IBRANI 10:33 - KITAB NU TUMPU ALLA LELE MA'IMAI'

³³ Toto minsan komiu pinopo'ambang, ka' lewa' kinabisa'an madi' ma'ima' i ahop nu mian da'isan. Toto minsan komiu suele nongoa'imo sansala tiba aha anu lewa' kinabisa'an susumo aijo',

IBRANI 10:33 ပူးပေါင်းရင်းမြစ်များ

MAZMUR 69:9

Aku sumomo mian anu isalipu'anmo, misa'mo sumo utus nu to utu-utusku, sumomo mian anu isambiha'nyomo, misa'mo sumo to utu-utusku anu tu'a, tiba utusku anu ise'nyo.

MAZMUR 71:7

Kantumuu'anku baumo sonto hi mian da'isan, kalana Belentomo na anu mahoson monjagai mae aku.

MAZMUR 74:22

Pobungkutmo mae o, Tumpu, tinjohi mae na palakala nu Belento! Kalana sansina-sinaa saja' o'alu na Belento nu to mia-mian anu madi' palesayamo hi Belento.

MAZMUR 79:12

O, Tumpu, balosakonmo na to bansa-bansa haha aijo' pimpitun lipat, kalana iwi-iwi' na alu anu mompopo'ise' Belento binaumo nu aha.

MAZMUR 89:51

Inau'akon mae o, Tumpu, mosiamo ahi' na posaihon nu Belento aiya lewa'mo o'alu, aku saja'mo pinopo'ambang nu to bansa-bansa.

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

NAHUM 3:6

Ku baumo na beleyum susumo balang anu mohumimi'i, Ku pahambunu'akonmo na beleyum nu anu sala', Ku pojadimo na beleyum da bau balang anu lewa' otoa nu mian.

ZAKHARIA 3:8

Hongo mae Imam Daka' Yosua, ka' suele belemiu to ima-imam anu salaku to sanga-sangalunyo, belemiu iwi-iwi' aijo'mo na bau ibalat nu kantumuu'an ma'ima'mo aiya mae i ahop. De tokamo i tempo'nyo aijo' Ku palentahje na posaihon-Ku anu osa-osanggohi, ‘Sang Tunas’.

1 KORINTUS 4:9

Kalana de mombatuki pikilanku, kami to rasul-rasul pinotimbalimo nu Tumpu sumo anu lewa' otoa i ahop nu mian tiba to mala-malaikat. Kami sumo to mia-mian anu madi' opajuli, anu pinokakanamo hukuman mate i ahop nu mian da'isan ka' sola' ohagai nu dunia.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

FILIPI 1:7

Memang nukonamo de aku ko kinyonyoa sumo aijo' hi komiu, kalana komiu Utus iwi-iwi' saja' i uno nu kinyonyoangku. Ka' mule' komiu singkona montalima hingga-hinggat ka' aku balakat anu binee'mo nu Tumpu hi belengku; mau uuka aiya aku hau-haunyo i uno nu talungku', mau pe'e aku i sambiha'nyomo mompototu'u ka' montinjohakon Lele Ma'ima' aijo'.

FILIPI 4:14

Panyo komiu nontulungimo aku i uno nu kasusa'anku; ka' apaa na anu binaumo miu aijo' memang ma'ima'.

1 TESALONIKA 2:14

To utu-utus, han anu ingoa'anmo miu ingoa'anmo suele nu jama'at nu Tumpu i Yudea anu tinimbalimo i Kristus Yesus na tumpu-Nyo. Komiu nongoa'i kasansala'an lengkat i posi bansa miu, sumomo anu ingoa'an nu to jama-jama'at nu Tumpu i Yudea, aijo' lengkat mae hi to mia-mian nu Yahudi.

2 TIMOTIUS 1:8

Mokonyo aijo' boli ma'ambang na mombee'i katalangan mongkona Tumpunto, ka' boli mongka'ambangakon aku, anu tinalungku' kalana Ia. Panyo ahi' tionyo beleyum tiba kahosona anu lengkat mae hi Tumpu suele mongoa'i sansala kalana Lele Ma'ima' aijo'.

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

IBRANI 11:36

Daagi' ko anu i le-letakon, pinohos, pinungu nu lante ka' pinosoop i uno nu talungku'.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

IBRANI 13:13

Kalana aijo' imbo' da kita mamba hi Ia i sambiha'nyo nu kemah da suele opopo'ambang susumo Ia.