IBRANI 11:10 - KITAB NU TUMPU ALLA LELE MA'IMAI'

¹⁰ Kalana i Abraham montanda'imo kota anu pinopikinakonmo ka' nupotinjomo nu Tumpu ka' opotinjo i mesen anu mahoson hondo.

IBRANI 11:10 ပူးပေါင်းရင်းမြစ်များ

YESAYA 14:32

Apaa na bau pontaaminto hi aha to mia-mian anu toka mae lengkat hi aha bansa Filistin? Opoto'into tukoonto hi aha Tumpu nombaumo Sion ka' mian anu palesayamo hi Ia anu nongoa'imo kasansalan ojagaimo ikiijo mae.

YOHANES 14:2

I laigan nu Tuumang-Ku daagi' manjoo' na tampat kajojoongan. Aku mamba mokiita' montoukai tampat miu. Aku madi' motatae sumo aijo' hi komiu, de aijo' madi' sumo aitu.

2 KORINTUS 5:1

Kalana osumbu' mami de laigan – aijo'mo butong – anu ojojoonginto i dunia aiya o tataki, Tumpu montoukaije kita sa'angu' na laigan i suluga', anu binaumo nu Tumpu ka' anu montahan pin sampe toka sidu-sidutu'.

FILIPI 3:20

Panyo kita aijo' mian nu Kalaja'an Suluga'. Lengkat mae kiita' suele na pinolengkatan nu Tomundo Anu Momposalamat kita, Tumpunto i Yesus Kristus anu saidi' mae toka. Iamo na anu saja' o'indinto otanda'i.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 12:22

Panyo mule', komiu tinokamo i Bungkutnyo nu Sion, ka' kota' nu Tumpu anu tumuu', aijo'mo Yerusalem anu i suluga', anu ko malaikatnyo momada-madala na konjoo'nyo.

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

IBRANI 13:14

Kalana aiya i dunia madi' ko tampat kajojoonganto anu sampe toka sidu-sidutu', kita molio tampat kajojoongan anu tokaje saidi' mae.

IBRANI 3:4

Memang iwi-iwi' na laigan daagi' ko anu nompotinjo, panyo anu mompotinjo iwi-iwi na apaa atina'mo samata-mata Tumpu.

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.