IBRANI 1:6 - KITAB NU TUMPU ALLA LELE MA'IMAI'

⁶ Panyo tempo'nyo Tumpu nonsai mae Anak-Nyo tumpe-tumpe toka i dunia aiya, Tumpu notataemo sumo uuka, “Iwi-iwi' na malaikat nu Tumpu patut monsombah Anak aijo'.”

IBRANI 1:6 ပူးပေါင်းရင်းမြစ်များ

MAZMUR 97:7

Iwi-iwi' na mian anu monsombah pilogot opopo'ambangmo, anu mongkabubuunakon to bala-balang anu madi' kogunanyo; iwi-iwi' na pilogot tolodadupumo monsombah i ahop nu Tumpu.

MATIUS 24:14

Ka' Lele Ma'ima' mongkona mosia na Tumpu mompalentah o polele i songko-songko na dunia, da iwi-iwi' na mian mohongo. Lapas aitu, tokaje na kakiamatan.”

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 3:16

Kalana sumo aitu na Tumpu mongkalibosi mian i dunia aiya, sahingga Ia nombee' Anak-Nyo samba-sambatunyo da ihehe na mian anu palesaya hi Ia madi' mohumpak ka'idekan, panyo mohumpak kantumuu'an talakana' ka' sampe toka sidu-sidutu'.

ROMA 8:29

Aha anu pinile'anmo nu Tumpu, pinoko tantukanmo lengkat pe'e i imomoonanyo da timbali pokakana sumo Anak-Nyo, aijo'mo i Yesus Kristus. Kalana aitu Anak aijo' timbalimo anu tongkoimoona hi aha anu moto utus manjoo'.

PO'ULE' INGULIT 32:43

O bansa iwi-iwi', puji' na mian anu pinalesayamo hi Tumpu, kalana Tumpu mohukum iwi-iwi' na anu mompatei aha. Ia na mombalosakon hi sampobali' nu aha panyo mongampuni dosa' nu mian anu pinalesayamo hi Ia.”

KOLOSE 1:15

I Kristus te gambalan nu butong nu Tumpu anu madi' kantoan; i Kristus te anak anu tumpe, lebe penting molingkudui iwi-iwi' apaa na anu pinotimbalimo.

KOLOSE 1:18

Iamo na kapala nu butong-Nyo, aijo'mo jama'at, kalana Ia na pinolengkatan nu kantumuu'an nu jama'at aijo'. Iamo na anak anu tumpe, anu sini-sinilaka ka' momonanyo po'ule' pinotumuu', da ola posi Ia na anu timbali tahahumo penting molingkudui iwi-iwi na apaa.

IBRANI 1:5

Madi' toho' Tumpu notatae sumo uuka hi samian pe'e na malaikat; “Beleyumo na Anak-Ku; sinaa aiya Aku timbalimo Tuuma nu beleyum.” Ka' mule' madi' toho' Tumpu notatae sumo uuka mau mule' kona hi malaikat anu pa' iyamae, “Akumo na timbali Tuumanyo, ka' ia timbalimo Anakku.”

IBRANI 10:5

Mokonyo aijo' salatan i Kristus ninsoopmo i dunia, Ia notataemo hi Tumpu, “Belento madi' mongkahanda'i koloban ka' anu osombahkon; panyo ola mule' ahi' Belento nompotoukamo butong-Ku.

1 PETRUS 3:22

ka' noliba'mo i suluga'. Uuka aiya Ia mongkuasaimo hingga-hinggat tiba Tumpu ka' mompalentahmo malaikat iwi-iwi', iwi-iwi' anu ko kuasanyo tiba iwi-iwi' na anu mahoson.

1 YOHANES 4:9

Tumpu nompopiamo kalibosanan-Nyo hi kita, aijo'mo, nonsaimo mae Anak-Nyo anu sa'a-sa'angu'nyomo tinoka i dunia da kita mohumpak kantumuu'an hi Anak-Nyo aijo'.

ANU PINOTO'I HI YOHANES 1:5

ka' lengkat mae hi Yesus Kristus, sakisi anu mohongo-hongo. Iamo na anu sinilaka po'ule' pinotumuu' momona, ka' Iamo na anu mongkuasai to tomu-tomundo nu dunia. I Yesus mongkalibosi kita, ka' kalana Ia sinilakamo aijo' sahingga Ia nompobebasmo kita da madi'mo o hukum kalana dosa'to, haha aijo'.