IBRANI 10:36 - KITAB NU TUMPU ALLA LELE MA'IMAI'

³⁶ Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 10:36 ပူးပေါင်းရင်းမြစ်များ

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

MAZMUR 40:1

Anu mongkapalai panyanyi. Mazmur i Daud.

MATIUS 10:22

Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 24:13

Panyo mian anu balatahan toka i mihinyo, timbali o posalamat.

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

MARKUS 3:35

Mian na utus mombau pongka'oho' nu Tumpu, iamo na utus mo'ane, utus boune ka' tinang-Ku.”

LUKAS 21:19

De komiu moko tahan ka' sabaan, komiu saidi' mae salamat.”

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 13:22

Salatan Tumpu nompobelentimo ia i pangkatnyo, Tumpu Allah nongangkat mule' i Daud da timbali tomundo nu aha. Ka' aiyamo na anu tinaloakon nu Tumpu mongkona i Daud, ‘Aku nohumpakmo i Daud anak i Isai aijo' samian anu momposanang kinyonyoang-Ku. Iamo na mian anu mombau pongka'oho'-Ku.’

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

ROMA 12:12

Tionyo kita Utus saja' montaha'imani Tumpu ka' saja' lame', sabaanakon na kasusa'an, ka' saja' balado'a.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 8:25

Panyo de kita montaha'imani apa-apaa anu ma'isa tinoanto, yo kita sabaan na montanda'i.

1 KORINTUS 13:7

Ia moko ala montahan mongahopi iwi-iwi na apa-apaa, ka' mongka'oho' palesaya hi anu talalo ma'ima' hi batu-batu mian; i uno nu han mau mule' pa' mosiamo, mian anu ko kalibosan aijo' madi' toho' mongkolilimi apaa na anu nutaha'imani, ka' sabaan montanda'i iwi-iwi na apa-apaa.

GALATIA 6:9

Kalana aijo', boli kita ma'osa na mombau hahan anu ma'ima', kalana de kita madi' belenti, na mombau hahan aijo', kita mohumpakje hasinnyo.

EFESUS 6:6

Boli mombau sumo aijo', ola de tempo'nyo komiu ojagai, ola da mohumpak pompuji' nu mian. Panyo tionyo ahi' obau miu na aijo' susumo posaihon i Kristus anu nontulutimo nu kinyonyoa totu-totu'u mosia na pongka'oho' nu Tumpu.

KOLOSE 1:11

O'amalakon da kuasa anu lengkat mae hi Tumpu anu talasanggo, komiu opohoson, sahingga komiu moko ala sabaan na mongoa'i sansala i han iwi-iwi', ka' sabaan ka' sanang na kinyonyoa

KOLOSE 3:24

Soba tutugi kalana komiu montalimaje tambonyo lengkat mae hi Tumpu. Apaa na anu pinotoukamo nu Tumpu bau bagi nu mian anu palesaya hi Ia, aijo'mo na anu obee' hi komiu. Kalana tuan anu sahondo-hondonyo hau-haunyo otuluti miu, aijo'mo i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

IBRANI 11:39

Palias na kodaka'nyo na ka'untungan anu i humpakmo nu iwi-iwi' mian haha aijo', kalana iman nu aha! Panyo aha madi' mohumpak apaa na anu jinanji'mo nu Tumpu,

IBRANI 12:1

Yo de hi kita, manjoo' hondo aiya hi kita na sakisi! Kalana aijo', imbo' da o'alintomo iwi-iwi' na anu mompiboati ka' dosa' anu saja' maningkampit hi kita. Ka' imbo' na kita da sabaan na mombatuki baku lebee anu aiyamo i ahopto.

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

IBRANI 6:12

Kami madi' mongka'oho' komiu timbali moluluk. Panyo okahanda'i mami da komiu tumuu' sumo to mia-mian anu mohumpak apaa na anu jinanji'mo nu Tumpu, kalana palesaya hi Ia ka' kalana sabaan na montanda'i Ia.

IBRANI 6:15

I Abraham sinabaan na nontanda'i sahingga ia nohumpak apaa na anu jinanji'mo nu Tumpu hi ia.

IBRANI 6:17

Tumpu ko kahanda' lebe momponasa hi to mia-mian anu nontalimamo janji'-Nyo, tukoonyo Ia madi'mo mombali'i anu ingatun-Nyomo. Aijo' na sababnyo pinaka tuangan-Nyomo na sumpa'nyo anu jinanji'-Nyomo aijo'.

IBRANI 9:15

Aijo' na sababnyo i Kristus tinimbalimo Jalan i sa'angu' na palajanjian anu bu'ou, da mian anu i lagamo nu Tumpu montalimamo to bala-balakat anu madi' mingkot anu jinanji'mo nu Tumpu. Iwi-iwi' aijo' tinimbalimo kalana daagi'mo ko anu sinilaka, aijo'mo i Kristus; ka' Ia sinilaka aijo' nompobebasmo mian i kasala'an-kasala'an anu binaumo nu aha tempo'nyo palajanjian anu momona daagi' pinake.

1 PETRUS 1:9

Kalana patuju nu iman nu beleyum anu totu-totu'u i humpakmo, atina'mo kasalamatan nu santuu' nu beleyum.

1 YOHANES 2:17

Dunia ka' iwi-iwi na apaa anu i unonyo anu nuka'ima'i nu mian, hau-haunyomo lanyap. Panyo mian anu tulu-tulutan i pongka'oho' nu Tumpu tataap tumuu' sampe toka sidu-sidutu'.

ANU PINOTO'I HI YOHANES 13:10

“Mian anu tionyo o hakop, memang tionyo o hakopmo. Ka' mian anu tionyo o patei nu bajak, memang o pateimo nu bajak. Mokonyo aijo' mian anu palesayamo hi Tumpu tionyo sabaan ka' tulu-tulutan.”

ANU PINOTO'I HI YOHANES 14:12

I uno nu han aiya mian anu pinalesayamo hi Tumpu anu tulu-tulutanmo i to pale-palentah nu Tumpu, ka' anu tulu-tulutanmo hi Yesus, palalu ahi' sabaan.