IBRANI 10:11 - KITAB NU TUMPU ALLA LELE MA'IMAI'

¹¹ Batu-batu imam nu aha Yahudi mombau kalajanyo salaku imam sansina-sinaa, ka' saja' opo'uli-ulit na ia monsombahkon anu susumo aijo'. Panyo koloban haha aijo' madi' hondo moko alini dosa'.

IBRANI 10:11 ပူးပေါင်းရင်းမြစ်များ

NOSABATMO 29:36

Sansina-sinaa tionyo ahi' monsombahkon sa'angu' na sapi' lakinyo bau pongampuni dosa'. Kalana koloban aijo' sahingga mezbah aijo' pinosusi'mo. Lantas mezbah aijo' tionyo ahi' osapui nu beleyum nu lanya' zaitun da samata-mata ola opake bau kapalaluan-Ku.

YESAYA 1:11

Tumpu notatae, “O sangka nu belemiu Aku mongka'ima'i koloban anu saja' osombahkon nu belemiu hi beleng-Ku? Aku na'osamo nu koloban nu to domba-domba anu otunui nu belemiu, ka' lompo' nu anak nu sapi' nu belemiu. Baso' nu sapi' lakinyo domba ka' mee' madi' Ku ka'ima'i.

YEHEZKIEL 45:4

Tano' aijo' susi', ka' pinosadiamo bau bahagian nu to ima-imam anu obee'imo pakalaja'an mongatur palasombahan i Laigan nu Tumpu. Sambahagian na tano' aijo' pombauanmo laigan nu aha ka' sambahagian mule' pombauanmo Laigan nu Tumpu.

DANIEL 11:31

Lantas ia mompalentahmo tompukan-tompukan nu suludadu anu mohumimi'i Laigan nu Tumpu. Aha madi'mo mompobee' koloban anu sansina-sinaa osombahkon ka' mule' mongatunmo anu okaideki osa-osanggohi palabuatan anu Ma'idek ka' bisa monsaduakon kahansunan.

DANIEL 12:11

Lengkat pe'e tempo'nyo koloban anu osombahkon sansinaa-sinaa aijo' tinewa'mo ka' mule' hahan anu okabuhuk ka' mule' anu osanggohi palabuatan Ma'idek monsaduakon kahansunan aijo' lewa-lewa'mo binau, madi'mo timbali obau 1.290 na sinaa.

DANIEL 8:11

Ka' mule' ia nongewamo kapala nu suludadu nu suluga' ka' mule' nontewa'mo koloban palasombahan anu obau sansina-sinaa osombahkon hi kapala nu suludadu aijo' ka' mule' nohobo'akonmo laigan poponsomban ia.

DANIEL 9:21

Hau-haunyo aku balado'a, i Gabriel anu tinoangku pipinotoa u'utu mae, i lumahapmo mae no uuka hi belengku. Tempo'nyo aitu malomo, mian monsombahkonmo koloban.

DANIEL 9:27

Tomundo' aijo' mombaumo palajanjian anu mahoson hondo hi aha mian da'isan, kopinnyo popitu' na taun. Toka ipohintonga'an nu taun aijo' nu tewa'mo na mian anu momboa mae koloban tiba palasombahan. Lapas aijo' hahan anu okabuhuk, anu osanggohi; Palabuatan anu ma'idek lewa-lewa' mohansuni opojoongmo i Laigan nu Tumpu ka' mule' ia tataapmo ikiijo' sampe ia anu nompojoong ikiijo' nu tokaimo mae nu kapatean anu titinantukanmo nu Tumpu hi ia.”

MIKHA 6:6

Apaa na anu tionyo ahi' osombahkonto hi Tumpu, Tumpu kiita i suluga' de kita tokamo mae monsombah Ia? Pa' tionyo ahi' kita momboa sapi' bata'nyo anu ma'ima' hondo na osombahkon salaku koloban anu opotunu na obee' hi Ia?

NOMBILANGMO 28:24

Tiba jalan anu sumo aijo' belemiu suele tionyo ahi' monsombahkon hi Tumpu koloban anu opotunu kopinnyo pitun sinaa. Koloban haha aijo' salaku bau pontuangi koloban anu opotunu sansina-sinaa tiba koloban anggur. Hongohisnyo nu koloban aijo' momposanangmo kinyonyoa nu Tumpu.

NOMBILANGMO 28:3

Aiya na koloban anu tionyo ahi' osombahkon hi Tumpu: Anu okolobanakon sansina-sinaa ohua' na anak nu domba lakinyo anu umunnyo sataunmo anu madi' ko panyakitnyo,

NOMBILANGMO 29:6

Koloban haha aijo' salaku bau pontuangi koloban anu opotunu anu osombahkon hingga-hinggat tiba koloban kaanon i tanggan sa'angu', sambitu'on toka sambitu'on, ka' mule' salaku bau pontuangi koloban anu opotunu sansina-sinaa anu osombahkon hingga-hinggat tiba koloban kaanon ka' koloban anggur. Hongohisnyo nu koloban anu opotunu aijo' momposanangmo kinyonyoa nu Tumpu.

IBRANI 10:1

Atulan nu agama Yahudi ola mombee'i gambalan anu opiha-pihau' mongkona han anu ma'ima' anu tokaje mae, misa' gambalan anu sahondo-hondonyo mongkona han aijo'. Atulan aijo' madi' moko ala mompokopiani mian anu toka monsombah Tumpu ka' momboa mae anu osombahkon, mau mule' sataun-toka sataun saja' monsombahkon kolobaan anu susumo aijo'.

IBRANI 10:4

kalana memang baso' nu sapi' ka' baso' nu mee' lakinyo madi' moko ala mongalini dosa'.

IBRANI 5:1

Batu-batu Imam Daka' opile'i hi aha mian anu palesayamo hi Tumpu, ka' o hangkat da mompojalan palentah nu Tumpu salaku wakin nu aha. Kalajanyo aijo'mo monsombahkon hi Tumpu, apa-apaa na obee' ka' okolobanakon bau pongampuni dosa'.

IBRANI 7:27

Ia madi' sumo to ima-imam daka' sangga'at, anu toka sansina-sinaa tionyo monsombahkon koloban kalana posi dosa'nyo iwi-iwi', lapas aijo' atina'je ka' kalana to dosa-dosa' nu mian anu palesayamo. I Yesus nonsombahkon koloban ola ninsan panyo tinanggungnyomo sampe toka sidu-sidutu', tempo'nyo Ia nonsombahkonmo posi butong-Nyo salaku bau koloban.

IBRANI 8:2

Ia mompojalan pangkatnyo salaku Imam Daka' i Salipi' anu Susi', aijo'mo i uno nu Kemah nu Tumpu anu Susi', anu pinotinjo nu Tumpu, misa' pinotinjo nu mian.

IBRANI 8:4

Bisuannyo Ia jojoong i dunia aiya, Ia madi' timbali jadi imam kalana daagi'mo ko imam anu monsombahkon koloban anu otuntut i uno nu atulan nu agama Yahudi.