IBRANI 10:19 - KITAB NU TUMPU ALLA LELE MA'IMAI'

¹⁹ Yo, to utu-utus, kalana i Yesus sinilakamo sumo aijo', kita uuka aiya baanimo na minsoop i Salipi' anu Susi' hondo.

IBRANI 10:19 ပူးပေါင်းရင်းမြစ်များ

ROMA 5:2

Kalana kita palesaya hi Yesus, sahingga Ia nompotimbali kita moko ala mongoa'i liibos nu Tumpu, ka' kalana liibos aijo' kita tumuu' uuka aiya. Kalana aijo' kita lame' na kinyonyoa, kalana kita ko anu otaha'imani aijo'mo kita mongoa'ije tumuu' ma'ima' anu binee' nu Tumpu!

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

EFESUS 2:18

Kalana montului Kristus salaku jalan kita iwi-iwi' – mau mian nu Yahudi, maumo misa' mian nu Yahudi – kalana Roh nu Tumpu anu sa'a-sa'angu'nyomo aijo' timbalimo moko ohani Te Aha Tuuma.

EFESUS 3:12

Kalana palesaya hi Kristus, ka' kalana nosa'angu'mo tiba Ia, kita pinoloasmo mongohani Tumpu kalana pinalesayamo totu-totu'u.

2 TIMOTIUS 1:7

Kalana Roh anu binee' nu Tumpu hi kita, misa' Roh anu mombau kita mabuhuk. Panyo ahi' da Roh nu Tumpu aijo' mombau kita timbali mahoson, ka' saja' mongkalibosi ka' moko ala ahi' mongkuasai butongto.

IBRANI 10:18

Jadi to dosa-dosa' ka' anu binaumo nu aha na kalakuan anu toto ide-idek ingampunanmo, sahingga madi'mo palalu osombahkon na koloban bau pongampuni dosa'.

IBRANI 10:35

Mokonyo aijo' opohoson na kinyonyoa, kalana de komiu tataap palesaya, saba' tambonyo nu han aijo' daka' hondo!

IBRANI 12:28

Kalana aijo', kita tionyo ahi' montalima kase hi Tumpu, kalana kita montalimamo hi Ia sa'angu' na kalaja'an anu madi' tonggegut. Kita tionyo ahi' montalima kase ka' monsombah Tumpu, o angga'i ka' okabuhuk susumo anu pinoto'i-Nyomo ka' anu nu ka'ima'i.

IBRANI 3:1

To utu-utus bubuu' mian Kristen anu i lagamo suele nu Tumpu Allah! Soba popikilakon hondo-hondo na i Yesus aiya! Tumpu nonsaimo mae Ia samata-mata da timbali Imam Daka' i agama anu otoonginto.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.

IBRANI 9:3

I sasu unonyo, anu i hiku nu lalanse' anu ko ohua'nyo, daagi' ko salipi'nyo anu osanggohi Salipi' anu Susi' hondo.

1 YOHANES 4:17

Kalibosan aijo' pinotimbalimo ma'ima' hondo i uno nu butongto, da kita ko kabaanian toka i Sinaa anu Pomputusianmo. Kita ko kabaanianmo, kalana kantumuu'anto i dunia aiya pokakanamo sumo kantumuu'an i Kristus.