'; Aku na mompalakai aha sahingga madi' osilakai.”

YEREMIA 33:22

Ku pakatuangimo na lee' i Daud posaihon-Ku tiba aha to ima-imam tulunan nu bansa Lewi, sahingga kojoo'nyo saidi' mae sumomo ahi' bone' isonibi nu ambai ka' sumomo mandala' anu aita' ilangit anu madi'mo opoko ala olekeng.”

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

HABAKUK 1:9

Suludadu nu aha montumbuhimo da mombaumo palabuatan anu ma'idek. Iwi-iwi' na mian nu lakatmo na montoa aha aijo' tinokamo mae. Anu ihakopmo nu aha madi'mo opokolekeng na ko daisannyo.

ROMA 9:27

I Nabi Yesaya notatae sahondo-hondonyo mongkona bansa Israel, “Mau mule' konjoo' nu bansa Israel sumo bone' i ambai, panyo ola sangkiding na anu salamat;

PO'ULE' INGULIT 1:10

Tumpu Allah miu nombaumo komiu nintuang susumo mandala ilangit na konjo'nyo.

PO'ULE' INGULIT 28:62

Mau mule' konjoo'nyo nu belemiu sumomo mandala' aita' i langit, me sangkiding na anu atina' hi belemiu na daagi' tumuu', kalana belemiu madi' tulu-tulutan hi Tumpu Allah nu belemiu.

YOSUA 11:4

Sahingga tinokamo na tomundo haha aijo' tiba suludadunyo aha iwi-iwi' talalo hondo manjoo' sumomo bone' i sonibi nu ambai. Ajahan ka' kareta bau pahampate nu aha suele manjoo' hondo.

ANU PINOTO'I HI YOHANES 20:8

ka' ia mambamo mongakali to bansa-bansa anu nololomo i songko-songko na dunia, atina'mo i Gog ka' i Magog. Ibilis momposihukmo aha da mahampatemo, manjoo' hondo, sumo konjoo'nyo nu bone' i ambai.

TO MIA-MIAN KOPIAN 7:12

Mian nu Midian, Amalek tiba mian haha aijo' sangga'at anu nolengkat mae i padang bone' nonsongkohimo bangka'nyo aijo' iyaya mae. Sumomo kihi-kihi' anu nodumpukmo na otoa. To unta-unta nu aha manjoo' hondo sumomo bone' i sonibi nu ambai.

1 SAMUEL 12:5

Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.