HOSEA 9:8 - KITAB NU TUMPU ALLA LELE MA'IMAI'

⁸ Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

HOSEA 9:8 ပူးပေါင်းရင်းမြစ်များ

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 18:1

Madi' pinin, ilapas na aijo', kina konamo i taun kototolu'nyo na posinaa anu daka' hondo aijo', pinoto'imo nu Tumpu hi Elia, “Lako'mo mangadap hi Tomundo' Ahab, ka' poto'i madi'mo pin Ku tudunakonmo na ujan.”

1 TOMU-TOMUNDO' 18:19

Uuka aiya palentahkonmo hi mian nu Israel iwi-iwi' da singkabot tiba aku i Bungkutnyo nu Karmel. Boa mae na nabi nu Baal anu itina' aha pato-pato'atu ka' limampulu' ka' mule' aha pato-pato'atu na nabi pilogot Boune Asyera, anu nunu ongkosi i Izebel bengkele' nu belento Tomundo'!”

1 TOMU-TOMUNDO' 22:11

Sala samian na nabi haha aijo' sanggonyo i Zedekia anak i Kenaana, nombau tanduk, besak na tinutuk, lantas pinoto'inyomo hi Ahab, “Aiyamo na anu kokoonyo nu Tumpu, 'Tiba tanduk anu susumo aiya na bau pompatei nu belento Siria ka' bau pohopu'i aha.’ ”

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

1 TOMU-TOMUNDO' 22:28

I Mikha notatae, “De belento Tomundo' minsusule'mo mae ma'i-ma'ima', nyata' taalu' Tumpu memang madi' nompoto'i mae susumo anu pinoto'ingkumo! Iwi-iwi' na anu sinihuk i aiya timbalimo sakisi.”

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

2 TOMU-TOMUNDO' 13:21

Daagi' kino sansinaan tempo'nyo aitu ko mian pa' aha sangkuka hau-haunyo molamun mian anu silakamo, monti-montiik tinoamo nu aha na mian nu Moab anu lewa' mombau anu ma'idek tinokamo mae. Sahingga bangke' aijo' me i lumbu'akon nu aha i liang pinolamunan i Elisa ka' aha nopalaimo. Ka' Salatan bangke' aijo' tinudunmo hi buku i Elisa, bangke' aijo' po'ule'mo tinumuu' ka' tinuminjomo.

2 TOMU-TOMUNDO' 2:14

lantas sinapahakonnyomo na juba' i Elia aijo' i uee ka' notatae, “Iyamo mae na Tumpu, Tumpu Allah i Elia aijo'?” Salatan sinapahakonnyomo na juba' aijo' i uee nu kaunyo aijo' ueenyo ai-aijo' nobagimo ohua' lantas ia i lumajangmo nokiijo' i santoanyo.

2 TOMU-TOMUNDO' 2:21

Lantas nambamo na i Elisa i mata nu uee ka' nolumbu'akon timuson aijo' i uno nu uee ka' notatae, “Aiyamo na anu kokoonyo nu Tumpu; 'Aku nompolinomo uee aiya da madi'mo monsaduakon mian silaka kabai anu poboa ola saja lamba-lamba!’ ”

2 TOMU-TOMUNDO' 4:41

Sahingga i Elisa nompokaumo da mongala mae labu sangkiding, lantas kinakambuhannyomo i uno nu kuhon aijo'. Lapas aijo' pinoto'inyomo, “Bagi-bagiakon mule' na anu ingunjangmo aijo'.” Sahingga kaanon aijo' madi'mo nongkuka na kinaan.

2 TOMU-TOMUNDO' 4:43

panyo posaihonnyo aijo' notatae, “Madi' sukup hi aha sa'atu na mian aiya!” Tinaaman i Elisa, “Bagi-bagiakonmo da nukaano nu aha, kalana pinoto'imo nu Tumpu tukoo-Nyo aha mongkaan ka' salatan moko kaanmo daagi' ko labinyo.”

2 TOMU-TOMUNDO' 5:14

Kalana aijo' nambamo na i Naaman i kaunyo Yordan lantas lako'mo nongkiobakon butongnyo i kaunyo aijo' pinimpitun susumo anu pinokaumo i Elisa. Sahingga na'alinmo na i Naaman. Butongnyo po'ule'mo na'ima' susumo butong nu olitau.

2 TOMU-TOMUNDO' 5:27

Kalana beleyum nongalamo anu binee'nyo aijo' beleyum suele nongalamo panyakit i Naaman. Ka' mule' sampe toka sidu-sidutu' lee' nu beleyum suele nu konamo nu panyakit aijo'!” Salatan i Gehazi nosabatmo lengkat kiijo', ia kinonamo nu panyakit kilit – kilitnyo nopute'mo hondo.

2 TOMU-TOMUNDO' 7:19

Ka' tempo'nyo aitu suludadu anu saja' monsangalui tomundo' aijo' notataemo. “Iya na jadi! Aijo' madi' minsoop i akan, maumo tempo' uuka Tumpu montudunakonmo mae ujan mabohos lengkat mae i langit!” Lantas tinaamanmo i Elisa, “Nu toaje apaa na han anu jadi, panyo beleyum madi'mo montenten kaanon mau ola sangkiding.”

2 TOMU-TOMUNDO' 7:2

Suludadu anu saja' monsangalui i tomundo' nontaami, “Iya na jadi, aijo' madi' minsoop i akan, maumo uukamo aiya na Tumpu montudunakon mae ujan daka' lengkat mae i langit!” “Nu toaje na han aijo' jadi saidi' mae, panyo beleyum madi'mo monyamit anu o kaan aijo' maumo ola sangkiding,” na tinaaman i Elisa.

MAZMUR 124:7

Kita sumomo tomonsi' anu nolapasmo i so'o nu mian anu kahanda' mohakop, so'o aijo' nobotu'mo, lantas kita nolapasmo!

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

NYANYIAN ANU TALASANGGO 3:3

Aku siningkabotan nu anu moronda kota' ka' pinokilawangkumo; “Pa' belemiu nontoa anu ku una' ikinyonyoangku?”

YESAYA 62:6

Ipagan mesen nu Yerusalem ku pojoong na anu monjagai, sinaa tiba pihi aha madi' ola momohokot, panyo tionyo ahi' saja' mompoingat Tumpu, te palajanjian anu binau-Nyomo.

YEREMIA 11:19

Aku sumomo ahi' domba anu madi' ko sangka'an apa-apaa binoamo itampat pompateian. Aku madi' monsumbu-sumbu' tanga'an ma'idek aijo' montanga'imo mompatei mae aku na aha. Aha notatae, “Imbo' da otaa'mo na kau' aiya hau-haunyo ia daagi' nimbua'; opateintomo na ia da sanggonyo nu kolilimimo nu mian.”

YEREMIA 14:13

Lantas aku notataemo, “O Tumpu Anu Matangkas Na Kuasanyo, Belento nonsumbu'mo nabi-nabi polo'mo notatae hi mian da'isan koonyo nu aha madi'mo daagi' ko pahampaten, kabai kasusa'an i anu okaan, kalana Belento binalajanji'mo koonto lipu' aiya saja'mo ko kadamean.”

YEREMIA 23:13

Dosa' nu to nabi-nabi nu aha Samaria tinoang-Kumo. Aha motatae mompake atas sanggo nu Baal ka' nompotageo'mo pikilan nu Israel, mian anu palesayamo hi beleng-Ku.

YEREMIA 31:6

Memang totu'u tokaje mae na tempo'nyo to mia-mian anu monjaga kota' moloboo'akonje mokiita ibungkutnyo nu Efraim, ‘Imbo' kita mindakomo mokiita' i Sion, hi Tumpu Allah-nto'.’ ”

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 6:17

Lantas Tumpu nompo uli-ulitmo nohangkat ponjaga-ponjaga da mompotuka'akon hi aha da mompotombihing salaku tanda tolompet. Panyo mian notataemo, “Kami madi' mongka'oho' mompotombihing.”

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

MOHAANGI 4:13

Panyo han aijo' jinadimo, kalana dosa' nu to ima-imam ka' to nabi-nabi. Aha nombubusakonmo baso', nu mian anu madi' ko sala'nyo.

YEHEZKIEL 3:17

“O, manusia anu madi' tumuu' batu, beleyum Ku hangkatmo da monjagai bansa Israel. Potokakon na pokinde'-Ku anu Ku bee' hi aha sumo uuka,

YEHEZKIEL 33:7

O manusia anu madi' tumuu' batu, beleyum ihangkat-Kumo da bau ponjagai bansa Israel. Poto'i hi aha na pokinde' aiya;

HOSEA 5:1

Tumpu notatae, “Potombihing mae o to ima-imam! Palahatikan o mian nu Israel. Potombihing mae o to mia-mian lee' nu tomundo'! Hukuman opokonamo hi belemiu. Kalana sabenanyo adin ahi' na belemiu momputusi palakala, panyo belemiu ola mule'ahi' susumo totumban kiijo' i Mizpa ka' susumo so'o i bungkutnyo nu Tabor,

HOSEA 9:7

Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

HOSEA 9:9

Talalo hondo ma'idek na palabuatan nu belemiu sumo anu toho'mo binau nu aha mian Gibea, Tumpu monginau'mo kasala'an nu belemiu ka' mohukumo belemiu kalana dosa' nu belemiu.

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

ROMA 3:7

Panyo de kalana bauon anu madi' totu'u, apaa na anu totu'u mongkona Tumpu konyata-nyata'nyomo sahingga Ia o puji', ka' kadaka' mian anu mombau ma'idek aijo' daagi' opisala'i sumo mian baladosa'?

IBRANI 13:17

Obatuki na palentah nu to pola-polaya' miu, ka' otuluti na aha. Kalana aha saja' mompalahatikan santuu' miu, ka' aha mule' saja' ahi' mompalahatikan mosia na pakalaja'an nu Tumpu anu binaumo nu aha. De komiu montuluti aha, sanang na kinyonyoa nu aha mokalaja; de madi', tantu aha mokalaja susa' na kinyonyoa, ka' aijo' madi' mompo'untung komiu.