IBRANI 1:7 - KITAB NU TUMPU ALLA LELE MA'IMAI'

⁷ Kona hi aha to mala-malaikat, Tumpu notataemo sumo uuka, “Tumpu mompotimbali to mala-malaikat-Nyo sumo mombuun, ka' to posa-posaihon-Nyo moak sumo apu.”

IBRANI 1:7 ပူးပေါင်းရင်းမြစ်များ

KAJADIAN 3:24

Lapas aijo', i sasu kabete'an nu taman aijo' i ahop nu sabatan pinsoopan, Tumpu Allah nompojoongmo to mala-malaekat, ka' samata na bajak anu ko apunyo anu tumoyo i songko-songko na tampat aijo' monjagai jalan mokiijo' i kau' anu mombee'i kantumuu'an aijo'. Tiba jalan anu sumo aijo' madi' ko samian pe'e na moko ala minsoop ka' mongohani kau' aijo'.

1 TOMU-TOMUNDO' 22:19

I Mikha po'ule' mule' notatae, “Uuka aiya potombihing mae apaa na anu pinoto'imo nu Tumpu! Tinoangku na Tumpu suha-suhang i kadela aita' i suluga' ka' iwi-iwi' na malaikat-Nyo sika-sika tinjo hi Ia.

2 TOMU-TOMUNDO' 2:11

Hau-haunyo aha laja-lajang aha sabasi-basisiknyo. Monti-montiik sa'angu'na kareta anu ko apunyo anu nu hela' nu ajahan ko apunyo tinokamo mae nongoloti aha, lantas i Elia i hangkatmo namba i suluga' nu mombun anu makansang hondo.

2 TOMU-TOMUNDO' 6:17

Lantan i Elisa binalado'amo, “O Tumpu, de timbali belento mombuka'akon mata nu posaihonku da ia timbali montoa!” Do'a i Elisa i hongomo nu Tumpu sahingga salatan posaihonnyo nontoamo nokiijo' tinoanyo na bungkutnyo aijo' nobuke'mo nu ajahan tiba kareta ko apunyo nontikubimo i Elisa.

MAZMUR 104:4

Mombun binaumo anu lewa' nu pokau nu Belento ka' kilat binaumo posaihon nu Belento.

YESAYA 6:2

Titikub hi Ia paha-paha tinjo na to mala-malaekat ka' moak susumo apu, totosamian anom na polipiknyo. Ohua' na polipiknyo mongkukubi ohupnyo, ohua' mongkukubi butongnyo ka' anu ohua' mule' nu pake bau polahapnyo.

DANIEL 7:10

ka' apu aijo' molele mae lengkat i kadela nu tomundo' ai-aijo'. Momada-madala na mian anu molayani Ia, ka' juta'an nu mian tinuminjomo i ahop-Nyo. Lapas aijo' tinampu'unanmo na nomputusi ka' iwi-iwi' na kitab pinaha buka'mo.

ZAKHARIA 6:5

Ia nontaami, “Aku nambamo i opat na tampat anu nu tujui nu aha de aha moko pangadapmo hi Tumpu nu songko-songko na dunia.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.