IBRANI 10:22 - KITAB NU TUMPU ALLA LELE MA'IMAI'

²² Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 10:22 ပူးပေါင်းရင်းမြစ်များ

1 TOMU-TOMUNDO' 15:3

I Abiam nombaumo dosa' susumo tuumanyo. Ia madi' totu-totu'u na kinyonyoa montuluti Tumpu Allah-nyo, madi' pokakana tiba i Daud mompolee'nyo mae.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

1 TAWARIKH 29:17

Ku sumbu' toto samian o uji' nu Belento na kinyonyoanyo ka' oka'ima'i nu Belento na kinyonyoa nu mian anu lomas. Tiba kinyonyoa sanang ka' sahondo-hondonyo ku sombahkonmo na iwi-iwi' aiya hi belento. Tinoangkumo mosia na mian anu pinalesayamo hi belento anu sinilimu'mo i aiya nomboa mae anu nu sombahkon nu aha hi belento, kinyonyoa nu aha sanang hondo.

MAZMUR 111:1

O puji' na Tumpu! Totu-totu'u na kinyonyoangku montalima kaseh hi Tumpu hau-haunyo kiijo' hi aha mian anu palesayamo hi Ia anu binalagombumo.

MAZMUR 119:10

Totu-totu'u hondo na kinyonyoangku bala usaha monsumbu' Belento, boli opojohok mae na aku dumo mosele madi'mo montuluti palentah nu Belento.

MAZMUR 119:145

Totu-totu'u hondo na kinyonyoangku mongkakase hi Belento; taami mae na aku o, Tumpu, aku montulutimo palentah nu Belento.

MAZMUR 119:2

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:58

Totu-totu'u na aku mongkakase, kalibosan mae nu Belento, kalibosi mae na aku susumo anu jinanji'mo nu Belento.

MAZMUR 119:69

Mian anu kobubuun lewa'mo mompobau-bau aku, panyo aku totu-totu'u hondo montuluti kaputusan nu Belento.

MAZMUR 119:7

De ku pakalioi na ka'adilan nu kaputusan nu Belento anu adin aijo', hodi' hondo na kinyonyoangku mompuji' Belento.

MAZMUR 119:80

O' amalakon da kinyonyoangku madi' mosele mompala'i atulan nu Belento, da aku madi' ma'ambang.

MAZMUR 32:11

O to mia-mian anu bala iman, bila-bilahimo ka' balame-lame'mo, kalana nongoa'imo apaa na anu binaumo nu Tumpu. Pontaligalaimo ka' bilahimo, o iwi-iwi' na mian anu madi' tageo' na kinyonyoanyo!

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 73:28

Panyo de belengku na totu-totu'u ahi' ma'ima' hondo na jojoong koko hi Tumpu. Tumpu na ku bau tampat pihohunganku da aku moko ala mombebakon iwi-iwi' apaa na anu binau-Nyomo.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

MAZMUR 9:1

Anu mongkapalai panyanyi. Lagunyo ingala i lagu nu Mut-Laben. Mazmur i Daud.

MAZMUR 94:15

Sahingga atulan po'ule'mo ahi' otoongi totu-totu'u de momputusimo, iwi-iwi' na mian anu hodi' na kinyonyoanyo monsangaja'imo.

NOSABATMO 29:4

Pokau na i Harun tiba to ana-anaknyo toka mae i sabatan nu Kemah-Ku ka' mompolesi butong.

AMSAL 23:26

Palahatikan ima-ima', ka' bau sonto'na kantumuu'anku, o'anaku!

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YESAYA 52:15

Panyo uuka aiya manjoo' na bansa nongkabangangimo, to tomu-tomundo' madi'mo noko ala notatae kalana binangangmo. Aha saidi' mae montoaje ka' mangalati'mo apaa na anu momonanyo mae ma'isa ahi' sinumbu' nu aha.”

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 3:10

Salatan nombaumo iwi-iwi' aijo' Yehuda anu madi'mo tinulu-tulutan aijo' ninsusule'mo mae hi beleng-Ku, panyo ola ahi' nimpula-pula kalana kinyonyoanyo madi' ahi' sahondo-hondonyo. Aku, Tumpu notataemo.”

YEREMIA 30:21

Tomundo' anu mompalentah belemiu ohangkat anu atina posi bansa nu belemiu Bebas na ia mompaha sumbu' mae tiba Aku de maluanyo ia Ku lagamo, mangadap mae hi beleng-Ku Kalana ihe na baani moko ala mangadap mae hi beleng-Ku de ola posi pongka'oho'nyo? Belemiu timbalimo mian anu palesayamo hi beleng-Ku ka' Aku timbalimo Tumpu Allah nu belemiu. Aku, Tumpu na anu nontaeakonmo aijo'.”

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

IMAMAT 14:7

Imam mompipi'akon baso' nu tomonsi' aijo' pimpitun hi mian anu na'alinmo, ka' mompoto'i ia aijo' binelesi'mo. Lantas tomonsi' anu daagi' tumuu' tionyo ahi' opolapas i padang.

IMAMAT 16:4

Ka' mule' i Harun tionyo ahi' saja' mongintomakon atulan haha aiya. Ma'isa pe'e minsoop i Salipi' anu Susi' hondo ia tionyo ahi' mindii' pe'e lantas mompusok baju' nu imam, aijo'mo baju', saluan kodo', pombutu' ka' suluban, iwi-iwi' lenan na binau.

IMAMAT 8:6

Lantas ia nompokaumo i Harun tiba to ana-anaknyo da mambamo mokiita' i ahop ka' mompobelesi'mo butong.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

NOMBILANGMO 8:7

sumo uuka na mombau: Paha pipi' na aha nu uee anu bau pomposusi' ka' pokau na aha mongkis songko-songko na butong ka' mombaso'i butong nu aha. Tiba jalan sumo aijo' aha belesi'mo.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

LUKAS 1:1

Teofilus anu manonong, Manjoo' na mian anu binala usahamo montulis mato-matopos mongkona hahan anu jinadimo i totonga'to.

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 8:9

Salatan nohongo i Yesus nontaloakon sumo aijo', i nambamo na aha nompala'i tampat aijo' toto samian lengkat pe'e i anu lebe motu'amo. Ahennyo i Yesus me sausa'nyo i kiijo' tiba boune anu daagi' tinjo-tinjo i katinjoannyo.

SISIKON NU TO RASUL-RASUL 22:16

Uuka bolimo daagi' montanda'i talalo pin. Pobulamo ka' bee'mo na butongum da opalamandikan. Poita hi Tumpu da beleyum nu ampuni na to dosa-dosa'um.’ ”

SISIKON NU TO RASUL-RASUL 8:21

Beleyum madi' ko hak mombatuki pakalaja'an mami, kalana kinyonyoaum madi' totu'u hi Tumpu.

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

EFESUS 5:26

I Kristus nombau sumo aijo' da Ia timbali mompobelesi' jama'at aijo', nu pangajalan-Nyo, ka' aijo' tinanda'anmo nu uee palamandian, da lapas aijo' timbalimo Nu potalima hi Tumpu.

EFESUS 6:5

To Utu-utus anu tinimbalimo posaihon! O hongo-hongo na palentah nu tuan miu anu i dunia aiya. Obau na aijo' nu kinyonyoa mongadati ka' mongadati totu-totu'u susumo anu obau miu hi Kristus.

1 TIMOTIUS 4:2

anu pinotoka nu to mia-mian anu mongakali ka' baleko'. Kinyonyoanyo nu to mia-mian haha aijo' pinikatmo.

TITUS 3:5

Ia momposalamat kita, misa' kalana kita nombaumo anu ma'ima', panyo kalana Ia ahi' na nongkalibosimo kita. Ia momposalamat kita kalana pakalaja'an nu Roh nu Tumpu, anu nombee'imo kita kantumuu'an bu'ou susumo anu po'ule'mo i hampeakon, ka' kantumuu'an anu bu'ou, aijo'mo kita pinobelesimo.

IBRANI 10:1

Atulan nu agama Yahudi ola mombee'i gambalan anu opiha-pihau' mongkona han anu ma'ima' anu tokaje mae, misa' gambalan anu sahondo-hondonyo mongkona han aijo'. Atulan aijo' madi' moko ala mompokopiani mian anu toka monsombah Tumpu ka' momboa mae anu osombahkon, mau mule' sataun-toka sataun saja' monsombahkon kolobaan anu susumo aijo'.

IBRANI 10:19

Yo, to utu-utus, kalana i Yesus sinilakamo sumo aijo', kita uuka aiya baanimo na minsoop i Salipi' anu Susi' hondo.

IBRANI 11:28

Kalana bala'iman, sahingga i Musa nombaumo Paskah ka' nompalentahkonmo da baso'nyo opipi'akon i tumban nu laigan nu aha mian nu Israel da Malaekat anu Monsilakai boli mompatei to ana-anak tumpe nu aha.

IBRANI 12:24

Komiu tokamo mangadap hi Yesus anu Nonjambatanimo da montalimamo palajanjian anu sala'je aijo'; komiu mangadapmo i baso' anu pinipi'akonmo, anu mompokopianimo hahan da lebe ma'ima' molingkuduimo anu pinokopiananmo nu baso' i Habel aijo'.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

IBRANI 6:11

Okahanda'i mami da komiu toto samian saja' bala usaha toka-toka imihinyo, sahingga komiu mohumpak apaa na anu o ima-imani miu aijo'.

IBRANI 7:19

Atulan nu agama Yahudi madi' moko ala mombau apa-apaa da timbali ma'ima'. Aijo' na sababnyo kita uuka aiya binee'anmo anu timbali otaha'imani anu lebe ma'ima'; tiba jalan aijo' kita moko alamo ohani hi Tumpu.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

IBRANI 9:19

Momonanyo i Musa nompoto'i iwi-iwi' na palentah atulan nu Tumpu hi bansa Israel. Lapas aijo' i Musa nongalamo baso' nu anak nu sapi' ka' baso' nu mee' mo'anenyo, lantas ginalo'annyomo nu uee, lapas aijo' pinipi'akonnyomo i Kitab nu Atulan anu lengkat mae hi Tumpu ka' hi iwi-iwi' na bansa Israel mompake hemput hisop ka' bulu nu domba buhitnyo momea' hondo na bau pompipi'akon.

YAKOBUS 1:6

Panyo mian anu momoita, tionyo ahi' palesaya; ia madi' timbali bata-bata. Kalana mian anu bata-bata atina' sumo bokon i ambai anu nupuuhi nu mombun mokiijo' ka' mo'uuka mae.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.