HOSEA 9:7 - KITAB NU TUMPU ALLA LELE MA'IMAI'

⁷ Tinokamo mae na tempo'nyo anu pohukumanmo, tempo'nyo nu pontalimanmo balosnyo nu palabuatan nu aha. Nu oa'imo nu Israel! Belemiu nontaloakon, “Nabi anu kinuasanmo nu roh aiya ponga'! Ulawon na ia!” Belemiu nontaloakon sumo aijo' kalana belemiu mongka'ideki mae hondo aku ka' dosa' nu belemiu talalo hondo daka' na koonyo nu nabi aijo'.

HOSEA 9:7 ပူးပေါင်းရင်းမြစ်များ

2 TOMU-TOMUNDO' 9:11

I Yehu ninsusule'mo hi to sanga-sangalunyo lantas pinokilawamo nu aha, “Lele apaa? Mian anu ulawon aijo', apaa na anu nu kahanda'i hi belento?” “Ha' sinumbu'mo nu belemiu,” na koonyo i Yehu.

YESAYA 10:3

Apaa na daagi' obau nu belemiu de tokamo na sinaanyo nu Tumpu mohukum belemiu? Daagi' apaa na usaha nu belemiu de Ia mompotokamo mae balaa' anu lengkat mae ilipu' majo'on? Hihe na timbali pomoitan tulung nu belemiu? Iyamae na timbali pomposulukan kakaya'an nu belemiu?

YESAYA 26:11

O, Tumpu, Belento sabole-boleh mohukum anu monsampobali' Belento, panyo madi' nu sumbu' nu aha. Bakas da aha ma'ambangje demontoamo kalibosan nu Belento hi mian anu palesayamo hi Belento. Bakas da aha mohopu'o nu hukuman anu Nu posadiamo hi aha.

YESAYA 34:8

Aijo'mo na tempo'nyo nu tinjohimo nu Tumpu na Sion ka' mombalosakonmo idek nu kinyonyoa-Nyo hi aha anu monsampobali' mae.

YESAYA 44:25

Akumo na anu madi' nompototu'u aha anu biasa sola' mongkila-kila apa na jadi saidi' mae, ka' sola'mo nombia-biangakon aha anu lewa' montahi'i. Potatae nu aha anu toto pande-pande ginagakon-Kumo, kapandean nu aha pinojading-Kumo kaponga'an.

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 11:23

Aku nontantukanmo tempo'nyo bau pompotokan mae balaa' hi aha mian nu Anatot, ka' de tempo'nyomo nu hukuman anu onabu'akon hi aha aijo' tokamo, madi' daagi' ko samian na anu madi' nu kona nu balaa'.”

YEREMIA 16:18

Dosa' tiba palabuatan ma'idek nu aha Ku balosakonmo nu hukuman pinduan lipat, kalana aha nohenyuimo lipu'-Ku nu pilogot manjoo' hondo. Pilogot haha aijo' madi' konyawanyo sumomo ahi' bangke' nu mian anu sinilakamo.”

YEREMIA 23:13

Dosa' nu to nabi-nabi nu aha Samaria tinoang-Kumo. Aha motatae mompake atas sanggo nu Baal ka' nompotageo'mo pikilan nu Israel, mian anu palesayamo hi beleng-Ku.

YEREMIA 25:14

Iwi-iwi' na palabuatan nu aha mian nu Babel Ku balosimo; aha nu botuanimo nu to tomu-tomundo' toto daka-daka' na kakuasa'annyo ka' mule' manjoo' na to bansa-bansa anu mombotuani'.’ ”

YEREMIA 29:26

“Tumpu nohangkatmo beleyum tinimbali imam da mombolosakon i Yoyada, ka' uuka aiya beleyumo na pangkat anu matangkas hondo i uno nu Laigan nu Tumpu. Kalaja nu beleyum aijo'mo da mompalentah da supaya batu-batu mian anu ulawon, anu mongakui butongnyo nabi, ia otalungku'mo ka' olante'mo nu besak igogohongnyo.

YEREMIA 46:21

Ka' mule' to sulu-suludadu anu sola' nu tamboi madi'mo noko ala nombau apa-apaa sumomo ahi' anak nu sapi' anu talalomo nolompo'. Aha madi'mo noko ala nontinjohakon. Iwi-iwi' ninsusule'mo ka' nopalaimo da salamat. Sinaa pohukumanmo aha tinokamo; tempo'nyomo na aha nu tuda'imo mae nu balaa'.

YEREMIA 6:14

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah, madi' mongkuka,’ aha notatae, ‘iwi-iwi' ma'ima' ka' madi' ko apa-apaanyo.’ Pada han madi' ahi' hondo-hondo sumo aijo'.

YEREMIA 8:11

Bela nu mian anu palesayamo hi beleng-Ku nu anggap nu aha ola bela ise-ise'. ‘Ah madi' mule' mongkuka,’ aha notatae, ‘iwi-iwi' ma'ima' ka' madi' ko anu mompoposia'.’ Padahan madi' ahi' sumo aijo'.

MOHAANGI 2:14

Anu pinotokakon nu to nabi-nabi hi belemiu, ola ahi' leko' ka' pongakali nu aha. Aha madi' toho' mompoto'i dosa' nu belemiu sahingga kalana aijo' beleyum madi' mobabali'i palabuatan nu dosa' nu beleyum. Ola mule'ahi' aha nompoto'i hi belemiu potatae anu toto bale-baleko' mompigalapi.

YEHEZKIEL 13:10

O, to nabi-nabi anu madi' totu'u! Belemiu nomposala'mo jalan nu mian anu palesayamo hi beleng-Ku kalana nontaloakonmo koonyo nu belemiu iwi-iwi' madi'mo momosia ka' na'ima'mo. Padahan imadi' ahi! Mian anu palesayamo hi beleng-Ku nombaumo pagan mesen madi' nahoson na nompokona batu, lapas aijo' belemiu tinokamo nonset nu tiilon.

YEHEZKIEL 13:3

Tumpu Anu Matangkas na Kuasanyo notataemo, “Silakamo na to nabi-nabi anu singkap ponga' haha aijo'! Pikilannyo ihumpaknyo anu ola pinosi tutugannyo ka' anu tinoanyo madi' ahi' totu'u.

YEHEZKIEL 25:17

Ku piboatimo na mohukum aha ka' Ku potudunmo na tambuha'-Ku sampeje ahi' Aku ma'osamo. De nu oa'imo nu aha na tambuha'-Ku nu sumbu'je nu aha taalu' Akumo ahi' na Tumpu.”

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

YEHEZKIEL 9:10

Aku madi'mo mongkalibosi aha. Ku baumo hi aha apaa na anu binaumo nu aha hi mian sangga'at.”

HOSEA 14:1

Samaria tionyo ahi' ohukumo kalana notomuhukmo madi'mo nohongo-hongo Aku. Mian da'isan nu aha saidi' mae mohopu'mo i uno nu pahampatean; to ana-anak anu daagi bungamea osilakaimo ka' to bou-boune anu hau-haunyo poboa obiha'mo na kompong nu aha.”

HOSEA 5:9

Israel mahungku'mo kalana tinokamo na tempo'nyo pohukumanmo ia. Potombihing mae belemiu mian da'isan nu Israel, han aijo' memang jadimo.

HOSEA 8:13

Aha mongka'ima'i monsombahkon koloban hi beleng-Ku ka' mongkaan ponoha' anu kinolobanakonmo aijo', panyo Aku Tumpu madi' montalima koloban haha aijo'. Uuka aiya Ku inau'mo na dosa' nu aha ka' mohukumo aha kalana dosa' nu aha haha aijo'; Po ule'mo Ku boa na aha i Mesir!

HOSEA 9:8

Tumpu nonsai mae aku salaku nabi da mompokinde'i belemiu mian-Nyo, anu palesayamo, panyo maumo ahi' pa' moya paku mamba belemiu mompagala monso'o aku susumo tomonsi'. Ilipu' anu Tumpu na tumpunyo kami to nabi-nabi nu ka'ideki nu mian da'isan.

AMOS 8:2

Pinokilawa nu Tumpu, “Beleyum nontoa apaa, Amos?” Tinamaan-Ku, “Sa'angu' na kalanjang isinyo bua' nu kau' anu nahamo.” Tumpu notatae, “Tempo'nyo i nahamo na aha mian-Ku Israel anu palesayamo. Aku madi'mo daagi' mombabali'i tanga-an-Ku, ka' memang ku hukumo na aha.

MIKHA 2:11

Belemiu mongkahanda'i nabi anu mongka'ima'i baleko' ka' mongakali ka' lewa' mongkila-kila tukoonyo belemiu mohumpakmo anggur tiba inumon manjoo' hondo anu molangui.”

MIKHA 7:4

Anu talalomo ma'ima' na kinyonyoa ka' mule' anu talalomo tageo' na kinyonyoanyo aijo' hi aha panyo sumo-sumomo ahi' hemput anu kohii'nyo madi' kokaliangannyo. Tinokamo na tempo'nyo Tumpu mohukumo mian-Nyo anu palesayamo susumo anu toho'mo pinotuka'-Nyo hi aha to nabi-nabi-Nyo ka' to nabi-nabi-Nyo na nompoto'imo hi aha. Uuka aiya tinokanmo nu pahantuda'an hi posi bubu'mo aha.

ZEFANYA 3:4

To nabi-nabinyo mule' me tulu-tulumo na anu olakukan ka' madi'mo opalesaya nu mian, to ima-imam nohumimi'imo apaa na anu osombahkonmo hi Tumpu ka' mule' monggeo-geo'akonmo atulan nu Tumpu da boda-boda baumo posi ka' untungan nu aha.

MARKUS 3:21

To mia-mian notatae, “Ia ingulawonmo!” Ka' salatan ihongo nu to utu-utus-Nyo na han aijo', aha nambamo nompoboa Ia.

LUKAS 21:22

Kalana sina-sinaa aijo' aitumo na ‘Sina-sinaa Hukuman Onabu'akonmo,’ da tiba anu sumo aijo' tinimbalimo apaa na anu tinulismo i uno nu Kitab nu Tumpu.

2 KORINTUS 5:13

De kami memang otoa notutuangmo, aijo' kalana mombau kapentingan nu Tumpu. Ka' de kami otoa sinsumbu', aijo' kalana mombau kapentingan miu.

ANU PINOTO'I HI YOHANES 16:19

Kota anu daka' aijo' nobagi-bagimo tinimbalimo totolu' na bahagian, ka' i nohopu'mo suele na to kota-kota, iwi-iwi' na negara i dunia aiya. Lantas Tumpu tinonginau'mo hi Babel anu daka' aijo'. Saba' Tumpu nompo'inummo anggur anu aijo' i tampat pinongisian anggur nu Tumpu – aijo'mo anggur pusa-Nyo anu tahahumo hondo.