IBRANI 10:37 - KITAB NU TUMPU ALLA LELE MA'IMAI'

³⁷ Kalana i uno nu Kitab nu Tumpu tinulismo, “Madi'mo pin; Ia anu tokaje mae aijo', malia-lia'mo toka; Ia madi'mo montanda'i pipin pa'hipianje na Ia toka.

IBRANI 10:37 ပူးပေါင်းရင်းမြစ်များ

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 60:22

ka' mule' auan anu madi' da'isan na miannyo ka' madi' talaholomat timbalimo bansa anu manjoo' na miannyo ka' mule' mahoson. Aku Tumpu sampamo, mompojadi aijo' ka' madi' sala' na tempo'nyo.”

MATIUS 11:3

“Kitamo Tuuma na mian anu tokamo mae, susumo koonyo nu janji' nu Tumpu, kabai tionyo kami montanda'i mian sangga'at?”

LUKAS 18:8

Palesayamo: Ia malia-lia' montinjohi palakala nu aha! Panyo de Anak nu Mian tokamo, pa' daagi' okabot na mian palesaya hi Ia, i dunia aiya?”

FILIPI 4:5

Opai-pai lio da iwi-iwi' na mian montoa kalakuan ka' kinyonyoa miu manonong. Kalana madi'mo daagi' pin na Tumpu tokamo.

IBRANI 10:25

Kita tionyo ahi' saja' sihuk hingga-hinggat, ka' boli moluluk susumo mian sangga'at. Ka' kita tionyo ahi' saja' mompaha poho-pohoson kinyonyoa, kalana osumbu'to madi'mo daagi' pin na Tumpu tokamo.

2 PETRUS 3:8

Panyo to utu-utusku, sa'angu' na han aiya boli okolilimi nu belemiu: kalana hi Tumpu sansinaa madi' mosi sangalasan tiba samadala na taun – ohu-ohua' aijo' pokakana de hi Ia.

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.

ANU PINOTO'I HI YOHANES 22:20

Ia anu nompotokamo mae lele aiya iwi-iwi' notatae, “Totu'u, Aku malia'mo toka!” Amin! Tokamo mae o Tumpu Yesus!